Охридски сообраќај (општо)

Мене ми изгледа дека како и секоја година потполниот хаос во сообраќајот допрва ќе следи во наредните неколку дена. Она што е најпаметно за посетителите е да патуваат кон Охрид со автобус, барем нема да имаат главоболки со паркирање и со сообраќајниот режим.

Навистина не ми е јасно како може на народот кој живее во охрид да му е сеедно нивниот градоначалник да се натпреварува со другите во мк во број на поставување на (во поголем број непотребни) кружни текови а не фрлил денар за да ја оспособи атмосфреската канализација бар по побитните улици.....ако е постоечка

На некои слики водата делува прилично гнасно, а сигурно со себе повлекува и многу ѓубре кое на сликите не се гледа. Се прашувам дали кога Охрид (а и другите населени и туристички места околу езерото) ќе бидат удостоени со адекватна атмосферска канализација, таа ќе треба да содржи и некаква компонента за барем базично филтрирање и прочистување. Сепак, охридското не е било какво езеро...

За колекторот околу охридското езеро и пречистителната станица кај Враништа (а и воопшто на тема пречистување на води) не знам речиси ништо, но верувам дека некаква комбинација помеѓу атмосферската канализација и тој колекторски систем не е опција поради редица фактори. Ако не друго, тогаш сигурно е дека волуменот е проблем. Така да прашањето ми е дали атмосферската канализација во Охрид треба да е малку пософистицирана отколку чисто да ги одведе водите до езерото?


Edited by Cloverstack - 11-Aug-2012 at 12:44

Опасна дупка се отвори на коловозот на пресекот од булеварот „Туристичка“ со улицата „Јане Сандански“ пред маркетот „Макси Д“. Очевидци ни изјавија дека дупката која е голема околу еден метар во дијаметар се појавила на коловозот попладнево.





Местото е обезбедено од надлежните служби. Како што информираат од СВР Охрид, од страна на сообраќајната полиција за проблемот бил известен Фондот за патишта при Локалната самоуправа, по што бил поставен предупредувачки знак, а најавено е дека во текот на утрешниот ден ќе биде пристапено кон санирање на оштетувањето на коловозот.

Се претпоставува дека оштетувањата на коловозот се последица на инфраструктурни зафати кои тука биле изведувани порано или дефект на подземна инсталација.

Обновено: Нестручно изведени градежни работи-причина за оштетувањето на коловозот кај „Макси Д“








Од утрово, екипи од Фондот за патишта и комунален развој при локалната самоуправа работаат на санирање на големата дупка на коловозот, што се појави вчера, на пресекот на булеварот „Туристичка“ и улицата „Јане Сандански“.

Местото го посети и градоначалникот Александар Петрески, според кој оштетувањето на коловозот е последица на најголемиот криминал кој досега му се случил на Охрид, пропустите направени при изведувањето на проектот за поставување на дождовна канализација во 2002 година.

- Ставани се цевки со помала дебелина на ѕидовите од потребната и запишаната во проектот. Наместо од 10 ставани се цевки со дебелина од 6 милиметри кои не можат да го издржат притисокот и пукаат. Овде се главните цевки од дождовната канализација кои не се споени меѓу себе. Целата дождовна вода од градот овде се слева. Како што гледате цевките не се споени и наместо водата да оди во нив таа го рони материјалот и доаѓа до вакви оштетувања. Овде недостасуваат шест или седум кубици материјал. Единствено е добро што не дојде до потрагични последици, затоа што овде можеше и цел автобус да пропадне, изјави градоначалникот Петрески .
Градоначалникот потенцира дека била побарана ревизија на проектот и дека за ваквите пропусти информирана била и финансиската полиција и премиерот, кој во времето на изведување на проектот бил министер за финансии, но и покрај тоа нема разврска на случајот.

- Направен е криминал за кој локалната самоуправа е задолжена за 4 милиони евра. Наместо со тие пари да градиме, ние постојано вршиме поправки и асфалтираме. На едно место поправаме, а тие се појавуваат на друго, додава Петрески.

Градоначалникот додаде дека очекува поради направените пропусти при изведувањето на проектот, слични оштетувања на коловозот да се појават и на други локации низ градот.

http://www.ohridnews.com/index.php?mod=1&kat=4&id=46914

Огледалата се враќаат на охридските улици

На повеќе сообраќајници во градот деновиве се поставуваат огледала. Од Локалната самоуправа информираат дека тоа се прави со цел зголемување на безбедноста во сообраќајот.

Огледала се поставуваат и во стариот дел на Охрид, како и на булеварите и помалите улици на места каде прегледноста е мала.


OhridNews

Градежните зафати и влажното време што го зафати Охрид во последниот период, ја претвори улицата „Мите Богоески“ во кал.

Не само граѓаните, туку и учениците од Средното економско училиште, мака мачат за да стигнат до училишните клупи.
Во кал не е претворена само улицата туку и околниот тротоар, по кој секојдневно се движат пешаци.

Инаку, градежните зафати на „Мите Богоески“ за поставување на атмосферска и фекална канализација кои започнаа во септември, требаа да завршат до крајот на октомври, но улицата се уште не е вратена во првобитна состојба.

http://www.ohridnews.com/index.php?mod=1&kat=4&id=47960
-------------------

Улицава е во строг центар на Охрид ,одма до општината.Вака седи веќе месец и половина.Дебилна работа.

Edited by MGS - 03-Nov-2012 at 13:11

освен Пашата кој беше така-така успешен,незнам некој друг градоначалник да бил барем малку запаметен меѓу народот(по добро не по глупости)

Edited by gjoko - 03-Nov-2012 at 17:27

Originally posted by MGS Градежните зафати и влажното време што го зафати Охрид во последниот период, ја претвори улицата „Мите Богоески“ во кал. Не само граѓаните, туку и учениците од Средното економско училиште, мака мачат за да стигнат до училишните клупи. Во кал не е претворена само улицата туку и околниот тротоар, по кој секојдневно се движат пешаци. Инаку, градежните зафати на „Мите Богоески“ за поставување на атмосферска и фекална канализација кои започнаа во септември, требаа да завршат до крајот на октомври, но улицата се уште не е вратена во првобитна состојба. http://www.ohridnews.com/index.php?mod=1&kat=4&id=47960 ------------------- Улицава е во строг центар на Охрид ,одма до општината.Вака седи веќе месец и половина.Дебилна работа.

Готова е.Ко нова.

И денеска цел ден блокирана Димитар Влахов на пресекот со Мите Богоевски


Мислев дека цртање мозаици било тренд одамна во историјата, ама се е можно со Општина Охрид.

45000 denari ($1000)za edno sverno ogledalo zaedno se metalnata sipka na koja se drzi? I koj bi profitiral od negovoto krsenje , za da sega se potrosat uste tolku za novo .

Отстранети паркинг- рампите во центарот на градот


Екипи при локалната самоуправа утрово ги отстранија поставените рампи кои го спречуваа нормалното функционирање на сообраќајот во овој дел од градот.

Како што претходно најави Градоначалникот Бакрачески, просторот за паркирање во центарот на градот и околните улици ќе биде слободен за движење, а Договорот за закуп на паркинг просторот ќе биде раскинат, затоа што е штетен за општина Охрид и граѓаните.




- Со ова се реализира првиот сегмент од ветувањето на Градоначалникот Бакрачески за елиминирање на сите затекнати дубиози во функционирањето на локалната самоуправа. Компромис нема да има со никого, кога се работи за спроведување на законот и штитење на интересите на граѓаните на Охрид, велат од локалната самоуправа.

Оттаму информираат дека во текот на утрешниот ден, ќе бидат преземени градежни зафати за отстранување и на бетонираните пречки на кои беа поставени паркинг - апаратите.


- Давањето на управување на паркинг-просторот на приватен субјект за локалната самоуправа претставува штетен договор, донесен под сомнителни околности, во една нетранспарентна постапка и истиот претставува акт на нарушување на интересите на општина Охрид и нејзините граѓани. Затоа, општина Охрид ќе ги преземе сите законски средства да го раскине овој штетен договор, додаваат од локалната самоуправа.



Потенцираат дека локалната самоуправа останува на ставот дека за сите лица инволвирани во потпишувањето на договорот кои со своите постапки свесно направиле злоупотреба на својата позиција, правејќи штета по имотот и угледот на општина Охрид, ќе се бара нивно санкционирање.

OhridNews

25.04.2013 10:41