Претходна статија
Уставен суд ја одби претставката, зградата кај Мајчин дом во Аеродром ќе се гради
Следна статија
Втора шанса за скопјани годинава да добијат субвенции за набавка на печка на пелети

Конкурс за избор на идеен и главен проект за санација и надградба на Канцеларијата за врски во Атина

Објавено на 01.11.2018 во категорија Вести.
Facebooktwitterlinkedin

 

Министерството за надворешни работи денеска го објави огласот за набавка на идеен и главен проект за санација и надградба на Канцеларијата за врски на Република Македонија во Атина. Проценетата вредност на потребната проектна документација би чинела околу 480.000 денари, со вклучен ДДВ. Главната цел на министерството е да се обезбеди техничка документација за претстојните градежни и градежно занаетчиски работи што ќе се одвиваат во ова наше здание во грчкиот главен град.

 

 

Идејниот и главниот проект ќе бидат неопходни за планираните функционални и естетски измени во ентериерот и во екстериерот на објектот во кој е сместена Канцеларијата за врски. Проектната документација треба да ја вклучи и предвидената надградба на спрат, надкриен со кров на објектот. Со претстојните зафати е зацртано да се прошири и уреди приемниот хол во приземјето, да се предвиди отворање на нов конзуларен влез за странки и да се адаптира канцеларија за чекална со тоалет, да се адаптира станот на приземјето и да се спојат помалите канцеларии на спратот од објектот на Канцеларијата за врски.

 

Како што се наведува во огласо идејниот и главниот проект треба да ја опфатат и предвидената сеопфатна санација на овој објект. Министерството за надворешни работи очекува понудите за учество во тендерската постапка од заинтересираните проектантски бироа да се достават најдоцна до 13 ноември.

 

 

Бојан Блажевски

bojan.blazevski@build.mk