Претходна статија
„Баџак Инжењеринг“ ќе го гради Паркот на бранителите во Куманово
Следна статија
Меѓународниот бренд на хотели „Mercure“ со својот првенец во Тетово

„Веро“ годинава со три нови продажни објекти во земјава

Објавено на 12.09.2017 во категорија Вести.

 

Компанијата „Веро“ во текот на 2017 година отвора три нови супермаркети во Македонија. Пред неколку месеци беше отворен супермаркетот „Веро“ во Тетово, а до крајот на годинава ќе се отвори нов „Веро“ маркет во Скопје и продавница „Џамбо“ во Битола. Од компанијата денеска информираа и дека го купиле просторот на некогашниот ресторан „Мекдоналдс“ во скопската населба Тафталиџе. Просторот ќе стане дел од супермаркетот „Веро“ во Тафталиџе, којшто во претстојниот период ќе се реновира и модернизира.

 

 

„Веро“ годинава одбележува 20 години од отворањето на првиот супермаркет во нашата земја. Во овие две децении биле отворени 12 маркети, од кои седум во Скопје, по два во Битола и Тетово и една продавница „Џамбо“ во Скопје. Оваа компанија лани остварила 109 милиони евра приходи од своето работење во Македонија и во Србија.