Квалитет на воздухот во Скопје |
Post Reply | Page <1 7891011 41> |
Author | |
Dexter26
Senior Member Joined: 19-Nov-2010 Online Status: Offline Posts: 2035 |
Quote Reply #161 Posted: 24-Jun-2012 at 13:29 |
Браво за сликите, ама ова што си го сликал е во источниот дел од градот, кој се разбира, е помалку важен за скопјани. Ако ваквото загадување не се случува во Аеродром, Центар или Карпош, слободно можеме да заборавиме дека некој воопшто би обрнал внимание на ваквото загадување. Случајно или не, јас се возев утринава со велосипедот покрај кеј на Вардар, но во западниот дел, од МРТВ до Карпош 4 и назад, но јас не го видов ова, па да не беа твоиве фотографии, најсигурно воопшто немаше да знам за ваквото загадување. Но треба да напоменам дека од Водно доста убаво се гледа загадувањето кое се случува во Скопје, во повеќе наврати го имам видено и ако не заборавам, кога нареден пат повторно ќе се шетам на Водно, ќе направам по некои фотографии од кај Милениумскиот Крст, со не баш задоволителен квалитет на фотографиите, од однапред познати причини, бидејќи фотографирам со мобилен телефон кој нема баш некој посебен зум. Edited by Dexter26 - 24-Jun-2012 at 13:30 |
|
Cloverstack
Admin Group Joined: 01-Sep-2007 Location: Скопје Online Status: Offline Posts: 12453 |
Quote Reply #162 Posted: 25-Jun-2012 at 00:22 |
Јас сум збунет како всушност се раѓаат толку големи и густи облаци од железарницата. Топилницата нели не функционира за топење на руда од многу одамна, туку воглавно се увезуваат слапови и што ти знам што, па се дообработуваат во валалници или како веќе оди тоа, немам поим... во секој случај што и да се прави со увезениот челик, вака лаички не ми е јасно како такви релативно површни процеси може да направат толку загадување. Единствено ако е од топење на старо железо, при што испаруваат секакви нечистотии... ама колку старо железо се топи што секојдневно имаме вакви глетки???
Кои погони се во функција и какви индустриски процеси се случуваат всушност во железарницава? |
|
HugoGoulding
Senior Member Joined: 05-Feb-2011 Location: Skopje Online Status: Offline Posts: 1304 |
Quote Reply #163 Posted: 25-Jun-2012 at 10:08 |
Додека говориме на форумов за темава, ќе испоумреме од канцерогени честички. За ова треба да се организираме и да реагираме веднаш.
Ако не ние, бар некако да допре ова до медиумите и до вестите, да се рашири, и да сфатат граѓаните на Скопје дека нивното здравје е доведено до крајна опасност.
Edited by HugoGoulding - 25-Jun-2012 at 10:10 |
|
Dexter26
Senior Member Joined: 19-Nov-2010 Online Status: Offline Posts: 2035 |
Quote Reply #164 Posted: 25-Jun-2012 at 11:38 |
Граѓаните ќе сфатат дека нивното здравје е доведено до крајна опасност дури кога ќе почнат да ги чувствуваат последиците од ваквото загадување. Тоа не е ниту типично скопски, ниту типично македонски, туку општо кажано, типично човечки, бидејќи луѓето кои живеат во градовите, особено во поголемите градови, дозволуваат урбаната средина да им ја успие свеста и грижата за сопственото здравје, алармот се вклучува дури откако ќе се помине црвената линија, од која понекогаш нема враќање. Тоа е типично за пушачите и за зависниците од одредени пороци, но животот во урбана средина не е зависност, туку начин на живеење, а тука не е ставена под знак прашалник само грижата на граѓаните за сопственото здравје, туку и грижата на властите за луѓето кои живеат во градовите, која во Македонија е речиси еднаква на нула. Ако во еден Велес 30 години се молчело за загадувањето кое го предизвикувала, а и до денешен ден го предизвикува велешката топилница, можеме само да замислиме уште колку години, или уште полошо, уште колку децении ќе се молчи за загадувањето во Скопје. Еден поранешен македонски министер за животна средина и просторно планирање излезе со своја приказна за болестите кои царуваат во Велес, според која причината за сите тие болести и здравствени проблеми била - местоположбата на градот и дека Сонцето и Месечината имале чудно влијание врз велешани. Нема да ме изненади доколку сегашниот или било кој иден министер за животна средина и просторно планирање или за здравство излезе со слична приказна за нас скопјани, можеби болестите и здравствените проблеми кои им се случуваат на скопјани се резултат на некоја посебна врска помеѓу Земјата и Марс, или Венера, па можеби има некаква врска со хороскопот и што ли уште друго не, нашите политичари се генијалци од типот на Алберт Ајнштајн, само ние сме премногу прости за да ги разбереме. Edited by Dexter26 - 25-Jun-2012 at 11:39 |
|
phenomenon
Senior Member Joined: 26-Oct-2010 Location: Kumanovo Online Status: Offline Posts: 2648 |
Quote Reply #165 Posted: 25-Jun-2012 at 13:39 |
Не знам дали се увезуваат слабови (од aнг.: slab -тенка плоча), но истите се произведуваат во челичарницата на Макстил. Од процесите што се одвиваат во самиот погон, загадувањето најдрастично се забележува при шаржирањето на Електролачната печка со старо отпадно железо, кое во себе содржи доста примеси на нечистотија и обично голем дел од него е 'рѓосано. Другите процеси како што се легирањето на челикот во Казанската печка и неговата дезоксидација со алуминиум не верувам дека можете да ги забележите. Продувувањето се врши со аргон (инертен елемент). Карбидот што се додава има доста непријатен мирис. Инаку легирни елементи се FeMn, FeSi, SiMn, FeCr... На машината за континуирано леење Конти-лив се употребува ливен прашок Липтерм (претежно Cao, MgO)и се користи шнур кој е канцероген. Во Ливната хала којашто служи за подготовка на казаните за транспорт на течен метал, оѕидот е од магнезитни тули (горниот дел) и од доломитни тули(средниот и долниот дел). Голем дел од нив морат да се сечат за да се изѕида казанот правилно и се создава прав со доста одвратен мирис. Троската е претежно базна, а челикот што се произведува е претежно мангански (многу поретко има средномангански, нискомангански и легиран). Edited by phenomenon - 25-Jun-2012 at 13:43 |
|
開始されていないだけの戦いが失われ、
|
|
phenomenon
Senior Member Joined: 26-Oct-2010 Location: Kumanovo Online Status: Offline Posts: 2648 |
Quote Reply #166 Posted: 25-Jun-2012 at 13:48 |
Сега, шаржирањето на Електролачната печка обично иде со пет шаржирни корпи, од кои првата е со најдобро сортиран материјал, а останатите се се полоши и полоши. Ориентирот за оние кои одат на Водно нека биде 4 до 5 облаци, кои се создаваат при шаржирањето на печката во рок од еден и пол час. Нека набљудуваат, зашто според мое мислење, единствено отпадното железо може да биде причина за загадениот воздух над Железара.
|
|
開始されていないだけの戦いが失われ、
|
|
Oxygen
Newbiе Joined: 24-Jun-2012 Online Status: Offline Posts: 14 |
Quote Reply #167 Posted: 25-Jun-2012 at 16:05 |
Токму така. Еве јас направив неколку слики пред 2-3 дена од Водно околу 19.00 . Г-дино Минчо Јорданов повеќе не испушта само навечер. Како 20 годишен спонзор на политичи партии за него не важи шријава во Инспекција. Имаат ли политичариве деца или повеке им се парите битни. Инаку утредента навечер околу 22ч беше исклучен и главниот мерач на воздух на ул. Македонија. Дали се синхронизираат, тоа незнам. |
|
Dexter26
Senior Member Joined: 19-Nov-2010 Online Status: Offline Posts: 2035 |
Quote Reply #168 Posted: 25-Jun-2012 at 17:08 |
Секако дека политичарите и профитерите имаат деца, но сигурно нивните деца не живеат во Железара, Автокоманда, Ченто или Керамидница. Да е до мене, јас попрво би го рестартирал Санос, наместо да дозволам таму да се градат станбени објекти, а наместо во Керамидница, би градел станбени објекти на локацијата на сегашните индустриски објекти во Железара. Инаку, нема ништо чудно во тоа синхронизирано да се исклучува главниот мерач на квалитетот на воздухот на улица Македонија, а истовремено Железара да го загадува воздухот со полн капацитет. |
|
phenomenon
Senior Member Joined: 26-Oct-2010 Location: Kumanovo Online Status: Offline Posts: 2648 |
Quote Reply #169 Posted: 25-Jun-2012 at 17:31 |
Дали може некој од вас да исконтактира со програмерите на Андроид и iOS за да види дали може да се направи некоја апликација за мобилен телефон која ќе го покажува загадувањето, нешто слично на Accuweather за временска прогноза. Тогаш залудно и смешно ќе биде исклучувањето и синхронизирањето од страна на гнасите.
|
|
開始されていないだけの戦いが失われ、
|
|
FoSsiL
Senior Member Joined: 01-Mar-2009 Location: Аеродром Online Status: Offline Posts: 4699 |
Quote Reply #170 Posted: 25-Jun-2012 at 21:33 |
|
|
Македонија - Земја на чудата!
|
|
FoSsiL
Senior Member Joined: 01-Mar-2009 Location: Аеродром Online Status: Offline Posts: 4699 |
Quote Reply #171 Posted: 25-Jun-2012 at 21:35 |
|
|
Македонија - Земја на чудата!
|
|
alexsend
Senior Member Joined: 11-May-2011 Location: Скопје, Центар Online Status: Offline Posts: 2085 |
Quote Reply #172 Posted: 25-Jun-2012 at 22:38 |
Во Скопје не се дише во последно време, во буквална смисла. Јас не знам толку да било загадено некогаш...
И да од пред ден или два не работи ниту мерачот на ул.македонија. |
|
phenomenon
Senior Member Joined: 26-Oct-2010 Location: Kumanovo Online Status: Offline Posts: 2648 |
Quote Reply #173 Posted: 26-Jun-2012 at 23:19 |
Еве на сајтот на Макстил што кажуваат за новините кај нив:
МАКСТИЛ АД во 1999 година започна интензивна инвестициска програма за модернизација на своите постројки потпомогната од Европската Банка за Обнова и Развој и Дуферко кои што доделија кредит од 15 милиони УСА $. Инвестициските проекти се реализираа со меѓународни познати производни компании за подолунаведените постројки:
Добро би било да објаснат каде се тие еколошки постројки?
Oдете на сајтот makstil.com.mk и на паѓачките менија одберете Процес, а потоа Електро-лачна печка за да ја видите целата постапка на нејзиното работење.
|
|
開始されていないだけの戦いが失われ、
|
|
redsonja
Newbiе Joined: 24-Nov-2009 Location: tuka nekade Online Status: Offline Posts: 0 |
Quote Reply #174 Posted: 27-Jun-2012 at 09:58 |
ДИШЕЊЕ НА ЖАБРИ
Загадениот воздух зема по 300 жртви годишно Триста луѓе во Македонија годишно умираат како директна последица на воздухот, загаден со прав (суспендирани честички ПМ10), а од нив 110 смртни случаи се во Скопје. Ако се намали просечната концентрација на прав за пет микрограми на кубен метар воздух, ќе се избегнат 13 смртни случаи годишно, а ако намалувањето изнесува 20 мг/м3, би се спасиле 117 животи. Овие податоци се дел од Националниот план за заштита на амбиенталниот воздух, кој од вчера е достапен на веб-страницата на Министерството за животна средина. Во планот се идентификувани аерозагадувачите, дадени се податоци за емисиите и граничните вредности во 2010 година, разработени се три сценарија за намалување на аерозагадувањето, посочени се насоките за натамошно дејствување, како и потребните мерки за заштита. - Во 2010 година од 4.602 умрени лица во Скопје без насилна смрт, 110 најдиректно починаа како последица на зголеменото аерозагадување со ПМ10 како атрибутивен ризик. Од 8.630 хоспитализирани со респираторни заболувања во Скопје, 420 биле последица на зголеменото загадување со прав, а од 6.106 хоспитализирани со кардиоваскуларни заболувања, 80 биле директно заболени од воздухот. Направени се процени за ефектите од намалување на аерозагадувањето на годишно ниво со две сценарија: намалување за 5 мг/м3 и за 20 мг/м3. Потенцијална корист од намалување на дневното ниво на ПM10 при првото сценарио би била 48 избегнати болнички лекувања од респираторни заболувања и 18 од кардиоваскуларни. При второто сценарио би се избегнале 420 хоспитализации од респираторни и 159 од кардиоваскуларни заболувања - се вели во Националниот план. Во Скопје во 2010 година имаше 261 ден со прав над дозволената дневна гранична вредност од 50 мг/м3, а според нормите на ЕУ, такви денови во годината може да има само 35. - Годишната гранична вредност на прав на сите мерни места во државата е надмината, што укажува на фактот дека воздухот е сериозно загаден со овие честички, а со тоа е загрозено и здравјето на луѓето. Со помош на специфичен софтвер изготвен од Светската здравствена организација, повеќе земји ги следат здравствените последици на овие честички, но и на озонот и на азотен диоксид. Се смета дека заднинското ниво на ПМ10 во европските градови е 8-10 микрограми, а дека со секое зголемување за 10 микрограми доаѓа до зголемување на стапката на општиот морталитет од 0,6 до 1,5 отсто. Детектираните концентрации на ПM10 во државата, речиси двапати над дозволеното годишно ниво, даваат основа за загрижувачки високо влијание на стапките на општата и специфична смртност - се вели во извештајот. Според Националниот план за амбиенталниот воздух, емисиите на другите аерозагадувачи како сулфурен диоксид, азотен диоксид, јаглероден моноксид и испарливи органски соединенија, генерално, се под граничните вредности. Главен извор на сите загадувачи се енергетиката, индустријата и сообраќајот. Најголем создавач на најголемиот арозагадувач, правта, се производствените процеси („Макстил“, „Скопски легури“, „Фени“, „Силмак“), на кои отпаѓаат 60 отсто, а производството на електрична и топлинска енергија учествува со 23 отсто. Доказ за учеството на овие индустрии во загадувањето со прав се податоците од 2009 година, кога поради неработењето на индустрискиот комплекс „Силмак“ („Југохром“ Јегуновце) годишните емисии се значително намалени. Загадувачите се обврзани да извадат еколошки дозволи и да воведат најдобри и најефикасни техники на работење, согласно со директивите на ЕУ. Идентификувани се 400 индустриски капацитети, должни да подготват апликација за добивање еколошка дозвола. Досега се издадени 28. - Големите согорувачки инсталации кои имаат влезна топлотна моќност од над 50 мегавати се обврзани да преземат мерки на редукција на емисиите на SO2 , NO2 и прав и исто така да добијат ИСKЗ-дозвола за работа, имајќи ги предвид и ефикасното користење гориво, типот на горивото што го користат, емисиите во вода, минимизирањето на создавање отпад и др. Тие, всушност, се и најголемиот притисок врз квалитетот на воздухот, бидејќи придонесуваат кон создавање над 80 отсто од вкупните емисии на загадувачки супстанции - се вели во Стратегијата. Планот претставува водечки документ за сите идентификувани релевантни институции одговорни за спроведување на мерките за подобрување на квалитетот на воздухот на локално и на глобално ниво. Главен носител и спроведувач е Министерството за животна средина. Во Kавадарци - арсен и никел Најмногу метали во воздухот има во Kавадарци, покажуваат податоците од националниот план. - Нема надминувања на граничната вредност и праговите на оценување на оловото на ниту едно мерно место. Највисоката вредност на арсенот е надмината во Јегуновце, а горниот праг е надминат во Kавадарци. Kонцентрациите на никел во Kавадарци се над целната вредност, а горниот праг на оценување е надминат во Скопје и во Велес. Во однос на кадмиумот, горниот праг на оценување е надминат во Kавадарци, а долниот праг во Скопје и во Велес. Нема доволно податоци за да се направи зонирање на територијата на Македонија во однос на тешките метали, но добиените резултати покажуваат дека треба да се продолжи со мониторингот на овие загадувачки супстанции - се вели во стратешкиот документ. Загадувањето и болестите во 2010 - Од 4.602 умрени лица во Скопје без насилна смрт, 110 најдиректно починале како последица на зголеменото аерозагадување со прав. - Од 8.630 хоспитализирани со респираторни заболувања во Скопје, 420 биле последица на загадувањето со прав. - Од 6.106 хоспитализирани со кардиоваскуларни заболувања, 80 биле директно заболени од воздухот. http://www.dnevnik.com.mk/?ItemID=64C40AC55B691C4B8810D6A88579E4BC |
|
phenomenon
Senior Member Joined: 26-Oct-2010 Location: Kumanovo Online Status: Offline Posts: 2648 |
Quote Reply #175 Posted: 27-Jun-2012 at 13:17 |
И пак во Скопје се бара стан повеќе, а не во Берово или Крушево.
|
|
開始されていないだけの戦いが失われ、
|
|
Dexter26
Senior Member Joined: 19-Nov-2010 Online Status: Offline Posts: 2035 |
Quote Reply #176 Posted: 29-Jun-2012 at 18:58 |
Петок, 29 јуни 2012
6:10 часот 7:20 часот 7:45 часот 8:56 часот 9:30 часот |
|
alexsend
Senior Member Joined: 11-May-2011 Location: Скопје, Центар Online Status: Offline Posts: 2085 |
Quote Reply #177 Posted: 30-Jun-2012 at 12:45 |
Фоткиве да дојдат до медиуми никако а? Не се заинтересирани иако го следат форумов...
|
|
gjoko
Senior Member Joined: 18-Jun-2011 Location: kicevo Online Status: Offline Posts: 6554 |
Quote Reply #178 Posted: 30-Jun-2012 at 19:46 |
им е страв од газдата,тврдам одговорно дека нема новинар во РМ што би кренал глас против МЈ
|
|
phenomenon
Senior Member Joined: 26-Oct-2010 Location: Kumanovo Online Status: Offline Posts: 2648 |
Quote Reply #179 Posted: 30-Jun-2012 at 20:07 |
Мој предлог е овие фотографии да се испратат до европските еколошки друштва.
|
|
開始されていないだけの戦いが失われ、
|
|
Dexter26
Senior Member Joined: 19-Nov-2010 Online Status: Offline Posts: 2035 |
Quote Reply #180 Posted: 30-Jun-2012 at 20:40 |
Иако не е потребно ама баш никакво овластување од мене иако сум ги фотографирал тие места (сепак фотографиите се веќе објавени на јавен и отворен Интернет домеин, а истовремено не задржувам ама баш никакви авторски права, бидејќи било кој може да ги направи истите овие фотографии), ги охрабрувам сите членови и читатели на форумов да ги испратат овие фотогафии до што е можно повеќе релевантни европски и светски еколошки друштва, институти, институции и сите останати кои можат да придонесат и да помогнат околу ставање крај на ваквото загадување во Скопје и во Македонија. |
|
Post Reply | Page <1 7891011 41> |
Forum Jump | Forum Permissions You cannot post new topics in this forum You cannot reply to topics in this forum You cannot delete your posts in this forum You cannot edit your posts in this forum You cannot create polls in this forum You cannot vote in polls in this forum |