Претходна статија
102 милиони денари за довршување на водоводот во Липково
Следна статија
17,4 милиони денари за партерно уредување на објектот на ФДУ

Град Скопје распиша Конкурс за идејно решение за дизајн на урбана опрема

Објавено на 06.03.2018 во категорија Вести.
Facebooktwitterlinkedin

 

 

По претставувањето на замислата пред студентите на Архитектонскиот факултет, Градот Скопје денеска го распиша Конкурсот за изработка на идејно решение за дизајн на урбана опрема во главниот град. Од младите архитекти се бара да дизајнираат по два типа на клупи, корпи за отпадоци и заштитни столпчиња за зеленило што би се поставиле на јавните простори во Скопје. Конкурсот е деллив на шест дела и за секој од нив се предвидени прва награда во нето износ од 18.000 денари и втора награда во нето износ од 10.000 денари.

 

*Уништената урбана опрема во Скопје ќе се заменува со нова

 

Заинтересираните архитекти имаат рок до 12 април за да ги достават изработените идејни решенија до Градот Скопје. За избор на најсоодветните архитектонски трудови е формирана комисија во состав: Ерина Филиповска, Аљоша Шопар, Виктор Михајлов, Снежана Митовска, Бесник Осеку и Катица Божјанова. Избраните идејни решенија ќе се преточат во урбана опрема, која што во иднина ќе се постави пред скопските училишта, студентски домови, факултети, плоштади, булевари и улици.

 

 

Бојан Блажевски

bojan.blazevski@build.mk