Поликлиника - Сарај

ЕУРОВИА потпиша договор за изградба на нова поликлиника во Сарај, Скопје. Станува збор за модерен комплекс кој ќе обезбеди квалитетни здравствени услуги и социјална заштита. Проектот се состои од површина од 1485,00 м2 и се планира да се спроведе како проект „клуч на рака“ , што значи дека ние ќе бидеме тие кои ќе бидат одговорни за сè, од скицирање на планот до завршување на проектот. Благодарение на нашиот квалификуван, мултидисциплинарен тим и 10-годишно искуство, ЕУРОВИА успешно раководи со сите активности што ги носи изградбата на „клуч на рака“ проекти.

Инвеститор на проектот е Министерството за Здравство Скопје.
Предвидено е проектот да се заврши во 2023 година.



https://www.facebook.com/euroviamk/

RC FOUNDATION BEAMS
POLYCLINIC CENTER - SARAJ





https://www.facebook.com/mne.2018

Се гради нова Поликлиника во Сарај која ќе служи на близу 45 илјади жители



Во тек е изградбата на Поликлиниката во Општина Сарај, која ќе биде дел од Здравствениот дом во Скопје. Според министерот за здравство Венко Филипче, оваа амбуланта ќе служи на близу 45 илјади жители од овој регион кои во овој момент немаат ниту една поликлиника во близина.

Филипче денеска изврши увид во градежните работи на Поликлиниката, и изјави дека ова е дел од една голема инвестиција, посебно во делот на примарното здравство во градот Скопје.

-Оваа амбуланта треба да биде дел од здравствениот дом Скопје и да служи на навистина голем број на жители кои што живеат во овој регион, тоа се близу 45 илјади жители од преку 20 населени места кои во овјо момент немаат поликлиника, ниту амбуланти близу до своите домови, рече Филипче.

Тој посочи дека во оваа Поликлиника треба да има повеќе дејности како лекари по општа медицина, специјалисти, рентген дијагностика и лабораторија, нешто што според министерот, значајно ќе го олесни пристапот кон здравствена услуга.

Филипче исто така потенцира дека е во план во следниот период целосно да се заменат амбулантите во скопските општини во Аеродром, Лисиче, Бутел, Ѓорче Петров и во Карпош. Тоа се, како што рече, амбуланти кои се навистина дотраени. Тој информира дека за првпат исто како тука во Сарај, ќе има нова поликлиника и во Кисела Вода.

Целиот овој систем, оваа инвестиција покажа дека јавното здравство е навистина многу битно. Истиот систем го направивме и со делот на модуларните болници, навистина брзо и ефикасно сега се спремни и се веќе во огромен број и ставени во функција. Навистина има потреба согласно ова зголемување на бројот на новодгијагностицирани пациенти кои што се случува во изминатиот период, рече Филипче.

Дел од инвестицијата, како што посочи, не беше само во инфраструктурата, туку и во примање на кадар.

Изминатиот период примени на работа се над 140 доктори, над 200 медицински сестри, околу 30 лекари специјалисти и сето тоа заокружено со зголемувањето на платите, на примањата сумите за дежурства. Една сериозна инвестиција во јавното здравје, нешто што навистина ни помага да се зголеми квалитетот на услугата, да се олесни пристапот, а сега видливо како во овие услови на пандемија тоа е многу битно, додаде министерот.

Градоначалник на Сарај, Блерим Беџети кој денеска исто така изврши увид во градежните работи во амбулантата, изјави дека ова е многу значаен период за граѓаните на Општина Сарај, во делот на изградбата на поликлиниката, имајќи предвид и бројот на жителите во Сарај и времето и предизвиците кои се пред нас.

-Благодарен сум на Министерството за здравство и на министерот за коректноста со вакво темпо кое се одвиваат работите многу брзо ке биде во финална фаза, и конечно услуги од ваков вид на здравство во поликлиника ќе може да ги добиваат граѓани на Сарај но и другите граѓани, рече градоначалникот.

https://nezavisen.mk/se-gradi-nova-poliklinika-vo-saraj-koja-kje-sluzhi-na-blizu-45-iljadi-zhiteli/

Во железара/автокоманда поликлиниката не е дел од "Здравствен Дом Скопје"?



Edited by Cloverstack - 06-Mar-2021 at 16:25

Незнаев дека постои во Волково амбуланта.

Мислам дека во Драчево порано беше на статус на амбуланта и после тоа се подигна на статус на поликлиника со воведување плус некои услуги.

Слична една има во Кисела Вода (41.974693° 21.443725°), ама ниту знам дека некој ја користел или па дали сеуште работи? Затоа и овие помаливе не ги избројав.

@ ehrlich

Железара официјално се вика „ЈЗУ Поликлиника на секундарно ниво“, а има и широко портфолио:

На примарно ниво се обезбедува здравствена заштита на населението, на вработени и пензионери, со матични доктори од општа медицина, стоматологија и гинекологија, кои со трансформацијата на примарната здравствена заштита работат како концесионери во установата. На секундарно ниво ЈЗУ Поликлиника на секундарно ниво Железара – Скопје, обезбедува специјалистичко консултативна здравствена заштита која се извршува на високо професионално и стручно ниво. Таа овозможува здравствена заштита и унапредување на здравјето, навремено лекување, континуирано следење на здравствената состојба на населението. ЛИСТА НА ОРГАНИЗАЦИОНИ ЕДИНИЦИ во ЈЗУ Здравствствена станица Железара-Скопје 1. СЛУЖБА ЗА ПРЕВЕНТИВНА ЗДРАВСТВЕНА ЗАШТИТА НА РАБОТНИЦИ 2. СЛУЖБА ЗА СПЕЦИЈАЛИСТИЧКО-КОНСУЛАТАТИВНА ЗДРАВСТВЕНА ЗАШТИТА     2.1. Кабинет за интерна медицина со ултразвучна дијагностика     2.2. Кабинет за оториноларингологија     2.3. Кабинет за офталмологија     2.4. Кабинет за психијатрија     2.5. Кабинет за дерматовенерологија     2.6. Кабинет за дијабетес     2.6. Кабинет за дијабетес     2.7. Кабинет за третман на предијализни пациенти - нефролошка амбуланта     2.8. Кабинет за дензитометрија     2.9. Кабинет за физикалкна терапија     2.10. Кабинет за неврологија     2.11. Кабинет за ЕЕГ 3. СЛУЖБА ЗА РЕНТГЕН ДИЈАГНОСТИКА     3.1. Отсек за мамографија со ехосонографска есплорација на дојка     3.2. Отсек за РТГ на бели дробови и скелет 4. СЛУЖБА ЗА БИОХЕМИСКА ЛАБОРАТОРИЈА     4.1. Отсек за хематологија и биохемија     4.2. Отсек за имунологија

https://jzuzelezara.mk/index.php/mk/

@Cloverstack

Не ја знаев таа, во тој случај, а и според тоа што го прати, оваа е ист случај како Поликлиниката Железничар кај Полициската станица „Беко“, кои во минатото биле создадени како посебни здравствени установи за вработените во овие две огромни претпријатија, Железара и Железница.

Така што, овие две се надвор од Здравствениот дом Скопје и работат како посебни единици.

ЈЗУ Железничар

Edited by ehrlich - 06-Mar-2021 at 19:18

Originally posted by user8642 Истото е со поранешната Поштенска Амбуланта (сегашна зграда на Управен Суд) веднаш до Телеком, која некогаш била за вратонеите на ПТТ. Таква е и полициската амбуланта позади QBE која порано имаше и дополнителна ексклузивна улога да издава лекарски уверенија за возачки испити. Тие се дел од примарното здравство но за осигуреници вработени во одредни претпријатија и нивните потесни фамилии. Можеби денес е паметно да се трансформираат во генерални амбуланти за било кого под ЦЈЗ, а не под полиција или железница, од проста причина што ниту полиција ниту железница не се регистрирани за вршење здравствена дејност. Исто како што јас со службена кола на службен терен несмеам да качам авто-стопер зашто компанијата во која работам не е регистрирана за дејност превоз на патници и постои опасност да бидам казнет и јас и компанијата, така нема што полиција и железница да се занимаваат со давање и финансирање здравствени услуги. Е тоа е тој момент кој го зборевме во темата за здравство пред некој ден. Дека приватизација на здравствениот фонд и цепкање во мали фондови приватни под капата на осигуретелните компании ќе доведат до природен след на работите да се исплати на осигуителните компании да отвораат здравствени подружници по фабрики и помали населби кои сега немаат примарна здравствена заштита во близина. Инаку порано мислам дека и во кругот на ОКТА имало амбуланта која сега незнам дали функционира.

Сите наведени во мојата објава работат и со надворешни пациенти. Всушност, за Железничар знам дека отсекогаш работел и со надворешни, а од 2005 г. со одлука на Влада е целосно одвоен од Македонски железници, така што е дел од примарното здравство. Веројатно истото е и со другите.

Кога ќе биде готова поликлиниката во Сарај? МЗ не одговори за набавката на опрема







Првата поликлиника во Сарај почна да добива форма. Но кога ќе им биде на услуга на граѓаните од таа страна на Скопје, кои со години го чекаат овој медицински центар? Градоначалникот Блерим Беџети рече дека останато е МЗ да обезбеди опрема, од каде што, како што рече, го ветиле тоа.

„Изведувачите ми рекоа дека во вториот месец ќе ја завршат нивната работа за поликлиниката, останува МЗ да обезбеди опрема, со нив бев во комуникација и при усвојување на буџетот и ме уверија дека средства има и се разбира така како што е предвидено очекувам да се пуш ти во употреба.“, рече Беџети.

ТВ21 два дена чека одговор од МЗ, но не добивме никаква реакција во врска со прашањата за колку средства се издвоени за опремување на поликлиниката во Сарај со потребните медицински апарати, кога ќе биде во функција и колку лекари е предвидено да работат таму.

Поликлиниката во општина Сарај ќе биде дел од здравствениот дом Скопје. Оваа амбуланта ќе опслужува речиси 45 илјади жители од овој дел на градот а кои немаат поликлиника во општината, додека најблиската се наоѓа во општина Ѓорче Петров.

https://mk.tv21.tv/koga-ke-bide-gotova-poliklinikata-vo-saraj-mz-ne-odgovori-za-nabavkata-na-oprema/

Зошто нишкава има наслов на англиски? Треба да си стои Поликлиника Сарај.

Јас не можам да го сменам насловот, пробувам ама нејќе. Стефчо?