Реставрациja / Реконструкциja

Originally posted by my Macedonia Еве и слики, без обезбедување и тоа што реновирале, ја утнаа работата

Во која смисла ја утнале работата? Не те разбирам баш.

Браво за Вевчани Вака изгледаше објектот во 2018 година.

Originally posted by Џоле Најава од градоначалникот на Дојран, ова е негова фејсбук објава од 5 мај годинава: Во тек е проект преку ИПА програмата кој опфаќа реставрација и реконструкција на ,,Турската бања'', или ,,Градскиот амам'' ,,Саат кулата'' и пристапни патеки до истите. 🔵 Целоснa реконструкција на Саат- кулата и хортикултурно уредување на подрачјето околу Саат- кулата 🔵Со ова, ќе се врати оригиналниот изглед на Саат- кулата 🔵Ќе биде дизајниран и произведен сувенир во форма на автентична Саат кула во Стар Дојран 🟡Извршување на конзерваторски и реставраторски работи на ,,Турската бања'' или ,,Градскиот амам'' на сочуваните делови на локацијата, како и расчистување и уредување на областа околу локацијата со цел да се зачува автентичноста на амамот 🟢 Постојните патеки што ги поврзуваат Саат-кулата и Турската бања ќе бидат поплочени со обичен камен (калдрма) и истите ќе бидат направени на постојните патеки кои ја поврзуваат Саат кулата со локалните патишта 🟠Ќе бидат изготвени промотивни материјали и видео спотови , за промоција на локалниот туризам, кој ќе содржи информации за културното наследство на Дојран 🟠Ќе бидат поставени патокази и информативни табли за културно- историските споменици ➡️Тендерската постапка е во последна фаза на завршување, во следниот период отпочнува реализација https://www.facebook.com/angovango/photos/a.125891351402759/544321549559735/

https://mms.mk/255712/%D0%BD%D0%B5%D0%B2%D0%B5%D1%81%D1%82%D0%B8%D1%82%D0%B5-%D0%BF%D0%B0%D0%BA-%D1%9C%D0%B5-%D1%81%D0%B5-%D0%BA%D0%B0%D0%BF%D0%B0%D1%82-%D0%B2%D0%BE-%D0%B0%D0%BC%D0%B0%D0%BC-%D0%B0-%D1%81%D0%B8%D1%82/?utm_source=rss&utm_medium=rss&utm_campaign=%d0%bd%d0%b5%d0%b2%d0%b5%d1%81%d1%82%d0%b8%d1%82%d0%b5-%d0%bf%d0%b0%d0%ba-%d1%9c%d0%b5-%d1%81%d0%b5-%d0%ba%d0%b0%d0%bf%d0%b0%d1%82-%d0%b2%d0%be-%d0%b0%d0%bc%d0%b0%d0%bc-%d0%b0-%d1%81%d0%b8%d1%82

Домот на културата „Мирка Гинова“ во Демир Капија е реконструиран со околу 550 илјади евра и сега има целосно нова кино сала и реновирана библиотека со многу нови книги за читателите, дел од овие средства се и од ТАВ програмата.

Преку ТАВ програмата реализираме инфраструктурни проекти за сите граѓани низ целата држава.
Проектите на ТАВ се реализираат низ сите општини низ земјава. Задоволен сум кога гледа дека со добро планирање веќе во предвидените рокови се реализирани 70% од започнатите проекти, или завршени се 56 проекти во 56 општини а во моментов 25 проекти се во тек и е планирано да бидат завршени до крајот на годината, тоа значи дека нашите сограѓани добиваат квалитет и навременост.

За овие проекти аплицираа самите општини и тие имаат целосна сопственост над нив, тоа значи дека се изворно поттикнати од потребите на граѓаните кои живеат низ цела земја. Овие инфраструктурни проекти се токму оние кои ним им се потребни за подобрување на квалитетот на живот на нашите сограѓани.

-----

https://facebook.com/story.php?story_fbid=646568714148110&id=100063849604316&mibextid=afzh1R

Edited by shkupjan166 - 25-Apr-2023 at 06:22

Конечно, се надевам дека ќе го одржуваат.Ова ми е еден од најубавите споменици на НОБ во Македонија. Се зачитав и за авторот, интересен лик. И во другите проекти има стилски слична орнаментика. Иако модернист, не се согласувал со слоганот "ornament is crime". Имал и експериментална школа за архитектура во некое српско село, а потоа бил и градоначалник на Белград при крајот на Југославија, за на крај да замине во Виена во самонаметнат егзил како противник на тињата Милошевичова.

Не најдов посебна тема за проектов, па тука нека оди:

ГРЧКИ И МАКЕДОНСКИ ЕКСПЕРТИ ЗАЕДНО ГО СПАСИЈА АНГЕЛОТ ОД КУРБИНОВО, ЗАВРШЕНА Е 80 ОТСТО ОД ЗАШТИТАТА НА ЦРКВАТА

Црквата „Свети Ѓорги“ од 12 век во преспанското село Курбиново е еден од најзначајните византски средновековни споменици на културата на Балканот. Овој црковен бисер е познат и како македонската Мона Лиза поради живописот со особените сликарски остварувања и е еден од ретките претставници на уметничките текови од крајот на 12 век. Препознатлив е најмногу по оригиналната фреска на ангелот на благовестието Гаврил, кој од тука е пресликан на македонските банкноти од 50 денари.

Долги години црквата беше оставена на забот на времето, објектот со нарушена статика, а фреските пожолтени. Заштитата беше заглавена во проекти на хартија и долги административни постапки меѓу институциите, па народот имаше изгубено надеж дека ќе дојде денот кога ќе се спаси Ангелот од Курбиново.



Работите почнаа да се менуваат пред три години, кога беше склучен Меморандумот за соработка меѓу Завод и музеј Битола и Европскиот центар за византиски и поствизантиски споменици од Солун, Грција. Грчки и македонски експертски тим заедно спроведоа конзерваторски истражувања врз основа на кои се изработи проект за конзервација и реставрација на ѕидното сликарство.



Денес, 80 отсто од заштитата е завршена, а активностите продолжуваат штом дозволи времето, односно се очекува во првата половина на 2024 црквата комплетно да биде заштитена.

Грчкиот тим на експерти имаше можност да користи напредни методи и техники на работа во големи размери како ретко кога претходно.



„Во конзервацијата на фреските на Курбиново, нашиот тим ги користеше најнапредните методи во документирањето на патологијата, како и најнапредните технолошки алатки во толку големи размери, што Курбиново го сметаме за студија на случај за најмногу добро проучен споменик на византискиот свет. Целиот проект е спроведен во многу позитивна и продуктивна рамка. Соработката со колегите од Битола беше одлична и се засноваше на меѓусебно почитување. Резултатите од истражувањата беа збогатени со архитектонски цртежи, планови, фотографии, тематски карти и дополнителни согледувања. Резултатот од оваа билатерална соработка беше исклучително успешен. Во текот на целиот проект разменивме ставови, мислења и развивавме дискусии за методите што беа користени при конзервацијата на овие извонредни фрески од 12 век“, вели д-р Флора Карајани, византолог и директорка на Европскиот центар за византиски и поствизантиски споменици од Солун.



Конзерваторските истражувања беа спроведени со примена на неинвазивни дијагностички техники. Беше применета најнапредна апаратура од ласерско скенирање на ѕидното сликарство, фотографирање со тангенцијално странично осветлување, па ултравиолетова фотофлуоресценција, снимање со ннфрацрвена камера, примена на XRF спекторскопска техника со портабл апарат за испитување на површините со можни преслики или издвојување на авторскиот ракопис, идентификација на постари и поново употребени пигменти, индиректно утврдување на одредени интервенции, анализа на влажноста со даталогер и друго.



„Применетите аналитички техники во конзерваторските истражувања не се непознати во конзерваторската пракса во Македонија, само што ускратени се можностите за нивната употреба или достапност. Истото се однесува и на примената на методите и материјалите за конзервација и реставрација со минимални отстапувања во однос на конзерваторската пракса“, вели раководителката на проектот, м-р Оливера Макриевска, историчарка на уметност, конзерваторка-советник од Завод и музеј – Битола.

Двата тима укажуваат на тоа дека учеле еден од друг, а дел од методите и техниките немале можност претходно да ги применат во толкав степен каков што е случајот со Курбиново.

„Во рамки на конзервација и реставрацијате на ѕидното сликарство, а со цел минимизирање на причините за нивното понатамошно оштетување, отстранети се дотраени казеински опшивки, обезбедување на живописот со опшивање на површините со ѕидно сликарство, отстранување на дотраени китови од претходните конзерваторски интервенции и на нивно место нанесени се нови, малтерисување кај површините со отпаднато автентично ѕидно сликарство од поголем обем. Материјалите кои што се користеа за опшивање, китирање и малтерисување беа од типот на варови малтери поради нивната приближна усогласеност со употребените оригинални материјали“, вели Макриевска.



Таа посочува дека за зацврстување на нестабилните подлоги на ѕидното сликарство беше применет методот на микроинјектирање (вбризгување), а беа утврдени одвојувања, празнини, испакнати делови. Беа употребени и течни варови за усогласување со оригиналните употребени материјали. Стабилизирање на боениот слој беше направено со методот на фиксирање. Чистење на живописот од наслаги се вршеше по сув и воден пат врз база на вода. Применет е етички пристап во процесот на чистењето на наслаги од различен карактер имајќи во предвид дека целта на чистењето е да се зачува заштитната и посакуваната патина на фрескоживописот. Визуелното ускаладување со примена на методот на ретуш ќе биде спроведена во текот на годинава.



Професионалните проекти за конзервација и реставрација на архитектурата и живописот на споменикот се одвиваа во различни фази од 1958 до денес. Постојат податоци за постарите интервенции но, за жал, малку за употребените материјали. Очигледно е дека честите интервенции дополнително придонеле за физичкото оштетување на фреските и претставуваа опасност за хемиската и физичката стабилност.

„Пред две години, започна заедничкиот пат на експертите од двете соседни земји кои за првпат се среќаваат на вака високо ниво. Заедничката работа на колегите од Солун и Битола ни донесе високостручна конзервација на фрескоживописот од 12 век и на оригиналните фрески, меѓу кои и онаа на Архангел Гаврил. Сведочиме на резултати кои со децении ги посакувавме, а ги добивме токму сега. Храмот конечно добива долгорочна заштита, а византиското културно богатство достојна грижа и афирмација“, рече министерката за култура Бисера Костадиновска-Стојчевска.

Средства за проектот беа издвоени токму од Министерството за култура.

Сепак, иако лани летото беше најавено дека до крајот на 2023 година ќе заврши комплетната реставрација на црквата, вториот дел од заштитата на ѕидното сликарство останува за годинава. Од Завод и музеј велат дека 80 проценти од фрескоживописот е завршен и дека работа ќе се доврши годинава.

Во меѓувреме, по долги години патот до црквата доби нов асфалт. Клучот од црквата веќе не е кај месното на насление, туку во Завод и музеј во Битола.

Ж. ЗДРАВКОВСКА

https://sdk.mk/index.php/naslovna/grchki-i-makedonski-eksperti-zaedno-go-spasija-angelot-od-kurbinovo-zavrshena-e-80-otsto-od-zashtitata-na-tsrkvata/?fbclid=IwAR21KZJEICLYm3vP-KCnwmWKpbWTYtFQtBDmdA1fGoV3OOeEGmaq71TewB0

Долго време се најавуваше реконструкција на Офицерскиот дом во Велес.

Состојба пред:



И потоа (сега е претворен во бар/ресторан):







Нивната фејсбук страница

https://www.facebook.com/oficerski?locale=mk_MK

Најавена санација на Музејот на вода, Плаошник и Куќата на Момирови во Охрид

Во однос на Музејот на вода, министерот посочи дека за почеток ќе се обезбедат доекипирање и подобри услови за работа на вработените, со цел нормално функционирање на музејскиот комплекс. Градежните активности на локалитетот Плаошник, кој почна да се оштетува поради временските услови, ќе продолжат во најскоро време, а во Заводот и музеј Охрид веќе е изработен и основен проект за конзерваторско-реставраторски работи, ревитализација и адаптација на Куќата на Момирови во музејски простор.

https://www.vecer.press/%D0%BD%D0%B0%D1%98%D0%B0%D0%B2%D0%B5%D0%BD%D0%B0-%D1%81%D0%B0%D0%BD%D0%B0%D1%86%D0%B8%D1%98%D0%B0-%D0%BD%D0%B0-%D0%BC%D1%83%D0%B7%D0%B5%D1%98%D0%BE%D1%82-%D0%BD%D0%B0-%D0%B2%D0%BE%D0%B4%D0%B0-%D0%BF/

СКОПСКИОТ АКВАДУКТ ЌЕ СЕ РЕСТАВРИРА СО ГРАНТ ОД 205.000 ДОЛАРИ ОД АМБАСАДОРСКИОТ ФОНД НА САД



Скопскиот Аквадукт, споменик на културата од особено значење и значаен белег на градот, ќе биде реставриран со грант од 205.000 долари од Амбасадорскиот фонд за културно наследство на САД, соопшти денеска амбасадорката Анџела Агелер која го посети споменикот од 6 век заедно со министерот за култура Зоран Љутков. Таа рече дека проектот ќе се фокусира и на зачувување на Аквадуктот и на негова промоција во следните 2-3 години.

„Се надеваме дека ќе ги видиме плодовите од овој комплексен проект до 2028 година, навреме за прогласувањето на Скопје за европска престолнина на културата“, рече Агелер.

Министерот Љутков рече дека дека од 2001 година досега од Амбасадорскиот фонд за културно наследство на САД, за зачувување, конзервација и реставрација на нашето културно наследство се доделени околу 2 милиона долари.

Аквадуктот на 20 април 2021 беше прогласен за споменик од особено значење и со тоа доби највисок степен на заштита. Но, остана запуштен и затрупан со ѓубре. На 21 април годинава, во чест на Денот на планетата Земја, граѓаски активисти имаа акција за чистење на Аквадуктот.

Според интернет страницата на Конзерваторски центар Скопје, под чија надлежност е Аквадуктот, за 2024 е планирана третата фаза од проектот за конзерваторско-реставраторски работи, за која се предвидени над 64 илјади евра. Реставрацијата на Аквадуктот започна во септември 2021, а во првите две фази досега се изведуваше од стабилизација на столбовите.

Министерот Љутков и амбасадорката Агелер и денеска го претставија реставрираниот монументален Споменик на слободата во Кочани кој е уметничко-архитектонско дело на Глигор Чемерски и Радован Раѓеновиќ. Споменикот од 2022 се реставрираше со американски грант од 254.300 долари преку Амбасадорскиот фонд на САД, што го доби Општина Кочани од Американската амбасада во Скопје. Ова е прва поддршка од овој фонд за реставрација на споменик од современата македонска уметност што ја чествува и борбата против фашизмот.

https://sdk.mk/index.php/kultura/skopskiot-akvadukt-ke-se-restavrira-so-grant-od-205-000-dolari-od-ambasadorskiot-fond-na-sad/