Коридор 8 |
Post Reply | Page <1 89101112 52> |
Author | |||||||
Vladimir P
Senior Member Joined: 06-Apr-2008 Location: Скопје Online Status: Offline Posts: 3304 |
Quote Reply #181 Posted: 01-Aug-2011 at 23:58 | ||||||
Точно, но погледај на самиот почеток нис колку диви населби провага пругата (веќе може да се рече низ самиот град) која во моментот е потполно прекриена со депонии изградени куки на неколку метра а во понатамашниот дел и некои узурпации и делови кој може да се рече не постојат.
Е сега ако се гради коридор мислам дека треба и тоа да е. |
|||||||
Клуб на љубители на железниците во Македонија, Macedonian Railways Fan Club
https://www.facebook.com/767277056651521/ |
|||||||
Max
Senior Member Joined: 07-Jun-2009 Online Status: Online Posts: 3603 |
Quote Reply #182 Posted: 04-Aug-2011 at 23:50 | ||||||
http://www.corridor8.org/download.php?sezione=articoli_en&id=4 доколку профункционира целосно кракот Лин-Смрдеш од К8, иако нема економска логика, би било идеално пред се по туризмот да има железничка обиколница околу охридско-преспанскиот регион, еве репортажа од постојната делница од кракот Лин- Подградец http://tendtotravel.com/2011/06/the-forgotten-railway-a-journey-through-the-heart-of-albania/ ohrid lake from train - http://static.panoramio.com/photos/original/2384211.jpg |
|||||||
BOJAN
Senior Member Joined: 09-Sep-2008 Location: SKOPJE Online Status: Offline Posts: 3438 |
Quote Reply #183 Posted: 05-Aug-2011 at 09:19 | ||||||
Моето мислење е блиско до твоето. Јас сметам дека е попаметно да се почне со изградба на пругата од Ќафасан, а не од Кичево. Паралелно со изградбата на пругата кон Кичево да се направи и крак кон Охрид. Овој сегмент околу Охридското езеро откога би се изградил веднаш би можело да се организира патнички сообраќај до албанското и црногорското крајбрежје на Јадранското море, а за товарен сообраќај би имало сигурно некаква товарна станица во Струга.
|
|||||||
N23
Senior Member Joined: 03-Feb-2011 Location: Skopje Online Status: Offline Posts: 2159 |
Quote Reply #184 Posted: 22-Oct-2011 at 14:34 | ||||||
Ставрески и
Јанакиевски денеска го презентираа извештајот пред стопанствениците.
Да продолжат реформите за подобрување на бизнис климата, да се зголемат
капиталните инвестиции и да почне реализација на стратешките проекти.
Ова од власта го побарале бизнисмените.
- Следна година ќе има пари за започнување на реконструкција на пругата на коридорот 8. Моделите се разгледуваат за изградба на Коридорот 8. Веројатно ќе се работи за комбинација дел кој ќе биде изграден преку јавно приватно партнерство и дел што ќе биде изграден преку кредитни средства, така да Коридорот 8 останува наш приоритет, изјави Зоран Ставрески, министер за финансии. извадок од: http://kanal5.com.mk/default.aspx?mId=44&egId=14&eventId=81769 |
|||||||
gjoko
Senior Member Joined: 18-Jun-2011 Location: kicevo Online Status: Offline Posts: 6554 |
Quote Reply #185 Posted: 01-Dec-2011 at 19:22 | ||||||
Во 2013 ќе започне изградбата на пругата кон Бугарија
Четврток, 01 Декември 2011 15:50 Сподели 9 Споделете ја веста со Вашите пријатели Министерот за транспорт и врски, Миле Јанакиески соопшти дека кон крајот на 2012 ќе започне реконструкцијата на пругата од Куманово до Делаковце, а од 2013 ќе започнат градежните активности за изградба на пругата до границата со Бугарија. -Во овој момент се изготвени физибилити стидиите и истите се дадени на ревизија. Согласно програмата на Владата очекувам кон крајот на 2012 година да започне рехабилитацијата на пругата од Куманово до Делаковце, од 2013 ќе започне изградабата до Бугарија. Тоа е согласно динамичниот план и согласно преговорите со Европската инвестициона банка и Европската банка за обнова и развој, изјави Јанакиески. Тој додаде дека наскоро ќе биде соопштен планот што ќе се прави во иднина со патиштата за кои што немаше заинтересиран концесионер. Инаку министерот Јанакиески денес имаше средба со претставници од Градежната комора при Сојузот на стопански комори. Тој ја поздрави соработката со бизнисмените од овој сектор и изрази верување дека и во наредната година градежништвото ќе биде главен двигател на економскиот развој. -Разговаравме за тековните активности и за идните планови на министерството. Беше разговарано и за конкретни проблеми кои што ги имаат градежните компании и веќе закажавме средби со Катастарот и другите институции, се со цел да се решат истите. Се надевам дека и во иднина ќе продолжи оваа добра соработка се со цел градежништвото и во наредната година да биде двигател на економскиот развој, со оглед на тоа што овој сектор во последните неколку квартали има најголем раст и има голем удел во растот на БДП. Јанакиески и бизнисмените од градежниот сектор разговарале и околу затегнување на законската регулатива во врска со компаниите кои работат без лиценца и во таа насока Јанакиески додаде дека на оние градежни претпријатија кои не ги исполнуваат законските услови, времено ќе им бидат одземени лиценците. http://kurir.mk/makedonija/vesti/51912-Vo-2013-ke-zapocne-izgradbata-na-prugata-kon-Bugarija |
|||||||
axel
Senior Member Joined: 08-Dec-2009 Location: kumanovo Online Status: Offline Posts: 3654 |
Quote Reply #186 Posted: 02-Dec-2011 at 13:35 | ||||||
Бугарите пресреќни за најавeната изградба на пругата до македонско-бугарската граница„Бугарија и Македонија конечно ќе имаат железничка врска,“ „Македонија ќе гради железница до бугарската граница“ – овие и редица други наслови осамнаа денес во бугарскиот печат по вчерашната изјава на министерот за транспорт, Миле Јанакиески, во која се вели дека реконструкцијата на железницата ќе започне во 2013 година. - Сите истражувања се направени... Проектот е координиран со Европската инвестициска банка и Европската банка за обнова и развој – рече вчера Јанакиески. Бугарскиот печат вели дека двете соседни земји не се поврзани со железница, што е невообичаена околност „која воглавно се однесува на комплицираните односи меѓу Бугарија и Србија во 20-иот век“ Тие додаваат и дека Македонија била третирана како „јаболко на раздорот.“ Минатата година во бугарските медиуми осамна и теза дека во Македонија се градела пруга кон Бугарија само кога земјава во минатото била под бугарска окупација и кога бугарската војска ќе ги земела работите во свои раце и ќе изградела по некоја делница. Од друга страна, пак, во земјава изминатите години се појавија анализи во кои се тврдеше дека немањето на пруга кон Бугарија ја чини Македонија околу 50 милиони долари годишно. http://www.plusinfo.mk/vest/24930/Bugarite-presrekjni-za-najavenata-izgradba-na-prugata-do-makedonsko-bugarskata-granica |
|||||||
Andrej_LJ
Senior Member Joined: 20-Oct-2008 Location: Ljubljana Online Status: Offline Posts: 2954 |
Quote Reply #187 Posted: 02-Feb-2012 at 19:14 | ||||||
Лион - Торино за два часа, Скопје - Софија нема пруга
Презадолженоста и финансиската криза не ги спречуваат европските земји да инвестираат во нова железничка инфраструктура, а најдобар показател за тоа се договорите што ги потпишаа Франција и Италија за изградба на брза пруга Лион - Торино, како и за брзата пруга од Норвешка до Шведска, врска што потоа под Балтичко Море треба со тунел да продолжи кон Германија. Овие амбициозни инвестиции се планираат во време кога сé уште е неизвесен опстанокот на еврото како валута и кога не се знае каква ќе биде судбината на европската економија. Иако инвестициите во инфраструктурата се веќе испробан рецепт за придвижување на една економија, во изминативе дваесет години кај нас речиси нема инвестиции во железничкиот сектор. Македонија и понатаму е една од ретките европски земји што немаат железничко поврзување со две соседни држави (Бугарија и Албанија). Македонските возови тапкаат во место Додека европските земји се обидуваат со нови инвестиции во брзи пруги да го намалат времетраењето на патување од една до друга држава за неколку часа, во Македонија инвестициите во железницата тапкаат во место речиси дваесет години. Различни владејачки гарнитури ветуваа изградба на пруга кон Бугарија и кон Албанија, како и осовременување на постојната пруга од Коридорот 10. Но пруга кон овие две држави сé уште нема, а доволно е едно возење со македонските возови по Коридорот 10 за човек да се врати во времето на Втората светска војна. И сегашнава влада повеќепати декларира посветеност во развојот на железничката инфраструктура, но и по шест години нема видливи резултати од ваквите заложби. Според првичните најави на Владата, изградбата на нова пруга од Бељаковце - Крива Паланка до Деве Баир, граница со Република Бугарија, во должина од 60 километри, дел од Коридорот 8, требаше веќе да биде почната, за потоа почетокот на изградбата да се одложи за годинава. Така е предвидено и во националната програма за железничка инфраструктура 2011-2013 година. Сепак, сите реални показатели упатуваат дека ваквите прогнози нема да се остварат. За оваа делница сега се работат студија за оправданост и студија за влијание врз животната средина со социјална студија, а потребно ќе биде да се изработи и посебен проект за делницата Бељаковце - Крива Паланка. Дополнително, за изградбата треба да се обезбедат околу 450 милиони евра од меѓународните финансиски институции, а засега нема никаква најава за ваков заем. Слична е состојбата со најавената изградба на нова пруга од Кичево до Лин, граница со Република Албанија во должина од 70 километри, исто така дел од Коридорот 8. Според информациите од Владата, за овој проект има изработено студија за оправданост, идеен проект и студија за влијание врз животната средина за целата делница, а за завршување е потребно да се комплетира техничката документација и да се реализира изградбата. http://www.novamakedonija.com.mk/NewsDetal.asp?vest=2212916521&id=9&prilog=0&setIzdanie=22495 |
|||||||
"Тaм, където глупостта е образец, разумът е безумие." Гьоте
|
|||||||
N23
Senior Member Joined: 03-Feb-2011 Location: Skopje Online Status: Offline Posts: 2159 |
Quote Reply #188 Posted: 02-Feb-2012 at 19:48 | ||||||
Една проста математика. Во 2008 да го почнеа проектов, со околу 30-тина милиони буџетски и 30-тина милиони позајмени пари, до 2016 ќе бевме веќе поврзани со Бугарија... СК 2014 уништи све, за нечиј туѓ ќејф! |
|||||||
Andrej_LJ
Senior Member Joined: 20-Oct-2008 Location: Ljubljana Online Status: Offline Posts: 2954 |
Quote Reply #189 Posted: 02-Feb-2012 at 19:51 | ||||||
Тоа се е точно... само крајната реченица треба да гласи: за нечиј туѓ џеб! Кога ќе ми текне дека тортата на Археолошкиот музеј вреди над 30 милиони евра и дека со нив можеше да се купат неколку патнички гарнитури, да се финансира градбата на пруга кон Бугарија цела година (што потоа ќе се користи 100 години), да се изгради автопат кон Охрид од околу 15 километри... ме фаќа неопислив гнев!
|
|||||||
"Тaм, където глупостта е образец, разумът е безумие." Гьоте
|
|||||||
zabegan
Senior Member Joined: 01-Jul-2008 Location: Skopje Online Status: Offline Posts: 7859 |
Quote Reply #190 Posted: 02-Feb-2012 at 20:45 | ||||||
да не настрануваме со дискусијата, битно што и покрај тоа што сме имале средства и услови, не сме ја граделе инфраструктурата и најверојатно чекаме времиња кога ќе биде тотално неисплатлива и заобиколена, како и сите други проекти битни за државава...
практично, не е ни битно на какви проекти се изгубиле средства, срамота е тоа што не е направен ниеден метар пруга, за време доволно долго да се нааправи цела една мрежа на коридори во држава толку мала како Македонија... уште посрамота е што меѓународно сме поврзани само со две соседни држави, од вкупно пет, што во повеќе случаи досега се покажа како погубно |
|||||||
Architects create dreams...politicians create nightmares
|
|||||||
FoSsiL
Senior Member Joined: 01-Mar-2009 Location: Аеродром Online Status: Offline Posts: 4699 |
Quote Reply #191 Posted: 02-Feb-2012 at 20:58 | ||||||
+1 @Zabegan.... Сепак се три... имаме железничка врска до Косово... |
|||||||
gjoko
Senior Member Joined: 18-Jun-2011 Location: kicevo Online Status: Offline Posts: 6554 |
Quote Reply #192 Posted: 02-Feb-2012 at 21:32 | ||||||
мое мислење е дека со пропаста на проектот со пругата со Бугарија сите премиери(ама сите по список) имаат фобија од започнување на големи инфраструктурни проекти.дали од страв од неочекувани моменти,скапа инвестиција или дуваат на кисело млеко после попарување со млеко незнам,ама така ми се чини некако
|
|||||||
ink
Senior Member Joined: 01-Dec-2010 Location: Bulgaria Online Status: Offline Posts: 530 |
Quote Reply #193 Posted: 24-Feb-2012 at 22:55 | ||||||
Извини,но ти ни информираш,дека Бугариja дава приоритет на коридор 8 на само неjна териториja.Дали Бугариja има можност да форсира коридор 8 на македонска или на албанска териториja??? Според мен това си е работа на Македониja и на Албаниja. А това во болд, дали не е дел от Коридор 8? - Абсолутно това е дел от коридор 8 (да не кажам половината от целиот коридор). Еве автопатот треба да е готов до краja на 2012 година, голем дел от пругата ке се реновира до 2013. Ке остане до 2020 да се изгради скоростен пат до границата и да се реновира пругата до Гуешево. Во железничкиот дел Бугариja е наполно готова и возове можат да се движат(тука зборуваме за реконструкциja и поголема скорост веке),а со патниот - останува само от Перник до граничниот премин да се изгради скоростен пат (ако не се лажам около 100 км). |
|||||||
nenad
Senior Member Joined: 19-Dec-2009 Online Status: Offline Posts: 722 |
Quote Reply #194 Posted: 25-Feb-2012 at 11:35 | ||||||
потполно се согласувам со Галилео, јас веќе подолго време велам дека Коридорот 8 нема шанси да се реализира. Мислам на меѓународната димензија. Бугарија тоа што го средува нејзиниот дел е поклопување со другите коридори како како и внатрешно поврзување. делницата низ Македонија и Албанија нема меѓународно значење, а со тоа нема ни поволно финасирање од ЕУ. Ако ние сами сакаме да го финасираме во ред, но тоа ќе биде преголемо финансиско оптоварување, јас мислам дека не е мудро во сегашнава ситуација, евентуално би можело од домашни извори да се продолжи пругата до Бугарија, и тоа е тоа. За автопатско решение нема шанси (а ни потреба).
Друга дилема мене лично ми е, Коридорот 4. Гледам дека Бугарија повеќе инсистира на него, додека К10 не се потенцира, иако ми е некако поприроден. Тие два правци се доста конкурентни, некако се преблизу еден до друг и не верувам дека двата ќе бидат финасиски профитабилни. |
|||||||
ink
Senior Member Joined: 01-Dec-2010 Location: Bulgaria Online Status: Offline Posts: 530 |
Quote Reply #195 Posted: 10-Mar-2012 at 20:18 | ||||||
Делниците во Македониja и Албаниja не са со мегународно значение, заштото не са разработувани, финансиране от ЕУ има - eдин вариант е како држава членка да плати само 20% от целиот проект, а вториот е посредством европската банка за развоj,коja може да даде заем со ниска камата. Еве веке има дадени 44 милиона евро за реконсктруциja и доизградба на првиот дел. http://www.publics.bg/bg/news/7442/%D0%95%D0%91%D0%92%D0%A0_%D0%BE%D1%82%D0%BF%D1%83%D1%81%D0%BD%D0%B0_%D0%B7%D0%B0%D0%B5%D0%BC_%D0%BD%D0%B0_%D0%A0%D0%B5%D0%BF%D1%83%D0%B1%D0%BB%D0%B8%D0%BA%D0%B0_%D0%9C%D0%B0%D0%BA%D0%B5%D0%B4%D0%BE%D0%BD%D0%B8%D1%8F_%D0%B7%D0%B0_%D0%B6_%D0%BF_%D0%BB%D0%B8%D0%BD%D0%B8%D1%8F%D1%82%D0%B0_%D0%A1%D0%BE%D1%84%D0%B8%D1%8F-%D0%A1%D0%BA%D0%BE%D0%BF%D0%B8%D0%B5.html |
|||||||
axel
Senior Member Joined: 08-Dec-2009 Location: kumanovo Online Status: Offline Posts: 3654 |
Quote Reply #196 Posted: 03-Apr-2012 at 18:43 | ||||||
EBRD Mulls 48.2 Mln Euro Loan for Railway Section Upgrade Project in Macedonia3.4.2012 17:24:00 | Author/Source www.seenews.com SKOPJE (Macedonia), April 3 (SeeNews) – The European Bank for Reconstruction and Development said it is considering a 48.2 million euro ($64.2 million) loan to finance the upgrade of a railway section in eastern Macedonia. The total cost of the project is 60.7 million euro, the international lender said in a statement last week. http://limun.hr/en/main.aspx?id=803396&Page=1 |
|||||||
gjoko
Senior Member Joined: 18-Jun-2011 Location: kicevo Online Status: Offline Posts: 6554 |
Quote Reply #197 Posted: 19-Apr-2012 at 22:48 | ||||||
ДРЖАВАТА ЌЕ СЕ ЗАДОЛЖУВА КАЈ ЕБОР Пругата кон Бугарија станува реалност
Европската банка за обнова и развој ја започна комуникацијата со Министерството за финансии, што е дел од постапката за добивање заем од 48 милиони денари. Се очекува заемот да биде одобрен на состанокот на Бордот на директори најавен во јуни, по што следат преговори меѓу банката и Министерството за финансии, вели министерот за транспорт и врски, Миле Јанакиески Ќе стане ли реалност доизградбата на пругата кон Бугарија? Според министерот за транспорт и врски, Миле Јанакиески, постапката за новото кредитно задолжување за обезбедување средства за изградба на делот на пругата Куманово - Бељаковце, се веќе во одмината фаза. -Европската банка за обнова и развој ја започна комуникацијата со Министерството за финансии, што е дел од постапката за добивање заем од 48 милиони денари. Се очекува заемот да биде одобрен на состанокот на Бордот на директори најавен во јуни, по што следат преговори меѓу банката и Министерството за финансии. Очекуваме дека најкасно во третиот квартал од 2012 година законот за задолжување ќе биде испратен во Собранието, а потоа следува постапка за ангажирање градежна компанија - рече Јанакиески на собраниската седница одговарајќи на прашањето на пратеникот Јордан Пачков. Министерот укажа дека во однос на делот на пругата од Бељаковце до границата со Бугарија, Министерството за транспорт и врски во соработка со стратешкиот координатор го има посочено овој проект како приоритет во ИПА компонентата за идниот период. -Дополнително е испратен и допис до Европската инвестициска банка и до ЕБОР за поддршка на Република Македонија во овој проект бидејќи овие две финансиски институции се заинтересирани да го финансираат како стратешки интерес на Македонија. Ќе биде испратено и писмо од министрите од Македонија и од Бугарија до Европската комисија да го поддржи овој проект, за да може средствата од 67 милиони евра да се насочат за изградба на оваа делница - изјави Јанакиески. Според студијата изработена од српска фирма, за доизградба на пругата до бугарска граница остануваат 88 километри за што ќе бидат потребни 475 милиони евра. Пругата кон Бугарија е од клучно значење за развојот на македонската економија, па оттаму задолжувањето ќе биде исплатливо за земјава. Претходната изградба беше запрена поради доста проблеми - имаше нерасчистени односи со изведувачите, судски постапки, многу проблеми оставени од минатото. Инаку, за комплетирање на железничкиот дел од Коридорот 8 е потребна изградба на нова пруга кон Албанија при што веќе има обезбедено дел од парите од ИПА фондовите. За железничкото поврзување со западниот сосед ангажиран е консултант кој треба да даде нови проценки. Македонските стопанственици подолго време бараат од Владата да инвестира во железницата, зашто за превезување на стоките преку камиони, осудени се да плаќаат многу поскапо, отколку со воз. Коридорот 8 е особено значаен за компаниите од металуршката индустрија, зашто железничкиот транспорт е нивната единствена опција. (С.Бл.) вечер |
|||||||
axel
Senior Member Joined: 08-Dec-2009 Location: kumanovo Online Status: Offline Posts: 3654 |
Quote Reply #198 Posted: 03-May-2012 at 18:44 | ||||||
Пругата планирана уште во турско време, прашање е дали ќе се заврши до 2022 година
http://www.novamakedonija.com.mk/NewsDetal.asp?vest=5312847167&id=9&prilog=0&setIzdanie=22570 |
|||||||
mladen_s
Senior Member Joined: 04-May-2010 Location: Macedonia Online Status: Offline Posts: 407 |
Quote Reply #199 Posted: 22-May-2012 at 17:55 | ||||||
Не знам дали се водела веќе таква дискусија, но ме интересира мислењето на другите форумаши за тоа дали би било исплатливо поврзување со Бугарија преку изградба на пруга Струмица - Ново Село - Петрич? До Струмица би се стигнало или преку Валандово или преку Штип (плус така би настанало и поврзување на рудникот Бучим). Теренот претежно изгледа поволен, но сепак има некои тешки делници - не знам што тоа точно значи во однос на трасата (Бугарскиот дел е најмал проблем)..
Секако, ова е доста задоцнето, со оглед на тоа што големи средства се веќе вложени во другиот правец. Исто така, поврзувањето е доста заобиколно, посебно во однос на Бургас, но сепак подобро од ништо. Но, во последните неколку години би значело и лесно надминување на грчките блокади при штрајкови, затоа што истите не се однесуваа на премините кон Бугарија.. Edited by mladen_s - 22-May-2012 at 17:57 |
|||||||
mladen_s
Senior Member Joined: 04-May-2010 Location: Macedonia Online Status: Offline Posts: 407 |
Quote Reply #200 Posted: 22-May-2012 at 21:25 | ||||||
Само што видов дека веќе сте дискутирале, на самиот почеток на нишката.. Добро, останува фактот дека ваквото поврзување би ни овозможило „резервен“ пристап до Солун, но можеби е веќе предоцна.. Или не?
Воедно, дали рудникот Бучим има потреба за железничко поврзување? Edited by mladen_s - 22-May-2012 at 21:25 |
|||||||
Post Reply | Page <1 89101112 52> |
Forum Jump | Forum Permissions You cannot post new topics in this forum You cannot reply to topics in this forum You cannot delete your posts in this forum You cannot edit your posts in this forum You cannot create polls in this forum You cannot vote in polls in this forum |