ТИРЗ Скопје - Бунарџик

Нова инвестиција во ТИРЗ, турската компанија „Текнопанел“ ќе инвестира 16 милони евра

Турската компанија „Текнопанел“ ќе инвестира 16 милиони евра во изградба на нов производствен капацитет во ТИРЗ Скопје. Одлуката за инвестиција е постигната на средбата во Истанбул на директорот на ТИРЗ, Јован Деспотовски и менаџментот на компанијата.

„Текнопанел“ е еден од најголемите извозници во Турција и на листата Топ 500 водечки индустриски компании во земјата, со четири фабрики во Турција, а Македонија е првата инвестициска дестинација за оваа компанија вон матичниот пазар.

– Според инвестицискиот план и финансиски проекции, „Текнопанел“ ќе отвори 120 нови работни места, со очекуван вкупен извоз од над 150 милиони евра во следните 10 години. Само како обврска за придонеси за плати, буџетот на државата ќе оствари над пет милиони евра приходи, а обврските за данок на добивка и персонален данок на плати надминуваат 2,5 милиони евра – велат од Дирекцијата за ТИРЗ и додаваат дека според новиот концепт на привлекување инвестиции во ТИРЗ, секој потенцијален инвеститор задолжително доставува 10 годишен инвестициски план врз база на кој се проценува капацитетот на компанијата и инвестицијата, и се подготвува индивидуализиран пакет за учество на државата во инвестицијата.

Само од почетокот на годинава во ТИРЗ се заокружени договори со вкупен обем на инвестиции од 105 милиони евра, а во првите шест месеци е остварена највисока економска активност во зоните од нивното формирање. Во моментов се преговара со 30 компании за вкупен обем на инвестиции над 400 милиони евра.

– Овие бројки се должат на новиот концепт на работење и мерки на ТИРЗ и Владата за поттикнување на инвестиции. Со ваквиот тренд, директорот Деспотовски најави дека се очекува една милијарда странски инвестиции и отворање на дополнителни 14.000 работни места до 2024 година – потенцираат од Дирекцијата за ТИРЗ.

https://plusinfo.mk/nova-investici-a-vo-tirz-turskata-kompani-a-teknopanel-e-investira-16-miloni-evra/?fbclid=IwAR2G_hbbPjwFaRyMifXtKq__dD3CKLBKTkkUQ0JJsLtMFHcPfw_diMQzk5g

Во Скопје ќе се гради фабрика за 70 вработени и плати од 600 до 2.000 евра

Јужнокорејската компанија „Алмак“ и американската компанија „Дура аутомотив системс“ денеска во ТИРЗ 2 во Скопје започнаа со изградба на фабрика во која ќе се вработат 70 лица, со најниска бруто плата од 580 евра и највисока од 2.000 евра.

Ова денеска го кажа премиерот Зоран Заев кој беше на почетокот на промовирањето на ноата инвестиција во земјава.

Станува збор за инвестиција од околу 30 милиони евра кои ќе бидат вложени во изградба на современ објект во кој ќе се произведуваат лесни профили за автомобилската индустрија. Планирано е фабриката да се изгради на површина од 80 илјади квадратни метри и да почне со работа од следната година. Се очекува да се отворат над 70 работни места, а бруто платата за висококвалификуваните кадри ќе биде околу 2.000 евра.

Просечната бруто плата за најслабо квалификуваните кадри кои ќе работат во фабриката, како што посочи Заев, ќе биде 889 евра или просечна нето плата од 580 евра.

Изградбата ќе трае 12 месеци, објектот ќе биде со модерен дизајн на 80 илјади квадратни метри. Јужнокорејската компанија ја користи зелената електрична енергија во процесот на производство и 100 проценти ги рециклира остатоците при процесот на производство.

https://skopskoeho.mk/vo-skopje-ke-se-gradi-fabrika-za-70-vraboteni-i-plati-od-600-do-2-000-evra

Премиерот Ковачевски на отворање на втората фабрика на американската компанија „Кемет Електроникс“ [17.10.2022"> by Влада на Република Северна Македонија, on Flickr

Премиерот Ковачевски на отворање на втората фабрика на американската компанија „Кемет Електроникс“ [17.10.2022"> by Влада на Република Северна Македонија, on Flickr

Премиерот Ковачевски на отворање на втората фабрика на американската компанија „Кемет Електроникс“ [17.10.2022"> by Влада на Република Северна Македонија, on Flickr

ОД ТАЈВАН ДОАЃА НАЈГОЛЕМАТА ГРИНФИЛД ИНВЕСТИЦИЈА ДОСЕГА, ВО МАКЕДОНИЈА ЌЕ СЕ ПРАВАТ ДЕЛОВИ ЗА „ТЕСЛА“ И „ЕПЛ“

Јован Деспотовски, директор на Дирекцијата за Технолошки индустриски развојни зони (ТИРЗ), денеска во Тајван потпиша договор со менаџментот на конзорциумот „Јагео” за најголемата гринфилд инвестиција во Македонија досега, која ќе вработи 4.000 луѓе.

Договорот за инвестицијата од Таипеи тежи 205 милиони евра.

„Јагео” ќе произведува резервни делови за автомобилската индустрија, но и за зелена енергија.

Производствените погони ќе бидат лоцирани во ТИРЗ Скопје 1 и во ТИРЗ Штип. Нивната изградба прво ќе почне во ТИРЗ Скопје 1, во јули. Ќе ги градат домашни градежни компании.

„Со Северна Македонија имаме одлично искуство. Сепак, две работи беа клучни зошто ја одбравме за нашата инвестиција. Увидовме дека е стабилна, со квалификувана работна сила, а и Владата беше максимално посветена и имаше исклучително позитивен однос кон нас. Тоа можеби беше и пресудно. Ни излегуваше секогаш во пресрет и тука беше за секој наш проблем“, кажа Дејвид Ванг,извршниот директор на „Јагео”.

„Наши приоритети се воведување нова технологија и јакнење на кадарот, овозможување вработените да стекнат нови вештини и да се усовршат“, најави обуки за вработените Андреа Мејер, шеф на оперативниот сегмент.

Според Јован Деспотовски, до потпишувањето на договорот процесот не бил воопшто лесен.

„Во конкуренција беа многу земји, меѓу кои Хрватска и Србија. Но, ние успеавме во таа трка и ние сме денеска тука, на оваа маса, да потпишеме договор. Со оваа инвестиција стануваме дел од мапата земји кои обезбедуваат витални компоненти за производители како ‘Тесла’ и ‘Епл’, кажа тој.

Деспотовски на прес-конференцијата во Таипеи рече дека компаниите во зоните вработуваат близу 17.000 лица, а влезот на „Јагео” ќе значи 30 отсто плус работна сила од оваа бројка. Церемонијата на потпишувањето се одржа во седиштето на „Јагео”.

Во видео-конференциска врска се вклучи од Скопје и премиерот Димитар Ковачевски.

„Јагео” има 40 илјади вработени во Азија, Европа и Америка. Електронските компоненти што ги произведува за автомобилите, се еден од светските најдобри производители за чип-отпорници и тантал кондензатори, а се користат за: авионската и автомобилска индустрија, за 5G и телекомуникациите, за медицината, управувањето со енергија, со зелена енергија.

Според Ковачевски, со новиот концепт на поттикнување инвестиции, ТИРЗ и Владата успеаја да ја стават Македонија високо на мапата инвестициски дестинации кои имаат капацитет и услови да реализираат висококвалитетни вложувања.

„Последниве две години се постигнати договори од над 650 милиони евра, што е над половина од вкупниот обем на донесени инвестиции во претходните 10 години. Со оваа инвестиција надминуваме износ над 850 милиони евра. Имаме над 16 500 вработени во Зоните што е за над 10.000 работници, само од 2017 година досега. Во првиот квартал имаме речиси една милијарда евра извоз што е највисоко ниво во последниве пет години. Само лани компаниите во зоните достигнаа највисоко ниво на извоз од 3.7 милијарди евра на годишно ниво“, кажа Ковачевски.

Делегацијата на Деспотовски утре ќе ја посети фабриката на „Јагео“ во Каошунг.

https://sdk.mk/index.php/makedonija/od-tajvan-doaga-najgolemata-grinfild-investitsija-dosega-vo-makedonija-ke-se-pravat-delovi-za-tesla-i-epl/

анбливабл Скотје не дочекало сеуште бројлерлук хит ко Битољ [1] тука може и санатариум алајк вајб да пројде, нели тро подалеку ет од Градо та веројатно мачни мелодии по дифолт ќе се лепат!?, практично ова со k&sh е тешка манипулација од мотивација за бројлерлук, и то пази од селата битолско собираат довчерашни земјоделци наместо истите да се бар 50/50 субвенционирани за малку од малку Земјоделие сочуваме!, вистина има ли некој сторено студија колку "гринфилдериве" земаат државна проскура по глава а колку еден Земјоделец добива!?, битно бидејќи држава потпишала договор, дури и од понадвор бројлери да увезуваат фабрикиве ние и нив ќе ги плаќаме, но има ли таквио фол лимит, колку домашен пролетер е стимулиран вака индиректно а колку увозен?, хм можеби постои некој меѓудржавен дил за амортизирање безработица или!?