Градско-приградска железница во Скопје

Originally posted by krale Јас не спорам дека треба да се има поврзување со Софија и Тирана/Драч. Но и те како спорам дека има економски интерес во тоа. И да има железница утре што оди за Тирана, кој ќе ја користи? Ајде биди искрен? Има ли нешто што во толкава мера го купуваме или продаваме на Албанија па да треба и железница? И сега, граничните премини (по копнен пат) не се никогаш закрчени кон Албанија и Бугарија. Единствено закрчување има кон Грција и Косово (и понекогаш кон Србија). Затоа сметам дека економски е најдобро секогаш да се почне од најисплатливото, па потоа да се гради кон помалку исплатливото. Во моментов делницата Тетово-Скопје-Александар Велики-Куманово, самата по себе ќе го растерети животот во Скопје (без да се прави железница за цела Македонија, а ќе придонесе и за економско заздравување на железницата, за да може да се впушта во други понеисплатливи проекти.

Krale ne daj gospode da mu tekne na Grcija da go napravi toa sto go napravi porano cela ekonimija ke propadne,a vo isto stvaras konkurencija megu pristanista ako uvezuvas ili izvezuvas ke ja koristis napovolnata varijanta
Za patnickiot sobrkaj si vo pravo nema da ima mnogu potreba za Albanija i Bugarija.Se slozuvam so tebe prioritet za patnickiot treba da bide Skopje i oklinata.
No vo isto vreme treba da se gradat i povrzuvajne so Albanija i Bugarija za koj nemora da bidi brz voz nego za tovaren sobrakaj no koga gradis treba da zemis vo predvid istata pruga da mozi lesno da se osposobi i za brz voz.

Vo Bar e plitko pristanisteto. Edinstveno dlaboko vo blizina posle Solun e Burgas i Varna.
I daj zadrzete se na temata, na gradsko-prigradska zeleznica!

p.s. Zosto koga pisuvam so kirilica izleguvaat nekoi cudni znaci

Не сум голем познавач на железниците. Зошто трасата оди токму преку Радуша? Дали има таму некои ресурси (руди...) поради кои бил потребен железнички коридор?

Originally posted by nylon Vo Bar e plitko pristanisteto. Edinstveno dlaboko vo blizina posle Solun e Burgas i Varna. I daj zadrzete se na temata, na gradsko-prigradska zeleznica! p.s. Zosto koga pisuvam so kirilica izleguvaat nekoi cudni znaci

Бургас и Варна се тотален нон-сенс - праќаш 600км, за да после одат низ закрчениот босфор, и после 2 недели да бидат кај Солун.

Патем, Македонија извезвуа 95% во земјите од ЕУ+западен Балкан. Да не се правиме дека толку ни се насушни танкерите инаку испоцркавме.

Се уште не видов релевантни податоци (освен политички) со кои ќе се покаже дека линијата до Софија или Тирана е поисплатлива од инвестиција во брза железница Тетово-Куманово.

Originally posted by krale Со тоа, би се отворила можноста и некои линии од Куманово директно да одат за Велес, без да влегуваат во Скопје (што за една брза железница би МОРАЛО да се случи, инаку никој нема да губи 2 саати од Велес до Куманово).

А колкав е потенцијалот на релацијата Велес-Куманово и тоа под идеални услови? Во Македонија на прсти се бројат паровите на градови кои (дури и долгорочно гледано) имаат реална потреба за дедицирана меѓусебна железничка врска. За приградскава железница која е предмет на дискусијава, неизбежен факт е дека ќе мора да се оформи околу апсолутно доминантен хаб во центарот на Скопје, а основата за среќа ја имаме:

Originally posted by Cloverstack Originally posted by krale Со тоа, би се отворила можноста и некои линии од Куманово директно да одат за Велес, без да влегуваат во Скопје (што за една брза железница би МОРАЛО да се случи, инаку никој нема да губи 2 саати од Велес до Куманово). А колкав е потенцијалот на релацијата Велес-Куманово и тоа под идеални услови? Во Македонија на прсти се бројат паровите на градови кои (дури и долгорочно гледано) имаат реална потреба за дедицирана меѓусебна железничка врска. За приградскава железница која е предмет на дискусијава, неизбежен факт е дека ќе мора да се оформи околу апсолутно доминантен хаб во центарот на Скопје, а основата за среќа ја имаме:

Потенцијалот на релацијата Куманово-Велес е очајно мал. Но со идејата што ја дадов, всушност „хабот“ би бил аеродромот Александар Велики. Тука практично би се вкрстувале линиите Скопје-Куманово и Велес-Скопје, па би било одлично место за оние на кои ќе им треба, да се префрлат на трасата Велес-Куманово.

Кога веќе се гради приградска брза железница, таа треба максимално да ги искористува сите потенцијали на делниците на кои сообраќа, за да биде што поисплатлива.

Originally posted by Cloverstack Крале, ај нацртај ја и постирај ја таа мрежа што ја замислуваш со тоа хабот да биде кај аеродромот, па да видиме што ќе ставиме на другата страна на вагата, наспроти „големата“ поволност баш кај Петровец да се префрлиш на воз од Велес накај Куманово (патем првично зборуваше за директни линии Велес-Куманово)

Види, во прва фаза воопшто нема логика ни да се размислува за крак накај Велес.

Во прва фаза повторив повеќе пати, доволно е да се направи поврзување кај Александар Велики, да се направи изградба на нова траса (барем во еден дел) накај Тетово, и да се осовремени целата делница да може возовите да сообраќаат со многу поголема брзина.

Значи во првата фаза треба да се работи на брзо решение за Тетово-Скопје-А.В.-Куманово.

Секако централен хаб и понатаму ќе остане Транспортниот Центар во Скопје.

Тоа што го предлагав е во втора фаза, да се направат продолжувања на краците на брзата железница, од Тетово до Гостивар-Кичево, и од А.В. до Велес. Во таа фаза, линијата што доаѓа од Велес сосема природно би застаналува кај А.В., и тука би можеле да се префрлаат сите оние кои немаат намера да одат накај запад, туку би продлжувале на север накај Куманово. Или во обратен правец исто така.

Ова не би било само за жителите на Велес побрзо да дојдат до Куманово, туку практично за сите жители на ј. Македонија кои преку Велес одат накај Куманово, а тоа се и Битола, Прилеп, Штип, Струмица и други.

Сега се обидуваш доста невешто да ми наметнеш концепт за кој јас не се заложив.

Станицата кај А.В. ќе биде централна во тој триаголник (Скопје,Куманово,Велес) и ќе воведе навистина да не се губат 40км во непотребно одење до Скопје за да се отиде на север (или на југ од Куманово).

Нема да има никакво „префрлање“ во Велес, затоа што се работи за железница, изгледа си го заборавил тој факт :-)

Значи некој што би се качил во Битола би седнал во вагон што оди директно до Скопје (или Куманово ако има економски резон макар и за еден вагон). А вагонот би се прикачил на соодветната композиција на А.В.

Ако нема економски резон ниту за еден вагон, тогаш префрлањето би се случило само еднаш - кај А.В.

Ах бе крале, ти кога ќе се заинаетиш (а тоа е редовна пракса), тогаш и црното станува бело. Ајде едно по едно:

Originally posted by krale Сега се обидуваш доста невешто да ми наметнеш концепт за кој јас не се заложив.

Што точно? Цитирај што сум ти „наметнал“, а јас ќе ти цитирам каде си го рекол тоа.

Originally posted by krale Станицата кај А.В. ќе биде централна во тој триаголник (Скопје,Куманово,Велес) и ќе воведе навистина да не се губат 40км во непотребно одење до Скопје за да се отиде на север (или на југ од Куманово).

Прилично е очигледно дека во триаголникот Скопје-Куманово-Велес апсолутно доминантни краци се двата кои го поврзуваат Скопје. Па ако 99% од сообраќајот тежнее кон Скопје, која е логиката за форсирање на подиректна врска помеѓу Велес и Куманово со некаков си „хаб“ кај аеродромот, која би донела цел куп други компликации (иако и таму си тотално неконзистентен околу начинот како да се изведе тоа подиректно поврзување... де директни линии, де трансфер на патници де расклопување на композиции... кога како што одговара во приказната).

Originally posted by krale Нема да има никакво „префрлање“ во Велес, затоа што се работи за железница, изгледа си го заборавил тој факт :-)

Изгледа ти заборави дека овде збориме за приградска железница. Или сега планираш да ја продолжиме и до Прилеп и Битола?
Според делот на кој ти реплицирав (ако концептот го прочистиме од контрадикторностите кои ги вгради во другите постови) хипотетичкиот патник од Прилеп кон Куманово секако би морал да направи два трансфера. Еден кога ќе се префрли од класична железница на приградска во Велес, а друг во „хабот“ кај аеродромот.

Originally posted by krale Значи некој што би се качил во Битола би седнал во вагон што оди директно до Скопје (или Куманово ако има економски резон макар и за еден вагон). А вагонот би се прикачил на соодветната композиција на А.В.

Расклопување и склопување на композиции чини време и пари, а носи и дополнителни компликации. Нема никаква логика да се прави тоа за занемарлив број на патници, кои бездруго секако би биле сосема задоволително опслужени преку еден нормален хаб во транспортниот центар во Скопје. И секако нема потреба од два хабови на толку мал простор, чија функција во голема мерка би се преклопувала.

Ниту пак ми е јасно какво е тоа префрлање на вагони од од класична меѓуградска, на приградска железница (освен ако навистина сериозно сега почна да се залагаш приградскава да ја прошириме и до Битола). Ниту пак ми е јасно какво е тоа префрлање на вагони доколку барем еден од возовите е моторна патничка гарнитура.

Originally posted by krale еве за што зборувам. Го забележуваш остриот забец кој настанува кај Зелениково? Тој природно би требало да се поврзе преку А.В. со трасата што оди накај Куманово. Ова е корисно и за сиот товарен сообраќај, кој сега мора да помине низ Скопје

Во моментов не ми се отвара никаква слика во твојот пост, можеби е моментален проблем со локацијата каде е хостирана... во секој случај разбирам за што зборуваш, ама ги збрка работите. Пред се, досега не зборуваше само за железничка пруга од Зелениково до Миладиновци, туку за оформување на патнички хаб кај аеродромот, а тоа не е едно исто.

Дополнително, ако патничкиот сообраќај се пренасочи од кај Миладиновци, би се елиминирало кружењето на трасата помеѓу Куманово и Велес, но би се добило кружење на трасата помеѓу Скопје и Велес, што е многу полоша варијанта (не само за домашниот сообраќај, туку и за меѓународниот, бидејќи ниту еден патнички воз нема логика да го заобиколи Скопје).

За товарниот исто така не си во право, бидејќи товарниот не поминува преку транспортен центар, туку има скратен пат помеѓу Драчево и Илинден, а на тој пат е и ранжирната станица која е задолжителна дестинација за огромен дел од тој товарен сообраќај. Не сум против тоа патот на товарните композиции долж К10 и дополнително да се скрати, доколку тоа е исплатливо, ама дури и од око се гледа дека има огромна редица многу поголеми приоритети во железницата.

Во секој случај, во железница не барај премногу прави линии. Уклучи гугл земја и види како изгледа железничката мрежа во Германија на пример.

Originally posted by krale Исто така, спомнувањето на Кичево (во подоцнежна фаза), е сосема во ред во она што може да се нарече приградска железница, бидејќи во една осовремена железница, растојанието би се поминувало за 1 час - што цело време го заговарам како концепт Скопје да се растерети, и навистина да прерасне во метропола. Истото важи и на југ, се до после Неготино (практично до Д. Капија) каде исто би се патувало под 1 час до Скопје.

Разликата помеѓу класична и приградска железница не се сведува на времетраењето на патувањето, туку и густината и типот на станиците, густината на население и економска активност долж трасите, фреквенцијата и типот на возовите, типот и временската дистрибуција на патниците. Ниту од географски ниту од социо-економски аспект, не прави логика да се обмислува некаква „приградска железница“ што ќе ги опфаќа Кичево, Неготино, Демир Капија итн. Во најширока смисла и во најповолни услови, приказната би завршила со Скопје, Куманово, Велес, Тетово и Гостивар.

Originally posted by krale А за коридорот 8, немам позитивни коментари во моментов мислам дека е чиста глупа политичка инвестиција без дно, која ја упропасти железницата.

Не знам како успеа мојата сугестија барем нишкава да ја поштедиш од дигресии за К8, да ја протолкуваш како покана овие небулози да ги репризираш уште еднаш.


Edited by Cloverstack - 09-May-2011 at 16:18

     Вака ја замислувам трасата и станиците на градско-приградската железница      Тетово-Скопје-А.Велики-Куманово (во заградите е даден бројот на жителите во населените места според пописот од 2002 година):