Лидл маркети

ЛИДЛ „ДОНЕСЕ“ 45 МИЛИОНИ ЕВРА ВО ЗЕМЈАВА, во што ќе инвестира познатиот синџир маркети?

Познатиот трговски ланец „Лидл“ од почетокот на овој месец значително ја зголеми основачката главнина. Дека намерите за инвестиција во земајва се сериозни покажуваат преку внесот на 45 милиони евра или точно 44.500.000 евра, средства кои се запишани во основната главнина на компанијата.

Промената во Централен регистар од компанијата ја направиле на почетокот на месецов, поточно на петти ноември, а промената во ЦР е внесена на 10 ноември.

За упатените ова е знак дека компанијата ќе продолжи со намерите за инвестирање во нашата земја, и појаснуваат дека оваа сума ќе и биде повторно на располагање на компанијата, која потоа може да ги инвестира во недвижен или подвижен имот, како и да послужат за набавки на материјали, обука на вработени...

Нашите соговорници појаснуваат дека средствата што се внесени во главнината не се пари кои одат во државата, туку се средства повторно на компанијата, и средства кои ќе им бидат на располагање. Според нив, овие средства може да се искористат за инвестиции во дистрибутивниот центар кој го најави „Лидл“, но и во набавка на возила кои исто така ќе им бидат потребни, или реновирање и опремување на маркетите кои ќе ги користат, но и во набавка на роба, или пак во обуки на вработените...

Фактор веќе објави дека компанијата „Лидл“ објави огласи за вработување, при што со тогашниот конкурс се бараа кадри за шест работни позиции, меѓу кои продажен специјалис, сметководител, бренд стратег, специјалист за човечки ресурси... Очекувањата се дека за дел од овие работни места кои ќе ги отвори познатиот меѓународен синџир на маркети ќе следуваат обуки, најверојатно во странство.

Во пролетните месеци од годинава градоначалникот на општина Кисела Вода, Орце Ѓорѓиевски посочи имал средба со претставниците на „Лидл“ кои се интересирале за достапни локации за отворање маркети и регионален дистрибутивен центар.

За влезот на „Лидл“ во Македонија се зборува уште од 2021 година, кога тогашниот премиер Зоран Заев соопшти дека компанијата ќе инвестира во нашата земјa 300 милиони евра, и притоа ќе има обврска да откупува македонски производи и да ги продава во регионот.

Беше посочено дека ланецот маркети ќе откупува и земјоделски и кондиторски производи од нашето поднебје и ќе ги продава во своите маркети во земјава, но и во останатите продавници во соседството.

Меѓународниот синџир на маркети „Лидл“ има 11.200 продажни објекти во 32 земји ширум светот, а вработува над 300 илјади луѓе во светот.

„Лидл“ веќе има изградено реноме меѓу македонските граѓани, кои неизбежно ги посетуваат нивните маркети во соседните земји кога патуваат таму, а во последниве месеци зачестија и патувањата на наши сограѓани во соседството каде има нивни продавници токму со намера да „испазарат“ во „Лидл“.

https://faktor.mk/lidl-donese-45-milioni-evra-vo-zemjava-vo-shto-kje-investira-poznatiot-sindzir-na-marketi-

Веќе има закупено Лидл прилично голема парцела во Маџари, долж Благоја Стевковски. Се работи за магицините на АвиоИмпекс(Интеримпекс). Јавно немаат објавено но веќе се префрлени на ниво име во катастар магацините.

Купени се по пат на јавна аукција. Се очекува тука да биде еден од првите маркети во Скопје. Оваа информација ми ја соопшти близок пријател, менаџер за раст во Лидл.

Број на парцела 91/1 / катастарска оштина Маџари. Премногу е комплицирано да се стаи слика на форумов. затоа немам ставено сц.

ОТКРИЕНА НОВА ЛОКАЦИЈА ВО СКОПЈЕ КАДЕ ЌЕ НИКНЕ МАРКЕТ НА ЛИДЛ - еве во кој дел од Скопје се купени имоти, сопствениците имаат рок од уште 17 месеци

Фактор со ново откритие околу германскиот синџир маркети Лидл. Нашите сознанија говорат дека таа компанија планира да гради маркет и во скопската населба Карпош, помеѓу двете клучки кај Момин Поток.

До овие информации дојдовме од дел од компаниите од кои Лидл веќе го откупил земјиштето, и им дал рок од 18 месеци да ја напуштат локацијата. Нашите извори велат дека еден месец оттогаш веќе е поминат, и дека преостануваат уште 17 месеци до моментот кога тие ќе треба да ги напуштат своите објекти, со цел Лидл да може таму да гради еден од своите маркети.

Тоа, според нашите пресметки, значи дека изградбата на тој маркет на Лидл би почнала најрано во август 2024 година, а би завршила веројатно не порано од 2025 година. Но, она што е факт е дека маркет на Лидл таму сигурно ќе се гради.

Нашите неофицијални информации до кои дојдовме говорат дека од германскиот синџир маркети веќе ги откупиле сите поголеми имоти на таа локација, односно и од некои од фирмите, и од граѓани, на сите давајќи им период од година и половина да се иселат, бидејќи потоа ќе започнат со градба.

Конкретно од наши извори откриваме дека преговорите со сопствениците на еден од тие објекти траеле цели седум месеци, иако немаме информации која цена била постигната за неговиот имот.

Информациите до кои дојдовме се и дека луѓе вработени или ангажирани од Лидл претходно со месеци мереле на различни локации во главниот град на земјава колку возила преку нив поминуваат, и нивните мерења покажале дека токму на тоа место е најголемата фреквенција на автомобили. Од тие причини и се решиле таму да никне еден од нивните најголеми маркети, и во кој очекуваат прилично значајна посетеност.

Инаку, оваа локација е токму онаа каква што и во светот ја одбира Лидл за изградба на свој маркет, и тоа во близина на клучка, со цел на потрошувачите кои таму доаѓаат со возила да им е олеснет пристапот до маркетот. До своите продажни места овој познат германски синџир маркети секогаш води сметка да има доволно простор за паркинг, кој е бесплатен за потрошувачите што доаѓаат да пазарат во тие маркети.

Инаку, како што веќе пишуваше Фактор, Лидл веќе ја купиле локацијата на објектот „Бриколаж“ од Скопски пазар, место каде што би никнал нивниот прв маркет.

Според нашите сознанија, веќе пораснал интересот за куќите на локацијата околу објектот на „Бриколаж“, од поединци или фирми кои знаат дека таму ќе влезе „Лидл“, па очекуваат дека можеби за нив би добиле подобра цена.

За своите бизнис планови, Лидл откако влезе во земјава, не сака да споделува информации со јавноста.

https://faktor.mk/otkriena-nova-lokacija-vo-skopje-kade-kje-nikne-market-na-lidl---eve-vo-koj-del-od-skopje-se-kupeni-imoti-sopstvenicite-imaat-rok-od-ushte-17-meseci

Откако зборувавме за Лидл и две поврзани вести.
Првата е дека е завршено проширувањето на логистичката база на Lidl во Равно Поле кај Софија.Продавниците во Македонија ќе се товарат од тука.
Изградени се нови магацини од 18.000 м2, со што вкупната површина достигна 54.000 м2.






















Втората вест е дека Лидл започнува со изградба на трета логистичка база во индустриската зона Божуриште, исто така во близина на Софија.
Новата база ќе има 50.000 квадратни метри на површина од 195 декари.Предвидено е да се изградат хали за готови производи и пакувани производи со различни температурни услови, како и канцеларии, административни и технички простории.
Ова ќе биде и главната логистичка база за Македонија

Очигледно е дека истите пара-структури десктруктивни, да бидам попрецизен, месен комитет на жмро Ќерамидница, пак оперираат меѓу жителите и по ова прашање. Исто како што ја упропастија експропријацијата за булеварот, така и тука пуштаат некакви локални муабети, ветуваат некакви брзи заработки, бетер се од пирамидални шеми.

Edited by UROS - 21-Apr-2023 at 10:20

Не вервам дека му е проблем и утре да отворат,работата не е само да го отворат туку шо ќе имат во него.Лидл за македонски пазар и за германски е разлика небо земја,не су многу запознат ама зна дека се познати по сензационална пекара со огромен квалитетен избор за пристапни цени,овде тешко да видиме такво нешто.

Ваков тип на маркети се пракса веќе низ цел свет,ама 7-Eleven во Јапонија е друга планета за било кој 7-Eleven на свето,или пак FamilyMart исто Јапонија,цели готови јадења имаш,така да најпојќе зависит од народецо шо живејт во то место,овде веројатно максимумо ќе биди некое лиснато,и чкарт албански,српски,бугарски продукти,зато не очеквам кизни шо.

Бриколаж ќе го селат на ул.Перо Наков кај Тинекс Годел негде има реклами по улицата

Edited by UROS - 20-Jul-2023 at 14:12