ЕВН (бивша Градска куќа)

Трампа на зградата на „Макотекс“ за Градска куќа!?

Барокната зграда покрај Вардар во интересот на бизнисмените. Газдата на „Макоил“, Мите Јовановски, нема ништо против да ја трампа неговата зграда „Макотекс“ за Градска куќа, или пак за некоја катна гаража, или пак, Градот да му ја плати. Се сретнал со градоначалникот Шилегов, но ништо конкретно не договориле. Шилегов неодамна најави дека во плановите е проширување на улицата „Даме Груев“ во булевар. На трасата на идниот булевар се наоѓа токму зградата „Макотекс“. Изградбата на Градска куќа чини 12,7 милиони евра и тоа е почетната цена по која ќе се продава. Зградата „Макотекс“ се проценува на околу 7 милиони евра

Газдата на бензинските пумпи „Макоил“, Мите Јовановски, кој е и сопственик на објектот “Макотекс“, нема ништо против да ја трампа оваа зграда во центарот на Скопје за барокната Градска куќа која ја изгради Град Скопје и сега градоначалникот Петре Шилегов сака да ја продаде.

Тој во изјава за весникот „Вечер“ истакна дека дава дозвола градските власти да ја урнат зградата на „Макотекст“, ама соодветно да платат за неа бидејќи станува збор за објект кој е на ептен атрактивна локација и многу вреди.

– Ќе им речам, земете ја и платете ја колку што вреди. Јас имам свој проценител за зградата, тие нека си донесат свој. Нека седнат двајцата проценители и нека се договорат за цената – истакна Јовановски.

Тој се согласува и да се направи замена – неговата зграда за барокната зграда Градска куќа, но би прифатил градските власти да искомпензираат и со некоја од катните гаражи во градот или некоја друга варијанта.

Јовановски рече дека за зградата „Макотекс“ се разговарало за евентуална компензација и со претходното градско раководство, но преговорите пропаднале.

– Сметам дека и овој пат нема да се реализира. Со Шилегов се сретнавме еднаш и немаме ништо конкретно договорено. Кој сака да ја земе, нека плати како што е. Ако повторно ме викнат, ќе одам да разговараме. Од моја страна нека не се очекува дека нешто ќе понудам, бидејќи испаѓа дека пошто-зошто ја давам зградата – рече Јовановски.

Градоначалникот Шилегов неодамна најави дека во плановите за централното градско подрачје е проширување на улицата „Даме Груев“ во булевар. На трасата на идниот булевар се наоѓа токму зградата „Макотекс“.

Според најавите на Шилегов, изградбата на Градска куќа чини 12,7 милиони евра и тоа е почетната цена по која ќе се продава. Зградата „Макотекс“ се проценува на околу 7 милиони евра.

(С.Бл.)

https://www.vecer.press/трампа-на-зградата-на-макотекс-за-г/

Дали ова значи дека ЕВН од плоштад ќе се сели тука а градската администрација ќе се смести во зградата на ЕВН на плоштад за чија фасада се најавува дека наскоро ќе биде довршена??

Незнам зошто би била небезбедна зградата но како и да е верувам дека градот ќе ја среди и ќе се смести во неа.Но останува прашањето со зградата на ЕЛЕМ сеуште нема технички прием,незнам кога они ќе ја напуштат зградата на плоштад или веќе ја напуштиле немам баш инфо околу тоа??

На една од претходните страни наведено е дека објектот има 1200 квадрти во основа плус 5 ката. Значи 6000 метри квадратни? Не се некако многу 2116 еур по квадрат за изградба?

Дали ќе се оствари желбата на Шилегов да има канцеларија на плоштад?

Нова фасада и можеби нови станари во зградата на ЕВН. Од АД ЕСМ одговорија дека пред десетина дена добиле официјална понуда од ЕВН за продажба на нивниот дел од зградата.

– Управниот одбор ја разгледува понудата и до крајот на месецов ќе ја извести Владата како сопственик на АД ЕСМ. Доколку се откупи зградата, тогаш следен чекор е завршување на фасадата. Според нацртите кои веќе се подготвени, стилот нема да биде барок туку ќе биде во духот на претходната препознатлива стаклена фасада на ЕСМ, информираа од ЕСМ

Скопскиот градоначалник Петре Шилегов ниту ја негираше, ниту ја потврди информацијата дека градската администрација ќе се всели во зградата на ЕВН која се наоѓа на Градскиот плоштад. Дали со ова ќе се оствари желбата Шилегов, да има канцеларија на плоштад останува да се види, бидејќи и тој самиот рече дека за тоа сè уште не е одлучено.

– Градот нема донесено одлука за преселба на администрацијата, кога ќе се донесе ќе се знае – истакна Шилегов.

Тој најави дека многу брзо ќе биде решен проблемот со фасадата на зградата на ЕВН која се наоѓа во центарот на Плоштад „Македонија“.

– Очекувам брзо да биде распишан јавен оглас, ЕВН и ЕЛЕМ ги имаат надминато правните проблеми. Кога ќе се прекине договорот за барокната фасада која беше дел од проектот „Скопје 2014“ ќе може да се започне постапката – изјави Шилегов.

ЕВН сакаше да го продава својот дел од зградата и не беше заинтересирана да ја прави фасадата, додека ЕСМ топката ја префрлаше на ЕВН дека со продажбата ги кочи работите со фасадата.

Од ЕВН за весникот „Вечер“ изјавија дека оваа зграда ќе биде предмет на продажба и дека во тоа не се сами, бидејќи дел од зградата ја има и ЕСМ па не би можеле да кажат што понатаму ќе се случи со фасадата.

Од АД ЕСМ одговорија дека пред десетина дена добиле официјална понуда од ЕВН за продажба на нивниот дел од зградата.

– Управниот одбор ја разгледува понудата и до крајот на месецов ќе ја извести Владата како сопственик на АД ЕСМ. Доколку се откупи зградата, тогаш следен чекор е завршување на фасадата. Според нацртите кои веќе се подготвени, стилот нема да биде барок, туку ќе биде во духот на претходната препознатлива стаклена фасада на ЕСМ – информираа од ЕСМ.

Според ЕСМ, правните проблеми се однесуваа на тристраниот договор за фасадата меѓу ЕЛЕМ, ЕВН и Бетон, кога реновирањето пред неколку години беше запрено по барање на ЕВН.

https://www.vecer.press/дали-ќе-се-оствари-желбата-на-шилегов-д/

Сега веројатно треба ЕВН да се преселат тука...? Ќе треба со нешто да го покријат изрезбаниот грб на градот бидејќи сега нема некоја голема поента откако се изврши продажбата...

Штета што не се изградил проектот на Равникар Дали некаде може да се најде победничката идеја на Константиновски од 1978?

извор

Опис:
Изградена е Градска куќа за потребите на администрацијата на Град Скопје. Објектот е во неокласичен стил и таму треба да бидат сместени: кабинетот на градоначалникот на град Скопје, Архивата на Град Скопје, салата за Советот, како и други простории за градската администрација. Изградена е со конвенционални материјали и фасада во стакло.
Вредност: 14.300.000 €
Период: 06/2011 - 11/2019









https://www.beton.com.mk/project/izgradba-na-gradska-kukja/

Градскиот грб е дефинитивно избришан, се гледа и горе на фотката.

ГРАД СКОПЈЕ ОБЈАВИ ОГЛАС ЗА КУПУВАЊЕ ГРАДСКА КУЌА, МОРА ДА БИДЕ ВО СТРОГИОТ ЦЕНТАР И ДА ЧИНИ ДО 11 МИЛИОНИ ЕВРА

Град Скопје објави оглас за купување Градска куќа. Според условите наведени во огласот, новиот објект во кој ќе бидат сместени градоначалникот на Град Скопје и градската администрација, мора да биде во строгиот центар на градот односно во Мал ринг. Да има површина од 4.000 до 9.000 метри квадратни, паркинг простор за 20 до 70 возила, обезбедена инфраструктура и имотен лист или лист за предбележување.

„Проценетата вредност за набавка на објектот не треба да биде поголема од 11 милиони евра со вклучен ДДВ. Парите се обезбедените од буџетот на Град Скопје, а плаќањето ќе се врши на најмногу 24 месечни рати“, стои во огласот објавен во неколку дневни весници минатата недела.

Рокот на поднесување на понудите е 15 календарски дена од денот на објавување на огласот, односно понудите треба да се достават најдоцна до 13 октомври.

Во моментов, градоначалникот на Град Скопје и администрацијата се сместени во бараките кај Градски парк. Откако ќе се исели градската администрација во нов објект, на местото на бараките ќе се гради монтажен паркинг со спортски терени. Маркичката за деловен простор на оваа парцела, со приземје, 5 ката и поткровје, e избришана со новиот Детален урбанистички план Градска четврт 3.12- локалитет Парк 1 и дел од Дебар Маало 2.

Градоначалникот Петре Шилегов пред две години за 12.7 милиони евра ѝ ја продаде Градската куќа на кејот на реката Вардар под тврдината Кале на австриската компанија ЕВН. Одлуката за продажба на објектот кој почна да го гради неговиот претходник Коце Трајановски беше донесена со образложение дека се наоѓа на несоодветна локација и нема да ги собере сите вработени во Градот.

https://sdk.mk/index.php/dopisna-mrezha/grad-skopje-objavi-oglas-za-kupuvane-gradska-kuka-mora-da-bide-vo-strogiot-tsentar-i-da-chini-do-11-milioni-evra/