Квалитет на воздухот во Скопје |
Post Reply | Page <1 1011121314 41> |
Author | ||
redsonja
Newbiе Joined: 24-Nov-2009 Location: tuka nekade Online Status: Offline Posts: 0 |
Quote Reply #221 Posted: 16-Dec-2012 at 16:15 | |
Поздрав Се сметам за колку-толку упатена во комплексната материја што се вика квалитет на амбиентален воздух. Сакав да појаснам, малку да корегирам. Имено, дозволени се 35 надминувања годишно на 24-часовната концентрација на ПМ10. Ние тие 35 надминувања одамна ги поминавме, уште во февруари 2012. Тој број на надминувања што го даваат во табелата е вкупниот број на 24-часовни надминувања во текот на оваа година, а не во текот на еден ден, како што толкува Хуго. Граничната 24-часовна вредност што не смее да биде надмината изнесува 50 микрограми на кубен метар воздух. Ако погледнете во последните надминувања, вчера 24-часовната концентрација во Лисиче била 669 мцг/м3. Тоа значи дека на моменти одела и до 1.000 и паѓала, но во текот на целиот дел било енормно загадено, а среднодневната вредност е 669 мцг/м3. Инаку, часовните концентрации, нормално, се највисоки, зашто се мери концентрацијата на ПМ10 за време на еден час. Во следниот час може да раздува ветер и следната часовна концентрација да биде пониска. За надлежните да реагираат, ги гледаат 24-часовните, односно дневните концентрации. Часовните не им се толку битни, а и логично е. Инаку, просечната годишна концентрација на ПМ10 не смее да биде повисока од 40 мцг/м3, а просечната годишна за Скопје е некаде над 100, не сум сигурна, немам време да барам, ама мислам дека за лани беше 180. Воздухот надвор е смрт што шета. Тоа е факт! Од каде е сето ова загадување? Тоа во Скопје како да е прашање за милион долари, но не е. Воздухот е енормно загаден пради комбинација од повеќе фактори. Пред се сообраќајот, особено дизел моторите се голем генератор на ПМ10 честички. Натаму, производството на енергија со употреба на фоислни горива и производствената индустрија. Но, да не го заборавиме еден од најголемите извори - домаќинствата и нивните оџаци. Што мислите, што се горат скопјани во ќумбињата п дома на оваа сиромаштија, прконтролирал ли некој? А домашни оџаци имаме на десетици илјади. Секако и градилиштата, кои наголемо креваат прав во воздухот. Еве, Макстил, на пример, подолго време не работи. А ПМ10 отиде во илјадарка. Значи, не било само до железарата. Ноќе нема сообраќај, а ноќе е многу висока концентрацијата, значи, не е само и до сообрачајот. Има уште еден, клучен, би рекла, фактор, а тоа е местоположбата на градот, Во услови на стабилни временски услови, односно без ветер и со температурна инверзија, едноставно нема проветрување. Сето загадување останува под таа капа што се формира над градот и не му дава да се дисперзира во пошроката околина. Туку, наместо да се оддува наоколу, од ден на ден се собира во истиот простор и нормално, вредноста расте. Ако не дувне ветер уште некој ден, а овие слепциве од Град Скопје не го ограничат сообраќајот, ќе гледаме уште повесели бројки. Поздрав до сите. Редовно ве читам, на сите теми, од омилените форуми сте ми.... |
||
FoSsiL
Senior Member Joined: 01-Mar-2009 Location: Аеродром Online Status: Offline Posts: 4699 |
Quote Reply #222 Posted: 16-Dec-2012 at 16:30 | |
Добар осврт... Да речеме дека причините ги знаеме... Што правиме со решенијата... |
||
Македонија - Земја на чудата!
|
||
zabegan
Senior Member Joined: 01-Jul-2008 Location: Skopje Online Status: Offline Posts: 7859 |
Quote Reply #223 Posted: 16-Dec-2012 at 17:43 | |
шала на страна, решението е јасно и единствено, треба да се стегнат главните загадувачи да превземат нешто околу тоа, ако веќе мора индиректно да се прави тоа, барем да се дуплираат сумите за казните |
||
Architects create dreams...politicians create nightmares
|
||
гитардемон
Senior Member Joined: 19-Feb-2008 Online Status: Offline Posts: 5422 |
Quote Reply #224 Posted: 16-Dec-2012 at 21:35 | |
Би сакал само да прашам од каде ви е податокот за дизел горивото? Веќе одамна дизелот не загадува повеќе од бензинот, сметам дека тоа е стара мисконцепција.
|
||
Arguing on the internet is like running at the special olympics. Even if you win, you're still retarded.
|
||
redsonja
Newbiе Joined: 24-Nov-2009 Location: tuka nekade Online Status: Offline Posts: 0 |
Quote Reply #225 Posted: 16-Dec-2012 at 21:46 | |
http://ipserver.skopje.gov.mk/e-skopje/sluzben%20glasnik%20so%20konverzija.nsf/82aa49069edfbbb780256a22004ba9e0/1082b1f582195d61c1257833002b50b9?OpenDocument
Еве што Град Скопје предвидел да прави како интервентни мерки. Ама досега не направи речиси ништо од предвиденото, а мораше. А и моментите кога решаваат да реагираат ми се малку чудни. Добро решение, пожелно за сите нас е гасификација на градот. Без гасификација и елиминација на фосилни горива во индустријата и во домаќинствата тешко може да се очекува квалитетен воздух во Скопје во зима. А додуша и во лето не е нешто подобар. Погледнете го озонот низ извештаите и се е јасно. Многу е важно да се обезбедат квалитетни горива во возилата и нови концепти во сообраќајот. Воздухот на раскрсниците е најмногу загаден, а како и да не е покрај толкав сообрачај во минување. А никому не му текна да направи кампања да се гаснат возилата на големите раскрсници кога се чека на семафор. Сега има и одбројувачи, па кога ќе видат дека ќе чекаат 90 секунди, ич не се сеќаваат да изгасат! Колку само може тоа да олесни. Да ги имавме јужен булевар и компанија, плус да користевме повеќе јавен транспорт и плус повеќе велосипеди и сл, Скопје ќе беше Лондон. Да не го заборавиме зеленилото. Што повеќе паркови, дрвја, зелени кровови ќе придонесат. А ние исековме се што можевме и го срамнивме пола Водно. Е па, ќе се задушуваме. И што е најсташно, оваа се уште никому особено не му е некаква вест!!!!!!! А има ли поважна тема за дискусија и реакција во Македонија моментно од оваа? Колку смртни случаи се доволно многу смртни случаи? Ни алармот од Светска банка за 1.350 мртви годишно и загубените милиони и продуктивност не ја потресе доволно јавноста. |
||
HugoGoulding
Senior Member Joined: 05-Feb-2011 Location: Skopje Online Status: Offline Posts: 1304 |
Quote Reply #226 Posted: 16-Dec-2012 at 22:53 | |
Проблемот е "невидлив" за луѓето бидејќи воздухот и честичките се невидливи за голото око, нешто што неможеш да видиш, е надвор од твоето видно поле, не може и не те ни засега.
Исто така, проблемот е тивок убиец, односно последиците не се гледаат веднаш, бар не оние најрадикалните последици, иако можно е и тоа, туку на среден и долг рок, но сепак се еднакво катастрофални. Инаку се сложувам, фактот дека концентрацијата на загаденост воопшто не паѓа во текот на ноќта е јасен факт дека загадениот воздух не мрда од Скопје туку тука си "преноќева". За утре истиот вака високо загаден и отровен воздух да биде уште повеќе загададен од сообраќајот, индустријата и домаќинствата. И така константно од ден на ден. Резултат на тоа, верувајте колку и да звучи ова наивно и смешно, негативни последици во сите полиња, економски, образовни, здравствени, психолошки итн. Воздухот е единственото и примарно гориво со највисок степен на важност на кое човечкото тело егзистира и функционира а сепак сите го земаат -здраво за готово-, човекот најкратко може да опстане без воздух од сите останати ресурси нели, тогаш можете да замислите какви се последиците од константното вдишување на ваков загаден воздух по самиот човек како единка, односно целата целина како збир на тие единки, односно дел од општеството. __ Сакам да кажам дека на луѓево воопшто нема да им текне да се замараат со ова, се додека некој не им ги отвори очите и не им објасни дека проблемот може да е доста посериозен одколку што изгледа. Според мене, константно дишење загаден и неквалитетен воздух = лоши когнитивни способности на мозокот, од што следува лоши и погрешни одлуки и "замаглено" и нејасно размислување, што е корен на целото зло и лош статус на и во општеството. Можеби отидов предалеку со причинско-последичниве заклучоци, но можеби и да сум во право, бар до некаде. Edited by HugoGoulding - 16-Dec-2012 at 23:12 |
||
OCB
Senior Member Joined: 03-Feb-2011 Location: 54 Online Status: Offline Posts: 921 |
Quote Reply #227 Posted: 17-Dec-2012 at 00:11 | |
Нема. |
||
Oxygen
Newbiе Joined: 24-Jun-2012 Online Status: Offline Posts: 14 |
Quote Reply #228 Posted: 17-Dec-2012 at 00:26 | |
Погрешна ти е информацијата. Макстил работи редовно и без прекини,и редовно чади. Пред разденување небото кога гледаш од лисиче према макстил е портокалово. Аеродром и Ново Лисиче се ургентна зона за евакуација на население согласно мерните резултати.Не само што нема евакуација ниту на население ниту на железарата туку се молчи и тера. |
||
HugoGoulding
Senior Member Joined: 05-Feb-2011 Location: Skopje Online Status: Offline Posts: 1304 |
Quote Reply #229 Posted: 17-Dec-2012 at 00:36 | |
Добро не сум експерт за ова и да не звучам смешно, но тие "фамозни филтри" што се аплицираат на оџаците, што ни се познати на сите од чаршиски муабети, нели се користат? Или муабетов е баш чаршиски и нема врска?
|
||
gjoko
Senior Member Joined: 18-Jun-2011 Location: kicevo Online Status: Offline Posts: 6554 |
Quote Reply #230 Posted: 17-Dec-2012 at 00:50 | |
има филтри и ФИЛТРИ
|
||
FoSsiL
Senior Member Joined: 01-Mar-2009 Location: Аеродром Online Status: Offline Posts: 4699 |
Quote Reply #231 Posted: 17-Dec-2012 at 00:51 | |
Потврдувам... Седам секоја ноќ... И незнам дали е Макстил.. ама од кај Железара се издига голем сив облак... Пред некое време кога беа ветриштата... бидејќи воздухот беше чист и попроѕирен... облакот се забележуваше многу појасно... Си викам... што убаво се раздува исчисти воздухов.... а глеј ги овие.. да надокнадат... |
||
Македонија - Земја на чудата!
|
||
redsonja
Newbiе Joined: 24-Nov-2009 Location: tuka nekade Online Status: Offline Posts: 0 |
Quote Reply #232 Posted: 17-Dec-2012 at 11:30 | |
Можно е дека сум грешка. Од мојата тераса се гледаат добро оџаците и на дневна светлина не сум видела дека чадат едно два месеци сигурно. А и генералниот директор се жалеше дека немаат извоз, па повеќе не работат, отколку што работат.
А за разлика од последниве два месеци, претходно цело лето и во септември убаво се гледаа од кај мене километарски сиви облаци чад, кои за неколку саата се обвиваа над половина Скопје. Можеби периодов работат исклучиво ноќе, па затоа сум заклучила дека не работи Макстил, а и заради изјавите на директорот. Треба подобро да се испита. Ако дознам нешто, ќе пишам. Инаку, страницата на Министерството за квалитетот на воздухот моментно не работи!!!!! |
||
redsonja
Newbiе Joined: 24-Nov-2009 Location: tuka nekade Online Status: Offline Posts: 0 |
Quote Reply #233 Posted: 17-Dec-2012 at 13:06 | |
Проверено - Од кругот на поранешна железарница, работи само Макстил, во период од 17 до 9.
Поздрав |
||
DIMITAR
Newbiе Joined: 21-Nov-2012 Online Status: Offline Posts: 9 |
Quote Reply #234 Posted: 17-Dec-2012 at 14:43 | |
Со оглед дека најголема закана за здравјето во моментов се честичките ПМ10 нели можеме донекаде да се заштитиме со носење на маски во моментите кога е најкритично? На ум ми доаѓаат оние мали наједноставни маски кои масовно се користеа низ светот за време на епидемиите на САРС и свински грип. Ефтини се и практични се. Дали има некаде каде што можат да се набават во Македонија?
Ако нема вакви тогаш каде можат да се набават обични хируршки маски? |
||
Oxygen
Newbiе Joined: 24-Jun-2012 Online Status: Offline Posts: 14 |
Quote Reply #235 Posted: 17-Dec-2012 at 18:35 | |
За да не се гледа завесата која се испушта од фабриката угледниот граѓанин и газда Минчо Јорданов се крие навечер. |
||
redsonja
Newbiе Joined: 24-Nov-2009 Location: tuka nekade Online Status: Offline Posts: 0 |
Quote Reply #236 Posted: 18-Dec-2012 at 10:48 | |
На Коце му фуфка да го ограничи сообраќајот и се прави луд!!!!!
http://www.dnevnik.com.mk/?ItemID=C00AAC8E67607B45A7A4959EB2B9A77E НЕМА МЕРKИ ПРОТИВ АЕРОЗАГАДУВАЊЕТО На градоначалниците нема кој да им пише Воздухот во Скопје е загаден во досега невидени концентрации, а освен вонредни контроли во индустријата, нема други мерки за заштита на здравјето на граѓаните. Сообраќајот, според некои процени, е виновен за околу 30 отсто од загадувањето со ситен прав (ПМ10 и ПМ2,5) и една од предвидените мерки е токму неговото ограничување. За да преземат какви било активности, градските власти с` уште чекаат официјална информација од Министерството за животна средина за тоа колкаво е аерозагадувањето што деновиве се чувствува - и со нос и со очи. - Градот Скопје, кога ќе добие официјална информација од Министерството за алармантно надминување на дозволеното ниво на честици во воздухот, ќе го активира акцискиот план за заштита на воздухот, во кој се предвидени повеќе мерки. Без таа информација не може да се активира планот. Ние продолжуваме со инспекцискиот надзор врз инсталациите кои се во наша надлежност - одговорија кратко градските власти. Од Министерството за животна средина му се чудат на градоначалникот зошто с` уште чека официјална информација од нив. - Ние го следиме аерозагадувањето и секое утро во 10 часот официјално им испраќаме податоци за концентрациите на полутанти во воздухот. Наша надлежност е контрола на големите капацитети, а тоа во Скопје се Макстил, УСЈЕ и уште неколку. С` друго, од контрола на помалите фабрики до преземањето мерки, е во надлежност на локалните самоуправи. Градот досега можеше да го ограничи сообраќајот, да воведе поевтини автобуси и да ги затвори и училиштата ако треба за да не се изложуваат децата и младите на надворешните влијанија. Во вакви ситуации може да се контролираат и горивата што граѓаните ги користат за затоплување. Деведесет отсто од надлежностите се во рацете на Градот - појаснуваат во Министерството. Минатиот петок се состана Интерсекторската работна група за следење на состојбата со квалитетот на воздухот, на која претставници од повеќе институции дискутираа што да преземат. На градоначалникот Kоце Трајановски му било укажано дека една од мерките е ограничување на сообраќајот, како што е и предвидено во одлуката за интервентни мерки донесена од самите градски власти. Градоначалникот Трајановски сметал дека тоа би можело да предизвика вистински хаос во Скопје. Од поголемите капацитети моментно во Скопје работи само „Макстил“, и тоа во периодот од 17 до 9 часот наутро, велат од Државниот инспекторат. Kонцентрацијата на ситен прав за време на викендот и вчера беше околу фамозните 1.000 микрограми на кубен метар воздух, а максималната дневна концентрација не смее да надмине 50 мцг/м3. Во Гази Баба и во Лисиче во 13 часот ПМ10 изнесуваше 995 мцг/м3, а во Центар и во Kарпош околу 700, односно 500. Во вакви услови лекарите препорачуваат воопшто да не се излегува надвор. Во опасност се сите, а најмногу хронично болните, бремените жени, децата и старите лица. Нов момент деновиве е зголемената концентрација на натриумови оксиди, кои вчера беа на средно ниво на загаденост, а за време на викендот благо беше зголемена и концентрацијата на јаглероден моноксид. Соња Христовска И другите градови тешко дишат Битола, Тетово, Kавадарци, Kуманово, Велес се на списокот со поголеми градови во Македонија што го делат истиот проблем со Скопје - големо аерозагадување со ситен прав. Греењето, котлинските услови, индустријата и производството на енергија го зголемуваат загадувањето и во овие градови, но тоа, сепак, не е толку високо колку во главниот град. Според извештајот за состојбата во јануари 2012 година, се забележува дека во сите градови концентрацијата е над дозволената од 50 мцг/м3, при што таа се движи од 200 до 400. Слична е состојбата и оваа зима, но тоа не се отчитува на станиците затоа што од пред неколку месеци не работат. - Набавени се резервните делови за сите станици што не работеа. Деновиве се врши нивното монтирање и податоците ќе ги објавуваме на нашата страница airquality.moepp.gov.mk, за граѓаните непосредно да се информираат. Веќе се во функција две од станиците што не работеа, во Гази Баба и во Миладиновци - велат во Министерството. |
||
Dexter26
Senior Member Joined: 19-Nov-2010 Online Status: Offline Posts: 2035 |
Quote Reply #237 Posted: 18-Dec-2012 at 16:27 | |
Се чита ли сега, со зголемен фонт ?
Или треба да испишеме графити на неокласицистичкине фасади во Центар, со предупредувања за загадувањето во Скопје, па можеби ќе ги прочита градоначалникот ? На Коце му делувало хаотично ограничување на сообраќајот во Скопје ? Па нели токму тој го промовираше превозот со велосипеди во Скопје ? Зошто не направи пример од себеси и од градските советници возејќи се секој ден со велосипеди од дома до седиштето на град Скопје и назад секој ден ? Ем ќе демонстрираат дека не само улиците, туку и пешачките и велосипедските патеки се исчистени од снег и мраз, ем ќе демонстрираат одлучност во борбата за почист и поздрав град.
|
||
HugoGoulding
Senior Member Joined: 05-Feb-2011 Location: Skopje Online Status: Offline Posts: 1304 |
Quote Reply #238 Posted: 18-Dec-2012 at 18:54 | |
Еве моменталната загаденост на воздухот од 15 часот до сега е константно на НИСКО ниво, особено PM2.5 и PM10 честичките. Не знам дали дождот си го прави своето и буквално ги слепува честичкиве на земја и го "разредува" воздухот или се работи за нешто сосема друго ...
Edited by HugoGoulding - 18-Dec-2012 at 19:47 |
||
Supervisor
Senior Member Joined: 28-Jan-2008 Location: skopje Online Status: Offline Posts: 1220 |
Quote Reply #239 Posted: 18-Dec-2012 at 21:49 | |
Се крена маглата од изминатите три дена е тоа е. Инаку природно решение е само снегот во што поголеми количини се надеваме оваа сезона! |
||
NewYork-London-Paris-Moscow-Tokyo-Skopje
|
||
redsonja
Newbiе Joined: 24-Nov-2009 Location: tuka nekade Online Status: Offline Posts: 0 |
Quote Reply #240 Posted: 19-Dec-2012 at 10:52 | |
Решиле да има десет дена по ред надминувања на ПМ10 над 100 микрограми на кубик воздух, па да реагираат. Вчера се спасија во последен момент.
http://www.dnevnik.com.mk/?ItemID=4593C7A28E26FB479CFC0E792ECB6E67 Дождот н` спаси од алармантни мерки Вчерашниот дожд привремено ги ослободи надлежните од обврската да преземат ригорозни мерки за намалување на аерозагадувањето. Падна точно десеттиот ден откако во Скопје се бележеше постојано надминување на максималните концентрации на ситен прав и со слабото ветре го прочисти воздухот. Според минатонеделниот договор на состанокот на Интерсекторската работна група за следење на состојбата со квалитетот на воздухот, потребно е десет последователни дена концентрацијата на ситен прав да ја надминува вредноста од 100 микрограми на кубик воздух за да се преземат мерки и ограничувања во сообраќајот и индустријата. Максимално дозволената дневна концентрација на прав изнесува 50 мцг/м3. - Се договоривме дека моментот за реакција би бил по десет последователни дена во кои дневната концентрација на прав ќе надминува 100 микрограми на кубен метар воздух. Во такви случаи треба да се преземат интервентни мерки. Но, при нивното применување ќе наидуваме на проблем зашто ако се ограничи сообраќајот во Скопје, ќе настане хаос. Може и да го затвориме „Макстил“ привремено, но дали тоа ќе го намали аерозагадувањето, кое не е само од фабриките? Затоа цела година треба да се спроведуваат мерки, а не во пет до дванаесет. На градот му треба добро урбанистичко планирање, зеленило, трамвај. Домаќинствата треба да престанат да горат с` и сешто во ќумбињата. Да беше градот гасифициран, немаше да има вакви ситуации. Затоа сите сме виновни, од граѓани до Влада, сите имаме едно чудо пропусти поради кои сме во ситуација да не знаеме што да правиме - вели проф. д-р Драган Ѓорѓев од Институтот за јавно здравје, кој е член на Интерсекторската работна група. Дождот и ветрот, вели Ѓорѓев, засега го спасиле градот од алармантна ситуација во која треба да се избира меѓу сообраќаен колапс и загадување. Изминативе денови концентрацијата на прав беше вознемирувачки висока, со вредности до неверојатни 1.000 мцг/м3 во Лисиче и во Гази Баба и нешто пониски во другите делови во Скопје. Граѓаните се жалеа на главоболки, истоштеност, влошени респираторни и кардиоваскуларни проблеми, слаба концентрација итн. Со дождот загадувањето почна да опаѓа, а вчера во 13 часот вредноста на правта се спушти на нула на сите мерни места. Олеснувањето веднаш се почувствува, а скопјани добија практична демонстрација за моќта на временските услови во котлината, која се расчисти за помалку од 12 часа. Соња Христовска |
||
Post Reply | Page <1 1011121314 41> |
Forum Jump | Forum Permissions You cannot post new topics in this forum You cannot reply to topics in this forum You cannot delete your posts in this forum You cannot edit your posts in this forum You cannot create polls in this forum You cannot vote in polls in this forum |