Регистрирано ново акционерско друштво Македонска Навигација (М - НАВ), за контрола на летање како давател на услуги за воздухопловна навигација.

М - НАВ која беше регистрирано вчера ќе функционира како посебен субјект надвор од АЦВ. По регистрирањето претстои распределба на кадрите и останатите детелни сегменти од сепарацијата на двата правни субјекти.
“Со регистрирањето на новиот субјект М - НАВ, се затвора петгодишниот процес поврзан со сепарацијата на АЦВ, која е во согласнот со Законот за воздухопловство, Договорот за воспоставување заедничка воздухопловна област, како и во согласност со препораките на ЕУРОКОНТРОЛ за заедничко европско небо“, се вели во соопштението од Агенцијата за цивилно воздухопловство.

Акционерското друштво Македонска навигација ќе работи на унапредување на радарскиот систем,  на зголемување на безбедноста на авиосообраќајот и на бројот на прелетите, како и на понатамошна едукација на кадрите во воздухопловната навигација.

http://netpress.com.mk/vest.asp?id=57045&kategorija=1

Трипати се поскапи авионските билети од Македонија, отколку да се патува од некоја од соседните земји. На патниците повеќе им се исплати да одат во Софија или во Солун и оттаму да летаат до посакуваната дестинација, отколку директно од Скопје. Така, на пример, билет во еден правец Скопје - Келн преку „Германвингс“ чини 180 евра, а билетот Солун “ Келн преку истата компанија само 60 евра. Патниците се жалат дека нашите компании што имаат договор за заедничко летање со странските авиокомпании нереално ги покачуваат цените. - Порано билетот до Келн беше многу поевтин, но, најверојатно, видоа добар бизнис, па цената драстично се зголеми. Сега место од Скопје, до Келн патувам преку Солун. Разликата е огромна. И со патот од Скопје до Солун заштедувам 100 евра. Авионскиот билет од Солун до Келн ме чини 60 евра, и тоа со поголемиот дел се аеродромски такси, а авионскиот билет, кога ќе пресметаш, ме чини само 15 евра. Да се чудиш. Стандардот ни е низок, а цените ни се повеќе од европски “ вели наша иселеничка што живее во Германија. Причината за високите цени на авиобилетите во Македонија, според туристичките оператори, е во монополот на авиокомпаниите што летаат кон одредени дестинации. Тие се жалат дека поради високите цени на авиобилетите не можат да склучат аранжмани, поради што имаат огромни загуби. - Авионските билети кај нас се многу скапи. Ако живеете во странство и имате понуда да одите во Лондон за 50 евра и истовремено имате понуда да одите во Скопје за 300 евра, нормално дека ќе одите во Лондон. Оваа држава не сфаќа дека странците што доаѓаат трошат пари. Тие пари ги земаат фирмите што произведуваат и државата - вели Миле Спироски, претседател на Асоцијацијата на туристички агенции во Македонија. Спироски вели дека странските туристи можеме да ги привлечеме само со пониски цени. - Секој сака да патува квалитетно и евтино, само така може да ги привлечеме туристите. Сега на странците повеќе им се исплатува да одат во Париз, Мадрид. Нашите соседи што излегуваат на море имаат пониски цени. Лани од Лондон за Бугарија и за Хрватска, повратен билет чинеше 70 евра, а за кај нас 400, 500 евра “ информира Спироски. Иста е и состојбата со нашите туристи што сакаат да патуваат во странство. Поради високите цени на авиобилетите нашите туристи вообичаено патуваат во соседството, без да видат нови, подалечни дестинации. Од агенцијата „Игуана“, велат дека годинава немаат понуди со авион. Место Турција, каде што поради далечината најмногу се патува со авион, годинава повеќе се бара Грција како дестинација. - Цените за Грција ми се многу посоодветни. Секоја година чекам да паднат цените на авиобилетите за да можат да одам на Тенерифе, на Канарските Острови, но никако да дочекам. Само за пат ми требаат 1.000 евра. Многу е чудно авионот да те чини повеќе од самиот аранжман “ се пожали Христина Томева.

Пониски цени на авиобилетите, воспоставување линии со земји до кои сега нема директна врска и проширување на конкуренцијата на домашниот авиопазар од средината на следната година најави Зоран Крстевски, директор на Агенцијата за цивилно воздухопловство во интервјуто за „Време“. - Од 2006 година Македонија е потписничка на мултилатерална спогодба за единствен воздушен простор. Со тоа од средината на 2010 година треба да се овозможи ослободување на сите ограничувања за редовни и за чартер-линии во рамките на Европската унија. Од први август годинава АЦВ потпиша договор со Европската агенција за воздухопловна безбедност со која се прифаќаат сите стандарди и регулативи што важат за Европската унија, што е чекор напред - вели Зоран Крстевски.

Монтенегро Аирлајнс ќе лета за 29 евра од Скопје кон големите европски градови