Квалитет на воздухот во Скопје

Originally posted by HugoGoulding И која е солуцијата за овој проблем? Никој не реагира, само информираат. Не ни требаат статистики и информации за смртни случаи туку да се реагира до сите надлежни институции и да се најде решение и излез од овој проблем кој од година во година е се поалармантен и посериозен а сите сме слепи за истиот.

А кој треба да реагира??? Ако ти пречи загадувањето, реагирај. Што чекаш?

Нормално дека медиумите само информираат, што друго треба да направат? Да се соберат новинари на демонстрации пред влада, пред железара, пред цементара, за да се запре загадувањето? Сите треба да се собереме вклучувајќи те и тебе, а не да чекаш и да се чудиш зошто никој не реагирал. Дур се чудиме и чекаме, не испоотруја!

http://www.moepp.gov.mk/default-MK.asp?ItemID=2A8E5C02C137C442A998C71975D4E66C

Државен инспекторат за животна средина

3251-556

Јавете се, кажете им што имате.

Скопје се дави во прашина, Ново Лисиче урива рекорди во загаденост



Во центарот на Скопје загаденоста на воздухот денеска е два пати над дозволените концентрации, а најопасно е во Ново Лисиче, каде што загаденоста од честички прашина со големина од 10 и 2,5 микрометри е дури за осум пати поголема од максимално дозволените количества.

Овие податоци се земени од интернет-страницата на Министерството за животна средина.

Во Ново Лисиче концентрацијата на прашината ПМ10 била 400 милиграми на кубен метар што е повеќе од 8 пати над дозволената граница од 50 милиграми. Ова е веќе опасно за животот.

Ништо подобро не е ни во Карпош, каде што загадувањето е за само едно ниво пониско од она во Центар и Лисиче или двапати поголемо загадување од максимално дозволеното.



Во Ново Лисиче ваквата состојба е регистрирана во последниве пет дена, а обично пред полноќ. На пример, на 16 ноември во Ново Лисиче концентрациите на ПМ 10 биле 10 пати над дозволеното ниво, а на 17 ноември дури 13 пати односно околу 650 милиграми на кубен метар.

Според законот, во текот на цела година бројот на надминувањата на дозволената граница на концентрациите на прашина во воздухот во текот на 24 часа е ограничен на 35 пати. Од порталот на Министерството може да се види дека оваа квота е одамна исполнета скоро на сите места во Скопје. Во Центар тоа досега се случило во 175 дена, во Карпош во 143, во Ново Лисиче 242, во Гази Баба 152 и кај Ректорат во 170 дена.

Онлајн-системот што неодамна го пушти Министерството за животна средина е посеопфатен од „Скопје дише“, мерната станица во центарот на Скопје, која е во сопственост на Градот и која неколку месеци е целосно исклучена. Новата страница се дополнува со податоци на секој час од сите активни мерни станици на Министерството. Таа ги покажува моменталните концентрации, но постои и можност да се види квалитетот на воздухот од последните 5 дена, како и месечните извештаи.



Загадувањето ја чини Македонија 1.350 животи и 253 милиони евра

Според анализата на Светската банка објавена неодамна, во Македонија годишно умираат по 1.350 луѓе како резултат на загадувањето на воздухот со ситни лебдечки честички (ПМ10). Притоа, ако се намали загадувањето до граничните вредности на ЕУ, би се избегнале над 800 смртни случаи, а загадувањето на воздухот ја чини економијата 253 милиони евра годишно, или 3,2 проценти од БДП во минатата година.





Edited by HugoGoulding - 26-Nov-2012 at 18:33

Originally posted by OCB http://airquality.moepp.gov.mk/ Многу добра веб страна со Google Maps апликација. Во моментов во реално време мерат само 4 станици, сите во Скопје. Гледам рекордот од 650 ПМ10 од февруари оваа година веќе е повторен овој месец. Што ли не чека кога температурите ќе паднат под нулата...

sega vidov deka meri povtorno megjutoa samo Karpos i Centar. Onoj na ulica Makedonija e veke polovina godina isklucen, a aplikacijata na Grad Skopje skoro 1 godina. Kako sto zabeleza kvalitetot na vozduhot kine rekordi.

Edited by Oxygen - 28-Nov-2012 at 09:53

14 декември 2012, -10Cº приближна просечна температура



http://airquality.moepp.gov.mk

Граничната вредност изнесува 50 µg/m3 што значи дека денешниот неславен рекорд во Скопје од 850 µg/m3 е седумнаесеткратно надминување над дозволеното ниво на загадување на воздухот.

Двете најопасни по здравјето честички PM2.5 и PM10 последниве 2 дена поточно, петок и сабота се константно на ниво на многу високо загаденост и тоа константно со коефициент пет-шест до седум пати поголем од почетната бројна вредност на многу високото ниво.

Ако нивото на концентрација на PM2.5 честичката почнува со 110, нејзината просечна вредност во текот на целиот ден во петок и сабота е 500-550, во Центар. Тука некаде е и Карпош. За Лисиче да не правам муабет, таму просечна вредност е 600-650 па дури и 700, во некои делови од денот бројката надминува и вредност 800. Сосема идентична е и ситуацијата со PM10 честичката. Мислам дека ова е далеку од алармантна ситуација.

Вториот фактор NO2 е просечно на средно ниво на загаденост во текот на целиот ден. И третиот фактор О3 за среќа е во границите на ниска загаденост. Овие се трите најважните фактори кои играат улога во севкупната оценка за квалитот на воздухот. Ако PМ2.5 и РМ10 се на многу високо ниво, NO2 на средно, О3 на ниско може да заклучиме дека квалитетот на воздухот во Скопје деновиве е лош, односно загадувањето е во категорија, "Високо ниво на загаденост на воздухот".

Инаку со овие коефициенти на PM2.5 и PM10 слободно може да се стави и во категоријата, "Многу високо ниво на загаденост" бидејќи како што читав овие честички се главните предизивкувачи на рак, кардиоваскуларни болести, оштетување на белите дробови, асма итн.


Edited by HugoGoulding - 15-Dec-2012 at 20:41

Мислам дека во иднина овие бројки ќе бидат се полоши и полоши.Секој што има шанса се удомува таму,па така да трендот ќе биде нагорен.И да се направи нешто со фабриките од аспект на посовремени филтри,тоа ќе се компензира со зголемениот број на возила,и све поспориот сообраќај како последица на повеќето возила.Ако додадеме дека се градат све поголеми и поголеми згради( 40 катници во Аеродром и предвидените кај паркингот кај холидеј Ин),иднината не е баш розева,туку малку на сива

облакодерите ги спомнав како фактор за спречување на струењето на воздухот, позната е приказната за матка и Градски ѕид

муабетот е дека браната на Матка и зградите на градски ѕид го имаат спречено природното струење на воздухот по котлината на Вардар,и затоа смогот останува заробен во скопската котлина.високите згради во аеродром само ќе го појачаат овој ефект.

Во прилог на ова размислување е и фактот дека Кичево никогаш немало магла се до изградбата на Козјак.Сега ја имам од Октомври па до Април.Едноставно е спречено струењето на воздухот и расчистувањето на воздухот

Надминувања до: 16-12-2012 00:00
Од дозволените 35 надминување дневно на PM честичката:

-денес во Центар вкупниот број на надминувања на истата изнесува 195
-во Карпош вкупниот број на надминувања изнесува 160
-во Лисиче изнесува "скромни" 261

Сите од горенаведениве имаат просек на коцентрација на честичката во воздухот од 610(µg/m3). Граничната вредност на многу високо почнува од 150(µg/m3).

-во Гази Баба 152, но таму концентрацијата на честичката е значително пониска од горенаведените општини.

Останатите градови нема потреба да се ставаат во листава бидејќи концентрацијата на честичката во воздухот е неспоредливо ниска во споредба со Скопје.

___

Значи надминувањето во Скопје е за 5 до 7 пати над дозволениот број пати за надминување, а концентрацијата на честичката е за 4 пати над дозволениот број на концентрација константно во било кој час од денот, нон стоп.

Edited by HugoGoulding - 16-Dec-2012 at 15:35