Наука и технологија: Македонски пронајдоци и патенти

ФОКУС: Какво е искуството од средбите со авторитети од оваа област. Ве испитуваат ли дали држат вашите теории?
ИЛИЕВСКИ: Стручњаци од Австралија се обидоа со постоечките теории да ме соборат. Но не успеаја во тоа. Да имав практичен производ, не мораше никому да му објаснувам, иако и тоа не е доволно. Во светот на науката мора да имате теорија да го браните тоа што сте го произвеле. Можете да имате антигравитационо летало ама ако немате теорија што го поткрепува, нема да ви веруваат. Како што му правеле на Никола Тесла, кога проверувале дапи има жици под водата кога докажал дека може со помош на електромагнетен бран да се пренесува струја. Значи, направени се и експерименти кои водат кон тоа дека јас сум во право во врска со антиграватицијата. Не поседуваме се уште летало, блиску сме до тоа, но сепак далеку.
ФОКУС: Што е потребно? Многу пари?
ИЛИЕВСКИ: Не знам дали требаат многу пари, потребно е големи умови да се соберат на едно место и малку пари и ќе има резултати.

ЈА ГУБАМ БИТКАТА СO ПРИМЕНЕТАТА НАУКА
ФОКУС: Имате ли други иновации?
ИЛИЕВСКИ: Јас сум налравил голем број работи за кои сум сметал или дека се неважни или дека се очигледни, за подоцна да сфатам дека некој ги презентира како нови сознанија. Зборувам за периодот кога бев во средно училиште. Имав интересни идеи кои добро ги обработував без да бидам свесен дека имаат тежина. На крајот констатирав дека перманентно ја губам битката во делот на применетата наука во однос на западниот свет.
ФОКУС: За какви производи станува збор?
ИЛИЕВСКИ: На пример, за електромагнетен шрафцигер. Поради тоа што поправив радио како дете и ми паѓаа шрафовите во радиото, направив електромагнетен шрафцигер.
ФОКУС: Тогаш не постоеше такво нешто?
ИЛИЕВСКИ: Не. Потоа, заштитни склопки, електромотори, соларни колектори, пепо тркало на автомобил за паркирање, сензор за паркирање... На село имав проблем со следење прва и втора програма на МТВ, па морав да направам контролор, со кој ќе ја вртам антената по потреба. Подоцна во Германија видов дека тоа почна да се произведува. Имав еден куп такви ситни пронајдоци, но сфатив дека ја губам трката со индустријата. И затоа, од аспект на местото каде што живеам, се определив да работам фундаментална физика, чиста теорија при што не е важно каде живеете. Дури, колку сте подалеку од цивилизацијата, толку ви е почист мозокот, поблиску сте до небото.

ХИТЛЕР БИЛ К0НТР0ЛИРАН
ФОКУС: Што значат тие револуционерни теории ако се применат?
ИЛИЕВСКИ: Го менуваме светот во суштина. Атомскиот модел, како откритие, може да заврши во рамките на апстракцијата. Но практичното е што од теоријата произлегуваат два сериозни комерцијални производи. Едниот е антиграватиционото летало, а вториот машина која може да создава доволно енергија за да се храни себе си и да обавува одредена работа. Но и атомскиот модел открива нешто друго. Дали материјалниот свет е материјален, односно дали истовремено со материјалниот свет паралелно постои нематеријален свет. Дали ние коегзистираме истовремено во ист универзум, во ист простор. па дури и во исто време. Дали постојат два света? Дали се во прашање еден или повеќе светови?
ФОКУС: Вашата теорија дава објаснување за тоа?
ИЛИЕВСКИ: Мислам дека мојата теорија доволно објаснува. Поставува прашања и дава одговори. Дали сонот е јаве или јавето е сон. Дали можеме да воспоставиме комуникација сами со себе од другата страна. Дали нашиот материјален свет може да воспостави комуникација со својот нематеријален свет. Или кој свет е примарен, најпосле.
ФОКУС: Поставувате и други прашања од вселената?
ИЛИЕВСКИ: Ме интересираше како функционира една галаксија, дали постои опасност да се судрат галаксиите, има прашање дали сите ѕвезди се исти, а јас тврдам дека ѕвездите што се поблиску до центарот на галаксијата, се условно речено со потешки метали, и според последните сознанија во науката, на база на снимките со телескопи од вселената, се покажа дека е навистина така. Објаснувам зошто постојат елипсите на планетите. Зошто нивните движења околу сонцето не се кружни, туку елипсоидни. Многу одамна имам напишано дека Плутон не можеме да го сметаме за планета. Дури и мојот син во Австралија на школо пишуваше тема, а со моја помош напиша дека Плутон не е планета, а сателитите на Сатурн не се сите што ги знаеме. За тоа беше критикуван, за по неколку месеци училиштето да му прати писмо со извинување дека сме биле во право. Има безброј други работи. Одговорив зошто Американците со нивната сонда го промашија Марс - заради неточно пресметување на гравитацијата...
ФОКУС: Дали е проблемот што сте во Македонија, не сте заминале на некој научен институт во светот да го примените знаењето?
ИЛИЕВСКИ: Иако сум во години, имам отворена понуда да работам за еден од контракторите на НАСА. Но, јас имам малку македонски инает во мене. Ја сакам оваа земја, сакам да им покажам дека сум појак од нивните институции. Оти по многу нешто, освен во Швајцарија, можат вода да ми носат. Во Швајцарија постои една од најголемите институции во оваа област, каде што се вложени милијарди долари, а следните три години илјадници научници ќе работат со нови 90 милијарди долари буџет. Станува збор за астрономски цифри. Американците трошат неколку пати повеќе средства од сите во светот заедно, потоа тука се Јапонија, Индија, Русија. Тие луѓе трошат толкави буџетски средства и не верувам дека лесно 6и прифатиле, некој аутсајдер, што во некој подрум во Македонија седнал и веднаш прескокнал цела епоха. Зашто, ова се епохални откритија. Имаме комплетно нов приод, сите работи во кои тие продолжуваат да талкаат во џунглата, јас ги објаснувам поинаку.
ФОКУС: Во книгата ги откривате деталите. Можат ли да се применат тие практично според книгата?
ИЛИЕВСКИ: Во добар дел - да. И не ми е криво. Кога станува збор за гравитацијата и за можноста за производство на антигравитационо летало, освен ситните детали како тоа би можело да се изведе, се' друго е дадено. Ако некој го прифати, научен институт и сл., лесно е проверливо и применливо. Ако се насочи научната мисла во таа насока за период од една година било која сериозна научна институција во светот може да даде резултат и да направи антигравитационо летало.
ФОКУС: Тоа би можело да се направи во Русија?
ИЛИЕВСКИ: Најјаки научници во таа област има во Русија и Америка. Русите имаа и предимство, зашто САД се нови во овие работи но вложија сериозни пари и ги купија најдобрите научни умови. Германија пред Втората светска војна беше водечка сила во оваа област, но потоа се што не беше отепано, беше однесено во САД. Можеби и Втората светска војна имала и други цели.
ФОКУС: Сугерирате дека не држи теоријата оти Хитлер сакал да го пороби светот, да создаде една раса.
ИЛИЕВСКИ: Ве поканувам да срушиме еден селски кмет за да видите колку е тоа тешко. Зборуваме за молер кој го поробил светот или се обидел. Многу работи се сменија по него. По Втората светска војна имаме комплетно научно, економско, политичко преструктуирање. Ве прашувам дали Хитлер случајно го направил тоа што го направил? Или некој го поставил таму за да обави одредена функција. Мислам дека крупниот капитал, ама не германскиот, туку американскиот, го поставил и го поддржувал и кога Хитлер во одреден момент мислел дека има доволно моќ да им се спротивстави на своите спонзори. тогаш го суредија. А не пред тоа. До Втората светска војна од она што знам од теоретската физика, Германија е најјака, а потоа се Англија и Франција, и малку Италија и Русија. Останатиот свет не постои во оваа област. Клучот е Германија. Сум живеел таму и не видев толку памет во тие луѓе. Ме чуди како дошле до таква сериозна наука, а не се толку интелегентни. Педантни се, дисциплинирани, коректни во работата, но во Германија нема сериозен дух што би можел да го направи тоа во науката. Силната автомобилска индустрија денес не е некоја креација, во прашање е модел, механизам, познат во науката, во физиката, мотор со внатрешно согорување, разработен до перфекција, како што го прави и Јапонија. Но тука нема креација. А имале креативност се' до Втората светска војна. Потоа имаме поместување, доминантни стануваат други. Концентрација на интелект има во Русија, но и САД, покрај концентрацијата на интелект, купуваат ум, и присилно дури. Со атомската бомба Германија предничела пред светот, украдена е технологијата, па дури и миграцијата на Ајнштајн во САД јас не ја гледам како случајна. Ајнштајн е под присила однесен во Америка. И живеел до крајот на животот во куќен притвор. За тоа има доволно докази.
ФОКУС: Ајнштајн бил инструмент...
ИЛИЕВСКИ: Исто како и Хитлер. Верувате ли дека има некоја голема фигура во светот што не е контролирана. Се' е контролирано.
ФОКУС: Тоа е теорија на заговор.
ИЛИЕВСКИ: Заговор - да, но не е теорија. Мислите дека Хитлер случајно дошол на власт? Австриец да дојде на власт во Германија? Едноставни се одговорите ако едноставно ги гледате работите. Истото му се случило и на Наполеон. И тој е Корзиканец кој доаѓа во Франција без да биде француски државјанин. Станува император на Франција, не само прв воин. Притоа, Католичката црква треба да даде согласност за да стане император. Значи, постои некој што контролира. Но зошто? Нему толку му било важно да влезе во императорската елита, па дури и да фалсификува дека бил од моќна лоза. Од Сумеријците па наваму некому му било важно каде припаѓа. Можеме ли да зборуваме за можна вонземска интервенција, односно дека сите оние што припаѓале на таа лоза биле нешто посебно. Александар Македонски во одреден момент вели - јас сум полубог. а полубогови биле тие што се мешани помеѓу жена земјанка и некакво друго суштество, некаков Бог. При рушењето на Трир, неговиот оружар ќе запише дека Александар има божјо потекло, зашто силен светлосен зрак ги урнал портите на градот кој го освоил. Ако го поврземе сето ова, тогаш не знам дали зборуваме за конспирација или за сериозна анализа.
ФОКУС: Глобализацијата е позната уште од Александар кога се говори за еден свет диктиран од еден центар.
ИЛИЕВСКИ: Знаете кој се спротивставил на таква идеја? Исус Христос. Но тој вели - ќе ги примиме и необрежаните. Симболично, значи, и тие што не се привилегирани. Под обрежани Исус можеби подразбира симболика на нечија вонземна интервенција. Како ќе ги објасните цртежите во пештерите во кои се сликани луѓе со скафандери. Или, нацртани летала во форма на чеклас. Чеклас е врвот на житарицата кај јачменот, односно плодот од каде што излегува, во форма на триаголник. Така, имаме летала во форма на триаголник сликани во пештерите. Во науката е познато дека чекласот е најаеродинамична форма, најдобро го сече воздухот, и најдобро завршува на крајот во капка на солза. Тоа е природна форма. Но, ние имаме цртежи на човек сместен во нешто како летало, човек кој седи во средината на такво летало. Такви цртежи има безброј низ светот. Кај старите цивилизации, кај Инките, Мајите и сл.

Македонски работи ПОТРЕБЕН Е СТЕЧАЈ НА ДАСКАЛИТЕ
ФОКУС: Што в потребно кај нас да се направи за развој на науката?
ИЛИЕВСКИ: Владата на Груевски добро почна и се надевам дека ќе реализира дел
од идеите. Ние требаше уште во 1991 г. Да направиме пресврт. Најмала е инвестицијата во мозокот. Требаше да направиме коренита промена на нашиот школски систем. Од тука требаше да почне се'. Не можеме со кадрите кои се школувани во друг систем, не можеме сега со несоодветни лекови да лекуваме одредена болест. Со социјалистички методи да лекуваме капиталистички болести. Кога би бил јас премиер, ако Груевски го прочита ова ќе ми биде многу драго, би спровел стечајна постапка, значи во стечај би ги ставил цела бирократија, вклучувајќи ги и даскалите во Македонија. Па погледајте што се учат нашите деца во школите. На нашите универзитети, ние и ден денес имаме папагалско повторување. Социјалистички, ништо да не разбираш, но реторички да повторуваш за да бидеш послушник. Нам нв ни требаат послушници, туку креатори, не можеме ние со таа гарнитура. Мораме најпрво да инвестираме во образование. Овој момент е пресуден и го охрабрувам премиерот да го направи тоа. Сепак, драго ми е што среќавам млади луѓе кои имаат голема љубов кон оваа наука, теоретската физика, и благодарение на интернет денес, имаат многу сознанија. Значи, знаењата се проширени вонинституционално. Тие луѓе инсистираат на разговор, доаѓаат кај мене на седенки, среќавам исклучителни личности. Повеќето од нив рекоа дека не ги разбрале моите теории во целост, но им се многу интересни, со коментар зарем може сето тоа да биде толку едноставно. Инаку, јас многу работи ги поткрепив со математика, иако не сум математичар. Ги ставив во необврзувачкиот дел за читателот, зашто секогаш кога некој ќе сака да биде злобен, и ќе каже дека ова е фикција, има доволно материјал за да го сепнам и да престане да зборува. Но, ме чуди што ниту една институција не се јави и не реагираше, а се јавија многу индивидиуалци кои ми рекоа дека ова нужно мора да стане обврзна литература, на пример во гимназиите, во природно-математичките средни школи. И дека би било пожелно како предмет да се стави и на факултет.

ЗАПАД НЕКА РАБОТИ ЛОН-СЕРВИС ЗА НАС
ФОКУС: Има ли Македонија капацитет да произведе научници генијалци?
ИЛИЕВСКИ: Генијалец се раѓа меѓу будали, во слабо опкружување. Немате голем избор. Едната е да залутате и да ве сметаат за човек што не знае што прави, односно границата е многу тенка. Ако не успеете, тогаш сте луд. Тука ни е шансата. Ние не можеме да се натпреваруваме со Америка во производство на компју тери. Нам ни останува чистиот ум, да го погледаме небото и да прашаме дали ние можеме нешто да направиме. Да - можеме! Се почнува од умот. Но, тоа што нам ни е потребно, е една посериозна лабораторија која би работела и екипа не само од Македонци, да не се залажуваме дека ние можеме нешто сами да направиме.
ФОКУС: Толку ли сме ние далеку?
ИЛИЕВСКИ: Дали сте биле некогаш во Министерството за наука во Македонија? Таму еднаш влегов и разговарав и ги замолив да ги избришат масите од прашина, но и тоа не е направено. Тие ми одговорија дека финансираат само професори. Цело време тврдиме дека школскиот систем ни е катастрофа, а ги фаворизираме истите професори и на нив се потпираме. Во тоа е проблемот. Фарадеј немал титула. Никола Тесла немал титула. Значи, ако не сте професор, ништо. Ми рекоа дека единствено ќе дадат пари за некој што ке направи проект за соработка со Кина, од областа на економијата. Јас сум економист по професија и ја ценам како наука, но економска наука во Македонија досега немам видено. Тука има само квази-економисти. Никогаш не сум добил помош од институции. Вклучително и литературата со која располагам. Се' сам сум обезбедил. Не располагам со лабораторија со која можам да испитувам нанотехнологија, но за сметка на тоа, со пет жици и три пара клешти, имам доволно опрема за елементарно докажување на моите теории.
ФОКУС: Не ви е потребно ништо повеќе?
ИЛИЕВСКИ: Кога Ото првпат го направи дизел моторот, моторот на внатрешно согорување, го направил многу скромно. и кога се обиделе да го стават во функција, тој експлодирал. Освен Ото, сите околу него биле разочарани. Само Ото знаел дека штом има толкава енергија, само треба да се контролира. Значи, денес сме во таа фаза. а знаеме каде отиде автомобилот. Денес зборуваме за перформанси, за стил, за ентериер, никој веќе не зборува како функционира тој мотор. Секој може да направи мотор. Ние сме сега во фаза дали ќе направиме мотор, дали воопшто ќе профункционира, и за тоа не е потребна толку многу сериозна технологија, а најпосле, таа технологија се купува. Ние ќе работиме во Македонија, а одреден елемент може да биде изработен во Лондон. во Њујорк. било каде, особено во Калифорнија каде што имаат сериозни научни институции и универзитети. Значи. потребна е сума пари која 6и овозможила да профункционира работата, работењето, да се собере тимот.
ФОКУС: Што ќе правите сега?
ИЛИЕВСКИ: Морам да го завршам она што го започнав. Досега работев теорија. сега морам да направам практичен производ. Или ќе го направам или ништо не сум направил. Ова еден ден ќе предизвика револуција во научната мисла, доволно е и тоа што е напишано и секој што добро ја познава таа тематика ќе сфати дека тука има нешто сериозно и ќе дојде моментот кога тоа ќе направи пресврт во научната мисла. Но, од друга страна, пак, ќе ми биде драго некој малку повеќе да се позанимава во оваа држава, не за мене. но заради другите. Со образование можеме да бидеме на светско рамниште. И ако за себе тврдиме дека сме паметни луѓе, дека имаме потенцијал, тогаш правилно да го насочиме и да станеме рамноправна, научна сила во светот. Поради тоа што сме малку развиени. Оваа област е иста како туризмот. Во туризмот колку си помалку технолошки развиен, толку ти се поголеми шансите да имаш квалитетен еко-туризам. И тоа Македонија го има. Ние можеме да продаваме домати, еколошка храна и теоретска физика, поради тоа што теоретската физика се развива под чисто небо и со чист дух. Таму каде што има веселба, каде што има добра ракија, каде што има убави чувства, каде што емоциите се чисти. А ние го имаме тоа. За теоретска физика не е потребна сериозна лабораторија кога ќе дојде во комерцијален производ, тогаш ќе ги плаќаме светските лаборатории да работат за нас. Зошто па се ние да работиме лон-сервис, шнајдери да сме, еднаш тие нека работат за нас.

Македонец со револуционерен изум: Електронска книга во ролна

80 – годишен иноватор од Пехчево прави машини за обработка на дрво