Канадската компанија „Еуромакс Рисорсис“ неодамна беше премет на анализа од „Цезарс Рипорт“, агенција која се занимава со истражување на пазарот и која го посети проектот Иловица во кој „Еуромакс“ истражува бакар и злато. Иловица се наоѓа северно од грчката граница во близина на Струмица.

Актуелната проценка за ресурсите во наоѓалиштето Иловица на канадската компанија е 99,5 тони злато и 728 илјади тони бакар, но „Цезарс“ во својот извештај објави дека очекува овие бројки да се зголемат на 140 тони злато и 1,137 милиони тони бакар, кога ќе биде извршена новата проценка подоцна во текот на ова тромесечје од годинава.

Проектот е отворен во сите насоки, но воглавно кон исток и југоисток, „па постои значителен потенцијал за нагорна корсекција на ресурсната база,“ се вели во ивештајот.

„Нашите главни прашања во однос на Иловица се ниската концентрација и откопувањето на рудата. Просечната густина во моментов изнесува 0,32 грама на тон злато и 0,23 отсто бакар (според проценките од 2008 година), при што од овие количества можат да се откопаат 60 отсто. Сепак, ние сметаме дека нивото на откопување би можело (и би требало) да оди нагоре, откако ќе се направат дополнителни металуршки тестови,“ се вели понатаму во извештајот.

„Цезарс“ смета дека „најдобро решение за Иловица и за Еуромакс би било проектот да биде продаден на голема меѓународна рударска компанија, откако ќе биде извршена новата проценка или за се најде партнер за заедничко вложување.“

http://www.plusinfo.mk/vest/34172/Ilovica-treba-da-se-prodade-na-golema-rudarska-kompanija-smeta-Cezars-Riport

• Македонија

Десетгодишните истражувања покажале дека над селата Иловица и Штука се крие наогалиште кое има околу 4,5 пати повеке руда во споредба со ископот на Бучим.

Под Огражден лежат речиси 790.000 тони бакар и дури 130 тони злато, ексклузивно дознава „Капитал“. Податоците од десетгодишните детални геолошки истражувања на американско-бугарската компанија Фелпс доџ Вардар, кои се држеа во тајност, покажуваат дека месноста Иловица го крие досега најголемиот рудник за бакар и злато во Југоисточна Европа.

Ексклузивните податоци до кои дојде „Капитал“ покажуваат дека со рудни наоѓалишта од точно 789.250 тони бакар и 130 тони злато, Иловица располага со рудни резерви четири пати поголеми од потенцијалите на радовишки Бучим. Останатите детали од децениското истражување кај Огражден сè уште не се обелоденуваат во јавноста.

Дека Иловица е на чекор до отворање рудно окно покажува и фактот што Министерството за економија веќе е во постапка да му издаде концесија на канадскиот инвестициски фонд Еуромакс, кој пак, во ноември минатата година ја купи Фелпс доџ Вардар, со што ги наследи сите геолошки истражувања во Иловица.

„Во процесот на истражување на потенцијалите на овој локалитет досега инвестиравме над четири милиони долари, а во следниот период планираме да инвестираме неколку стотици милиони долари во целосна изградба на рудникот и сите придружни објекти. Висината на инвестицијата ќе зависи од големината на рудникот“, изјавија од Еуромакс ексклузивно за „Капитал“.

Од Министерството за економија потврдуваат дека веќе ги скенирале сите информации од целокупниот извештај на Фелпс доџ Вардар, компанија која од 2002 година почна да ги истражува скриените рудни богатства во Струмичко. Неофицијалните информации до кои дојде „Капитал“ покажуваат и дека најдлабоките бушотини под планината Огражден, Фелпс Доџ Вардар ги направил на 850 метри под земјината површина, кои биле пресудни за комплетирање на сликата за Иловица, македонското Елдорадо.

Од Министерството за економија тврдат дека веќе тече постапката за да им доделат концесија за експлоатација на минералните суровини на канадски Еуромакс, фирмата-сопственик на Фелпс доџ Вардар.

„Сега се води постапка за додeлување концесија за експлотација на фирмата Фелпс доџ Вардар. Процедурата за регулирање на концесијата за експлоатација е во тек, односно се прибираат мислења од надлежни органи за да се усогласи просторот кој е предмет на барање на концесија за експлоатација од аспект на животна средина, земјоделство, шумарство, води, пристапни патишта, споменици на културата и друго. По ова следува постапка на нивно проследување во владина процедура за носење одлука за доделување концесија и склучување договор за концесија“, велат од Министерството.

Ќе никне ли најголемиот рудник за бакар и злато во ЈИЕ?

Иако потенцијалниот инвеститор во Иловица не кажува колку би ги чинело отворањето надворешен ископ на рудата кај Иловица, анализирано според досегашните рудни резерви на кои лежи Огражден, градоначалникот на општина Босилово, Љупчо Колев, проценува дека отворањето рудно окно е инвестиција од околу 700 милиони евра.

Мештаните од Иловица со нетрпение очекуваат децениски најавуваната инвестиција конечно да се случи, со што очекуваат економски да заживе овој дел од Македонија.

„Во Југоисточна Македонија ова е заспана мечка, која треба да се разбуди. Ова ќе придонесе за целокупен развој на економијата. Со години се зборува дека во Иловица има огромни наоѓалишта на бакарна и златна руда. Но, некои од соселаните низ годините велеа и дека од работниците на терен слушнале и дека се откриени количества ураниум, но никој ништо не потврди со сигурност“, изјавуваат жители на Иловица.

Отворањето рударско окно, можеби најголемо на просторот на Југоисточна Европа, на македонската економија може да ѝ донесе повеќекратни придобивки. Претседателот на Македонската асоцијација за рударство, Николајчо Николов, потврдува дека ако кај Иловица навистина се отвори рудник со надворешен ископ, тоа ќе биде рудник чии капацитети ќе бидат дури четири пати поголеми споредено со ископот на радовишкиот рудник за бакарна руда Бучим.

http://www.kapital.com.mk/mk/dneven_vesnik.aspx/83134/kje_se_vadat_bakar_i_zlato_od_ilovica_!_se_otvora_najgolemiot_rudnik_vo_jie_!.aspx?iId=2704

Прво, неочекувано за реактивирање на рудникот има голем интерес од познати странски компании. Тие бараат почетната цена да биде повисока од утврдената во поништениот тендер кој заврши на 4 овој месец.

Второ, познати светски корпорации побарале приоритет во новите услови задолжително да биде изградба на топилница близу ископот.

Процените се дека инвестициониот влог и бројот на вработените ќе биде многу поголем од досега планираните 300. До 20 јуни сите заинтересирани ќе треба да ги достават понудите, а владата да реши кога ќе го распише тендерот.

Тајмиште располага со 150 милиони тони високо квалитетна железна руда. Идниот газда без проблеми би можела да работи 30 години и покрај резервите кои гарантираат сигурна експлоатација од 100 години.

Поради тоа Тајмиште го меркаат познати компании од Америка Турција, Англија, Бразил, Мексико, а деновиве интерес пројавиле и компании од Русија и Кина.

На Тајмиште чека и Кичево. Ќе бидат вработени најмалку 500 работници, а во следната година уште 100 работници во рудникот за железо.

Индиректно во производниот процес преку други фирми со 500 вработени кои ќе бидат ангажирани околу експлоатацијата и функционирањето на рудникот и топилницата.

Зоран Момироски

Канадската компанија „Еуромакс Рисорсис“, која истражува бакар и злато во месноста Иловица во југоисточна Македонија, од своето седиште во Ванкувер, Бритиш Колумбија, извести дека започна со нови дупчења на длабочина од 4.000 метри во правец на југ-југоисток од досегашните истражувања, а со оглед на тоа што податоците од досегашните истражувања индицираат значителен потенцијал за зголемување на ресурсите во оваа насока.

Иако проширувањето на минерализацијата во овие насоки би можела да се наоѓа на поголема длабочина од досега откриените ресурси, новите можни ресурси, кои се добиени преку моделирање би можеле да покажат дека и дупчењето во оваа насока може да произведе ресурси исплатливи за експлоатација и потенцијално да направи експанзијата на актуелните проценети ресурси ако истражувањето се покаже успешно.

Првото дупчење со шофра EOIC-1229 (види карта) е вертикална дупка која претставува исчекор од 200 метри од најблиската досега направена дупка и во моментов е на длабочина од 400 метри.

„Еуромакс Рисорсис“, минатиот месец првпат по 3 години објави сеопфатни резултати од своите истражувања извршени преку дупчења. Според проценката за дедуцирани (имплицитни) ресурси, до кои е дојдено според меѓународните стандарди кои се користат при ваквите истражувања, откриено е присуство на 789 илјади тони бакар и 130,6 тони злато.



Фотографии долу: брдото на Иловица, одрон на Иловица, патот до Иловица и жили со наоди од руда на Иловица

Владата наметнува нови обврски за искористување на железната руда кај локалитетот Тајмиште, кај Зајас. Изградба на фабрика за преработка на железната руда и вработување на околу 1.000 луѓе во првите пет години е најновиот услов за заинтересираните инвеститори што сакаат да ги експлоатираат рудните богатства од Тајмиште.

Иако веќе една индиска, две турски и две домашни компании веќе подигнале тендерска документација за да станат концесионери на ова рудно наоѓалиште, Министерството за економија ја прекина постапката и почна нова. Со новите услови државата сака да се осигура дека концесионерот нема само да ја експлоатира и да ја извезува железната руда, која се проценува на околу 150 милиони тони.

„Владата одлучи да ја прекине постапката за доделување концесија за експлоатација на минерални суровини и да почне нова, во согласност со која се воведуваат нови услови за инвеститорот. Обврска за идниот инвеститор е да изгради погон за преработка на рудите на железо, што ќе придонесе за отворање нови работни места, односно зголемување на бројот на вработени“, кусо објаснуваат од Министерството за економија.

Преку новиот повик Министерството бара заинтересираните инвеститори за Тајмиште да одлучат дали сакаат максимум 60 години да ја искористуваат железната руда од Тајмиште. Иако од Министерството не ја откриваат проценетата вредност на локалитетот и на минералните суровини, токму највисоката понудена цена ќе биде пресудна кој во следните 60 години ќе стопанисува со рудното богатство кај Кичево. Последните податоци во јавноста се дека Тајмиште крие висококвалитетна железна руда доволна за рудникот да работи во следните 150 години. Тајмиште не работи веќе 15 години.

Покрај Тајмиште, Министерството за економија нуди концесија и за отворање рудник кај Иловица, Струмичко. Се проценува дека овој рудник крие 790.000 тони бакар и 130 тони злато. За добивање концесија е заинтересиран канадскиот инвестициски фонд Еуромакс. Од фондот објавуваат дека ќе почнат со нови дупчења на длабочина од 4.000 метри во правец југ-југоисток од досегашните истражувања.

Стигнуваат и најави за отворање рудно окно кај локалитетот Кадиица, Пехчево. Деталните геолошки истражувања на неколку заинтересирани инвеститори, кои се кријат од јавноста, треба да покажат дали ќе се отворат и четири нови рударски окна во околината на Прилеп, Кичево и Кавадарци. Последните информации од геолозите во земјава се дека кај локалитетите Ракле и Црна Тумба во околината на Прилеп најверојатно има големи наоѓалишта на никел и железо. Кај локалитетот Арничко пак, во близина на Кавадарци, геолозите навестуваат дека длабоко под земјата најверојатно има резерви на хром. Истражувањата треба да покажат и дали кај локалитетот Стрелци во Осломеј може да се ископа значајно количество молибден и други метали.

Претседателот на Македонската асоцијација за рударство, Николајчо Николов, за „Капитал“ вели дека можното отворање нови рудници е значаен момент за рударството и за неговиот понатамошен индустриски развој.

„Во последните 5-6 години во Македонија не е отворен нов рудник. Очекуваме позитивни резултати затоа што ќе се отвораат нови фирми, а тоа ќе значи и нови вработувања и поголеми приходи во државниот и во општинските буџети од концесиските надоместоци“, вели Николов.

Отворањето нови рудници во земјава може значително да влијае на македонската економија, ако се земе предвид фактот дека во 2009 и 2010 година рударството учествуваше со 19%, односно со 18,2%.

http://www.kapital.mk/MK/dneven_vesnik.aspx/84311/fabrika_za_zhelezna_ruda_-_uslov_za_da_proraboti_tajmishte.aspx?iId=2747