Музеј на Град Скопје / Стара Железничка станица

Ова некој што нема благи везе со дизајн и типографија го правел. Како дозволиле ова да се направи, не ми е јасно.

Под итно да се тргне овој срам. Видете само како е од крај до крај, колку визуелна тензија создава тоа. Ништо не е подесено во овој текст. Се е автоматски. Искуцале текст во несоодветен фонт, удирле justified, и... толку. Несоодветен tracking на буквите. Видете колку простор има меѓу буквите во НЕВИДЕНА и после колку простор има меѓу буквите во ТОА. Ова треба да е left aligned. Оргиналот е 5 пати подобар. Ма какви 5, 200 пати.

Па уште и тоа остро осветлувањето што фрла катастрофа сенки да не се чита текстот.

Срамота за градот. Комедии.

Edited by ToniB - 27-Jul-2018 at 17:27

Мислам и дека почитав дека поради печатни грешки знаков претрпел некои мали промени.

Јас не се ни осмелив да го прочитам од што ми е одвратен.

МУЗЕЈОТ НА ГРАД СКОПЈЕ ЌЕ ДОБИЕ НАЈСОВРЕМЕН ИЗЛОЖБЕН ПРОСТОР ВО ЗЕМЈАВА, ВЕЛИ ДИРЕКТОРОТ ЛИСИЧКОВ

Со грант од 800.000 евра од Светска банка почна реновирањето на изложбениот простор на Музејот на Град Скопје. Реконструкцијата вклучува целосна обнова на просторот, со што до крајот на годинава Скопје ќе добие современ и модерен изложбен простор.

„Градежните работи почнаа пред еден месец, со мало задоцнување поради епидемијата на коронавирусот. Во моментов се отстрануваат гипсените ѕидови, по што ќе следува поставување нова електрика и останати зафати. Со овој зафат, Музејот на Град Скопје ќе добие една нова димензија и изложбен просторот каков што нема во државата. На публиката и уметниците ќе има што да им понудиме. Музејот долги години не беше реновиран и се надевам дека после оваа активност ќе продолжиме со реконстуркција на други делови од објектот“, вели директорот на Музејот на Град Скопје Славко Лисичков.

Се очекува градежните работи да завршат кон крајот на ноември и дотогаш Музејот нема да биде отворен за посетители. За повторното отворање на реновираниот изложбен простор ќе биде поставена ретроспективна изложба на Владимир Георгиевски, еден од најзначајните сликари во македонската современа уметност, кој почина во 2017. Изложбата ја подготвува Емил Алексиев, кустос-советник во Музејот.

А. АНТЕВСКА

https://sdk.mk/index.php/kultura/muzejot-na-grad-skopje-ke-dobie-najsovremen-izlozhben-prostor-vo-zemjava-veli-direktorot-lisichkov/

Мислев дека тука некаде ќе има втор часовник, ама ќе да не е предвиден.

Стара железничка, со застанатиот саат, треба да си останат вакви како спомен. Скопје треба да продолжи да живее со нови булевари, нови паркови, рушење урбана мафија, нови урбани комплекси, вклучително и Лимак кој се издига тука... Симбол на новото Скопје нека биде кула со часовник кај новата железничка станица, со пешачка улица до плоштад.

застанатиот часовник е еден од главните симболи на Скопје, како што е камениот мост, или калето на пример... не гледам зошто би го менувале после 60 години, кога веќе е етаблиран како таков толку долго време... не ја гледам паралелата со прогресивност, зошто по таа логика треба да ги модернизираме сите историски локалитети и да ги ставиме во денешна функција

мене далеку поуритантно ми е што еден од главните симболи на градот е сега минорна точка во еден огромен комерцијален комплекс што кога-тогаш ќе згасне, наместо да се прошири како поголем музејски/меморијален комплекс и рушевината да добие подобра естетика, наместо руините во кои седеше долго време, кои ги правеа да личи како да е некоја заборавена рандом рушевина, наместо главниот музеј на градот

КУЛТУРНОТО НАСЛЕДСТВО НА СКОПЈЕ СОБРАНО ВО ПОСТОЈАНА ПОСТАВКА, СЕ ОТВОРА В ПЕТОК ВО МУЗЕЈОТ НА ГРАД СКОПЈЕ

Изложбата „Музејот – Кустос на градот“ ќе се отвори на 24 ноември во 19,30 чaсот во Музејот на Град Скопје. Станува збор за изложба која е поставена со цел да прерасне во постојана поставка, која хронолошки го претставува историскиот и културниот развој на градот Скопје.

Од Музејот велат дека богатото културно наследство на градот е раскажано преку музејски предмети, фотографии, документи и макети, почнувајќи од периодот на неолитот, железното време, раната антика, римскиот период, средниот век, османлискиот период, 19. век, 20. век па сѐ до денес.




„Музејот на Град Скопје го чува, истражува и промовира културното наследство на градот. Археолошкото, историското, оделението за историја на уметност, архитектонското и етнолошкото одделение содржат голем број музејски предмети распределени според временскиот период, содржината и контекстот за кои зборуваат. Изложбата е комплексна музејска поставка, која преку музејските предмети поставени во соодветен меѓуоднос и контекст, има за цел на посетителот да му овозможат содржинска, визуелно атрактивна приказна“, велат од Музејот.

Оттаму додаваат дека во реализацијата на изложбата учествувале сите кустоси и вработени во Музејот и дека е подготвена без пари.

Б. НЕСТОРОСКА

извор: https://sdk.mk/index.php/kultura/kulturnoto-nasledstvo-na-skopje-sobrano-vo-postojana-postavka-se-otvora-v-petok-vo-muzejot-na-grad-skopje/

Edited by hcitrS - 22-Nov-2023 at 14:32