Па јас се трудам сам да се наметнам во ова општество, ама тоа не ми дава простор, барем до сеа не. А јас не сум од тие што бараат многу од државата.
Ај сеа во контест на земјиве. Прво Турција. До пред 2-3 години беа хаос. Тесни булевари, прљави улици, непланска градба. Сеа се менуваат. Кушадаси - туристичко место. Кучиња скитници колку сакаш, љиљаци навечер, смрдеа од контејнери, прашина околу хотелите, неурбанизирани површини. А врие од туристи. Најтрагично е што има само 5 бара. Значи? Туристот бара море и прифатлива цена. Верувај ниту хотелите во Турција не се богзнае што, сум спиел во десетина и се на ниво ко у Охрид. Тачно и они се развиваат, ама кај нив тек сеа почнуваат да градат автопати, до сеа главните патишта од Едрене до Измир беа градени само од камења, фрлена одозгора некоја течна маса (нешто налик катран), поминато со ваљак и тоа е се. Ама ете, имаат некоја фора на која им доаѓаат туристите.
Србија. Освен Белград, Ниш колку толку и Војводина, све друго е помизерно од цела Македонија. Ако некој бил у Лесковец може да потврди дека еден Радовиш е поразвиен, или Шабац, град после Белград, или Врање или пак Крагујевац, кои среќа имаат што пак работи фабрикана за коли, иначе беа еден од подепримираните градови на Балканов. Да, јас сум воодушевен од Белград, ама ти советувам да отидеш во Нов Белград и ако имаш прилика да ја извозиш цела траса на трамвајот со бр. 9 (мислам, пошто сум подзаборавил) и ќе сфатиш дека освен централното подрачје, кое е далеку поубаво од Скопје, се останато е налик тука. Цигански маала, диви депонии, лоша инфраструктура и сл. Така да Србија спрема Македонија е во предност поради Нови Сад и делумно Белград. Ние ја иаме најмодерната граница со Србија, ама проблемот е нашиот менталитет, што не мрзи да се помрднеме од удобното столче за да зачистиме и да ги протераме кучињата. Еве кај мене у населба секој ден се чисти, се уредува зеленилото, ама ЏАБЕ, има ајвани кои сакаат да демолираат и да биде по нивно.
Бугарија. Прича за себе. Од граница до Софија, како да застанало времето. Распаднати фабрики, лош пат, запуштени села и сл. Софија е друго. Иако и таму се во фаза на градење па не обрнуваат уште толку многу внимание на градската инфраструктура, ваљда чекаат главните објекти да се завршат. Памтам пред 2 години кола ќе искршевме у центар на Софија од дупки на улица. Тука се наравно Пловдив, кој е развиен во стилот на Битола, можеби малку повеќе и Варна, за мене најубавиот град во Бугарија, кој памтам уште у 1995 коа бев беше најразвин град во тогашна мизерна Бугарија и уште од тогаш по нивните улици се возеа автобуси Мерцедес, оние истите кои денес ги гледаме како приватницине ги возат по Скопје и се радуваме на нив небаре сме затуцано племе од Африка. Факт е дека Бугарија се развива, ама и даље се прилично слични со нас. Види какви вагони праќаат на релација Софија-Белград, смрдливи и распаднати. Да, имаат уложено нешто на домашен терен, ама тоа се е со помош на ЕУ, која им ги зеде работниците поради сиромаштија. И го препорачувам Парник, град пред Софија, барем пред 2 год коа бев, беше очаен. Доволно е само да го заобиколите и ќе се согласите дека таков град немаме тука.
Имам уште низа факти за овие земји, само ќе треба предолго да пишувам. А да, Хрватска, прават автопати, само тоа е ризик, се задолжија до гуша. Парите можат да им се вратат само доколку со тоа привлечат странски инвестиции. Само кај нив е проблем што цените се повисоки дури и од некои ЕУ-држави, па државата е константно пред банкрот, поради високите плати и неможноста хрватската економија да се справи со нив.
А за туристите, спомнав, они доаѓаат кај што има море, без оглед на условите. А реални да бидеме, не знам ни овие странци како се тераат да дојдат на езеро. Освен убавините на Охрид, кои се шетаат во два дена. Еве викендов Охрид беше полн со туристи, азијати, балканци, западно-европејци. Проблемот е што понудата на историското наследство е голема, ама површински е мала и е многу тешко некој странец да го задржиш на езеро 10 дена.
И јас се согласувам дека не треба да чекаме подобри времиња и дека за инат на другите треба да се развиваме побрзо од останатите. Ама така нема да гласа нарадов за иста партија цело време. Затоа што колку побрзо се гради, толку побрзо се губи поддршката. Што ако ВМРО 90% од планираните автопатишта ги изградеше од 2006 до 2009? Па на сегашните избори ќе изгубеа кардинално. А вака градат по малце, што квалитетно, што неквалитетно, веќе трет мандат ветуваат конечно изградба на автопатишта и народот им дава легитимитет за да ја завршат својата мисија. И така веќе 5 години. Верувај ова е потврдено во пракса, а сигурен сум дека и ти си свесен за тоа. Овој народ е заложник самиот на себе. Затоа и бегаат од тука. Али бегаат и од Турција, Бугарија, Србија, Хрватска.
Не е идеално кај нас, ама мразам кога овие три земји се издигнуваат далеку над нас.
Сето ова не би го зборел и пишувал, доколку не сум бил на терен. Ама 8 години континуирано сум низ овие земји и детално сум запознаен со ситуацијата на терен. Кога шетам гледам да ги разгледувам градовите далеку од својот центар, за да ја увидам фактичката состојба. А таа, барем во овој дел од Балканот, не е ништо подобра од нашата. И ние да сме поблиску до ЕУ, ќе станеме Мека за инвеститорите од странство, па тогаш за нас ќе се збори како за земја во голем развој.
А во контекст на студентите од Универзитетот во Тетово, немам некое големо мислење, бидејќи сум имал контакти со поголем дел од нив по разни семинари, дебати и сл. Многу повеќе квалитет гледам кај оние од Штул и се надевам дека барем тие што се по рамковен ги земаат од Штул. Факт е дека има многу вредни од запослените на овој начин, сум работел (волонтирал) со нив и немам замерка. Ама е нефер што тој поради некој договор по дифолт добива шанса за работа или тој другиот што има книшка, а јас без ниту една од двете опции морам да продолжувам образование за да не дремам дома. Затоа чаре е запад, уште да ми дадат виза за живеење у Лондон и не се враќам тука никад, осим можда преку лето.

Ne ne moras, kje ti bide interesno okolinata bez komssi

Скопје станува Македонија, а селата стануваат Скопје

Продолжува трендот миграциите од главниот град во околните рурални населби да бидат во поголем број од тие во спротивниот правец
Бардовци е меѓу најпривлечните дестинацииза иселениците од Скопје Скопскиот статистички регион остана единствен од осумте во кои иселувањето од градот во околните села е поголемо отколку миграциите во спротивната насока, покажаа најновите податоци на Државниот завод за статистика за движењата на населението за минатата година. Вкупно 148 жители го напуштиле главниот град и се отселиле во неговата периферија, а во обратен правец отишле 131 жител на селата. Ова е дури и најмала разлика во изминативе години, таа порано изнесувала и по повеќе од сто луѓе. Тие бројки се незамисливи за другите региони, во кои миграциите од село во град се многу почести. Сето тоа е поттикнато од притисокот од другите делови на земјава, од каде што во Скопје лани се доселиле 1.708 луѓе, а претходната година над 1.800. Тоа е трипати повеќе од второпласираниот регион според доселувањата, пелагонискиот. Освен тоа, миграциите статистички се следат само кога се менува и официјалната адреса, што значи дека бројките не ги опфаќаат сите што се иселиле од внатрешноста во Скопје или од главниот град во околните села. Но тоа воопшто не значи дека граѓаните на Скопје се решаваат да го сменат начинот на живот од урбан во рурален. Урбанистите потсетуваат дека станува збор само за неконтролирано ширење на градот, односно непланска урбанизација на селата од оние што купуваат ниви и градат големи куќи во нив. Оваа појава е најчеста во Бардовци, Злокуќани, Сопиште и во Соње, но бројот на местата се зголемува. - Луѓето бегаат во приградските, сателитски населби, зашто им пречи метежот во градските. Таму земјиштето е поевтино, комуналиите се симболични, а жителите имаат приватност. Но на овој начин се создаваат големи диви населби што не се опремуваат за нормално живеење. Таму нема доволно училишта, нема услови за родителите да ги носат децата да вежбаат спорт, балет, музика и слично. Накратко, нема ништо освен куќи. Градот треба да опреми неколку такви населби, за на тој начин да се олесни метежот и да им се дадат услови за живот на сите што бараат алтернатива во периферијата - вели архитектката и урбанист Мила Искреновиќ. Експертите многупати предупредувале на опасностите од неорганизираното ширење на Скопје. Социологот Илија Ацевски, чија специјалност е социологијата на градот, смета дека ова е американизација од 1970-тите години, но за разлика од САД, каде што градовите се ширеле организирано, стихијноста на истиот процес може да предизвика уште поголем хаос во Скопје.

http://www.novamakedonija.com.mk/NewsDetal.asp?vest=71111846227&id=9&prilog=0&setIzdanie=22327

Прирастот пораснал, бројот на разводи намален

Originally posted by ilyrianeagle vo makedonija pocna malce da se zgolemuva natailtetot no, vo sporedba so kosovo kade ima 1.7 milioni ziteli a vo 2010 imase blizu 40 iljadi rodeni bebinja. ako prodolzi vaka situacijata vo makedonija bez da se prevzemaat seriozni merki i so ogled na emigracijata za nekolku decenii ke bideme drzava na starci kako regionot na mariovo.

Колку е валидна таа информација дека Косово има 1,7 милиони жители,како првин не е логички толкав број на жители, Косово како држава со толкава површина двојно помалаа од Македонија. За да има толкав број на жители косово треба да има 3-4 града над 100.000 жители, а тоа го нема една Приштина со околку 500.000 илјади жители, и Косовска Митровица околу 100.000

Да али Израел има 3 града што се милионскии, а косово освен Приштина нема друг така поголем, и селата во косово не можат да имаат повеќе од 10.000 жители, спорет моја проценка косово има околу 1,2-1,3 милиони жители


Edited by Dragan - 11-Dec-2011 at 22:14

Originally posted by Dragan Да али Израел има 3 града што се милионскии, а косово освен Приштина нема друг така поголем, и селата во косово не можат да имаат повеќе од 10.000 жители, спорет моја проценка косово има околу 1,2-1,3 милиони жители

Сега да не излезе навредливо но види го Чаир и Арачиново, на колкава површина колку народ живее. Според википедиа за Косово пишува:
Површина-10.887 km²
Број на жители-1.733.872 или
159,3 жители на km² (и тоа не е воопшто премногу ако се знае дека на пример:
Германија има 229 жители на km²
,а Холандија дури 402 жители на km²



Што се однесува до градовите, 10-те најголеми се:
Prishtina 198.214
Prizren     178.112
Uroševac 108.690
Peć 95.723
Đakovica 94.158
Gjilan 90.015
Podujevо 87.933
Kosovska Mitrovica 71.601
Vučitrn     69.881
Suva Reka 59.702

Или околу 1 милион и 50 илјади жители.

И тоа не е воопшто премногу ако се знае дека на пример:

Германија има 229 жители на km²

а Холандија дури 402 жители на km²

Edited by kultuzin - 11-Dec-2011 at 22:43

Претпоставувам дека 100тина илјади од 1,7 милиони се водат на хартија иако се во реалноста во странство, кој само на работа, кој иселен. Ама бројката горе-долу е точна.

http://esk.rks-gov.net/statistikat-e-popullsise

НАД 230.000 МАКЕДОНСКИ ГРАЃАНИ СЕ ИСЕЛЕНИ ОД 1998 ГОДИНА ДОСЕГА

Дејан Азески
Тоа е повеќе од 10% од населението во државата. Податоците кои ексклузивно ги анализира „Капитал“ покажуваат дека само во земјите на ЕУ во моментот живеат 176.423 македонски граѓани со привремен престој. Од нив најголем број се во Италија, 78.048. Според официјалните податоци, за една деценија вкупно 56.506 Македонци добиле странско државјанство

Повеќе од 230.000 македонски граѓани се иселиле од земјава од 1998 до 2011 година во Европската унија и во САД. Тоа е повеќе од 10% од населението во државата. Податоците кои ексклузивно ги анализира „Капитал“ покажуваат дека само во земјите на Европската унија во моментот живеат 176.423 македонски граѓани со привремен престој. Од нив најголем број се во Италија, 78.048, потоа во Германија 58.007, во Австрија 15.698, во Словенија 9.511...
Од 1998 година, државјанство во САД стекнале 6.378 Македонци. Според официјалните податоци, за една деценија вкупно 56.506 Македонци добиле странско државјанство. Дури 11.444 Македонци се трајно иселени во Германија, а потоа следува Австрија, каде што државјанство добиле 6.070 Македонци. Потоа следуваат Белгија, каде што се издадени 2.726 државјанства на македонски граѓани, Шведска со 2.833, Италија со 2.610, Словенија со 1.726 и Велика Британија со 1.376 пасоши за македонски државјани. Бугарски пасош добиле 18.533 Македонци.
Ова покажува дека иселувањето од Македонија е големо и застрашувачко. Немањето работа, безбедносната нестабилност и лошите услови за живот се клучните причини за иселување.
Професорот Драган Тевдовски од Економскиот факултет во Скопје смета дека никој не е свесен и целосно не може да ги согледа последиците од она што се случува со миграцијата.
„Трагедија. Едноставно тоа & се случува на земјава со одлив на младото население. Државата треба да сфати дека не само што губи идни ресурси туку и губи средства кои ги инвестирала во развојот и во образованието на тие млади луѓе. Бидејќи очигледно емиграцијата не запира, на долг рок ќе се соочиме не само со демографско стареење на населението, туку со екстремност на целосно стара држава, која ќе почива на пензионери и на ништо друго“, констатира професор Тевдовски.
И професорот Славе Ристевски е со сличен став и не е оптимист во врска со демографската иднина на државава. Тој се повикува на меѓународни истражувања, кои покажуваат уште повчудовидувачки податоци.
„Најверојатно ќе се остварат црните претпоставки на САД и на Светската банка дека до 2030 година Македонија ќе има одвај 1.800.000 жители. Ако се знае дека овој процес кај нас се одвива во последниве неколку децении, не треба да н$ зачуди ако за 10 години, од кога не е одржан попис, не сме загубиле добар дел од градското население од внатрешноста на земјава“, вели Ристевски.
Од здруженијата на иселеници се свесни за состојбата и велат дека странското државјанство во секој случај е поатрактивно од домашното.
Софија Стефковска, поранешен генерален секретар на Матица на иселеници, вели дека уште поголема болка од фактот дека македонските граѓани се иселуваат е кој дел од населението најмногу се иселува.
„Интелектуалците, цутот на македонската држава во најголем дел бараат работа во странство. Навистина лоша слика е да се види завршен студент на нашите универзитети како послужува пијачки во САД, бидејќи условите на Запад налагаат да не се пребира работа. Точно е дека дел од нив подоцна ќе успеат во кариерата, но Македонија во секој случај губи со иселувањето“, заклучува Стефковска.

Што им нуди Западот, а не можат да го најдат во Македонија?

Италија е земја во која во моментов привремено престојуваат 78.048 македонски граѓани, а 2.610 се стекнале со граѓанско право во последниве 10 години. Најмногу се застапени Македонци од дебарскиот, кочанскиот и од виничкиот крај. Од локалната самоуправа на овие места ги детектираат причините кои ги носат нивните сограѓани во оваа држава.
Ратко Димитровски, градоначалник на Кочани и стопанственик, вели дека улога во иселувањето играат и безбедносната состојба и квалитетот на живот, но можноста за наоѓање работно место сепак е пресудна.
„Јасно е дека економските услови најмногу ја поттикнуваат емиграцијата. Нашите сограѓани се поттикнати од позитивни примери на некои луѓе кои успеале и, во немање друг излез, решаваат да си ја пробаат среќата. Тоа се случува без прекини во последниве 20 години. Ако моите сеќавања се точни, првите случаи почнаа за време на бегањето од регрутација во ЈНА во 1991 година, а сестраната економско-политичка криза оттогаш наваму само го потхранува процесот“, вели Димитровски.
Или Мирзо од општина Дебар вели дека се селат цели семејства.
„Едноставен одговор е дека Италија им нуди работа на иселеници, нешто што Македонија во изминатиов период не можеше да им го понуди. За луѓето од нашиот крај емиграцијата е начин за да се преживее. Има секакви случаи, во последно време се селат и цели семејства. Но, бидејќи ги познавам луѓето, добро знам дека доколку им се обезбедат услови, не подобри туку блиски на оние во Италија, никој не би се селел“, потенцира Мирзо.

Не се бираат средства за да се дојде до странско државјанство

Македонците со привремен регулиран или нерегулиран престој на Запад живеат со постојана опсесија за стекнување државјанство. Ова го потврдува секој наш земјак кој ја поминал голготата за стекнување каков било странски пасош. Поради ограниченоста и постојаната несигурност што им ја наметнува статусот на привремен престој, Македонците по секоја цена се трудат што побрзо да се стекнат со државјанство за нив и за нивните фамилии во земјите во кои престојуваат.
„Се склучуваат фиктивни бракови, се запишуваат на непостоечки универзитети, најмуваат адвокати и советници. Важно е да се остане ден повеќе на саканата дестинација. Во никој случај не велам дека кој било од овие луѓе не ја сака Македонија ама едноставно засега туѓиот пасош им е билет за подобар живот“, заклучува Стефковска.

http://www.kapital.mk/mk/makedonija/86365/nad_230_000_makedonski_gragjani_se_iseleni_od_1998_godina_dosega.aspx

Дали некој кој се разбира во демографија и статистика може да ми го објасни ова. Ако во државата населението се зголемува за 5000 годишно, а во исто време се иселиле толку луѓе, тогаш не може да живеат во РМ 2055000 жители. Населението би требало да опажа.
Некој тука не брои добро.