Diamond of Skopje (Limak)

Originally posted by Џоле Да ги пофалам, направиле паркинг за велосипеди покрај главниот влез (до стара железничка). Вчера првпат влегов внатре, уште е полупразен, пола дуќани не се отворени, нема ни многу купувачи. Но секогаш е така на почетокот, додека се навикнат луѓето да доаѓаат.

Фотки од мојата посета пред една недела:

Originally posted by Decibel становите у лимак се најголемиот турски фуш!

Образложение, сведоштво? Си влегол внратре?

kako da ne mu veruvas 3 post na forumov i vaka ko ke tropne bez objasnuvanje i fakti so slikii

ТУНЕЛОТ ПОД ЛИМАК Е РЕЧИСИ ГОТОВ, АБЕР НЕМА ОД КРУЖНИТЕ ТЕКОВИ

Инвеститорите од „Лимак“ според договореното со Град Скопје ја изградија подземната сообраќајница под мултифункционалниот комплекс „Diamond of Skopje“, но ништо не е мрднато од место кога станува збор за кружните текови на источната и западната страна од објектот, кои требаше да ги изгради Градот.

Инвеститорот на комплексот „Diamond of Skopje“ вели дека основата на сообраќајницата е готова, бидејќи таа морала да биде завршена за да може врз неа да се градат останатите објекти кои се составен дел од инвестицијата вредна 350 милиони евра.

– Дел од проектот е и подземната сообраќајница што се протега под комплексот „Diamond of Skopje“ и е долга 746 метри и широка 37 метри. Подземната сообраќајница има по две сообраќајни ленти и помошна лента во двата правци и две трамвајски линии во средината. Во моментов, бетонските работи на подземниот тунел се комплетно завршени, односно вкупната должина од 746 метри е целосно ископана, со поставени потпорни ѕидови и фундамент. За нејзината изградба е извршен 14 метри длабок ископ, по што се изградени потпорни ѕидови, кои се веројатно меѓу највисоките во земјава, и на нив е поставен фундамент. Се работи за важен инфраструктурен проект чие ставање во функција ќе овозможи брзо движење низ центарот на градот, што е клучен предизвик во централните градски подрачја. Изградбата на подземната сообраќајница, како и изградбата на останатите две станбени згради, e планирано да се заврши во текот на следната година. Вкупната инвестиција во целиот проект достигна 350 милиони евра – изјавија инвеститорите за Плусинфо.

Оттаму додаваат дека се во постојана комуникација со Град Скопје, но дека засега нема никакви активности, ниту во делот на кружниот тек кај Водњанска, ниту пак кај Јужниот булевар, особено откако во октомври се случи отворањето на трговски центар „Diamond Mall“, при што се зголеми бројот на возила кои се движат во овој дел од градот.

– Подземната сообраќајница е еден од највиталните делови на комплексот „Diamond of Skopje“. Таа ќе биде прва и засега единствена од ваков вид во земјава. Оттука, од големо значење е нејзино сообраќајно поврзување, поради што нејзината реализација се прави на партнерска основа со Град Скопје, под чии ингеренции се кружните текови на западната и на источната страна. Ние сме во постојана комуникација, фокусирани сме на својот дел од работата и истовремено конструктивни за континуитетот на отпочнувањето на фазите на изградба, кои се во тек од страна на Град Скопје, кој е наш значаен партнер – велат инвеститорите.

Градоначалничката на Скопје Данела Арсовска пред шест месеци изјави дека експропријацијата на објектите на просторот наменет за кружен тек би била неспорна зашто голем дел од засегнатите куќи се дивоградби. Најголемиот проблем, според неа, би бил да се реши ситуацијата со објектот на „Македонски железници – инфраструктура“, кој се наоѓа непосредно до Паркот на новинари, а во кој е сместена значајна ИТ опрема на претпријатието.

Од „Железници инфраструктура“ минатиот месец за Плусинфо рекоа дека спорниот објект во моментов нема некоја значајна опрема која би го забавила процесот на изградба на кружниот тек, но до нив нема официјално барање дека објектот треба да се руши.

– Нашиот диспечерски центар е префрлен од оваа зграда. Останува само дел од опремата, кој може да се дислоцира во секое време и без да предизвика некакви проблеми во работењето. Ние го поддржуваме овој проект на Градот, но очекуваме за возврат на овој имот да добиеме локација во близина на кружниот тек, за да можеме да изградиме реномиран објект. Писмено за ова ги известивме Град Скопје и општина Центар, но немаме информација дали тоа ќе се прифати и каде е обезбедена новата локација. Инаку, немаме добиено барање објектот да го дислоцираме и дека ќе се руши – велат од претпријатието.

повеќе на https://plusinfo.mk/tunelot-e-gotov-no-kruzhni-tekovi-nema-grad-skop-e-nema-aber-za-izgradba-na-povrzuva-ata-so-soobra-a-nicata-pod-limak/

Паркот долж гологанов уште пред 40 години е предвидено да биде урбан автопат или јужниот дел од обиколницата околу скопје. Тогашните трендови и демографија налагале дека Скопје ќе биде милионски град. Со сегашниот раст (стагнација која ќе преиде во доста стрмен пад), на Скопје доволно му е БРТ. Така шо се размислува скрос од ДУП да се избрише Јужен булевар.

Само ради урбаната мафија не би го бришел. Иначе не гледам веќе некоја толкава потреба од него, секако не очајна. Можеби само во делот Центар-Киселавода-Драчево/Хиподром. Да не бидам погрешно сфатен... во идеални услови, со диг-енд-кавер метод - да. Ама моментално мислам дека таа пара е попаметно да се инвестира во други проекти низ градов/државава.

ПОДЗЕМНАТА УЛИЦА НА ЈУЖЕН БУЛЕВАР НЕМА ДА СЕ КОРИСТИ ОТИ ГРАД СКОПЈЕ НЕ ГИ ГРАДИ ПРИКЛУЧОЦИТЕ



Подземната улицата која ја гради турски „Лимак“ како дел од договорот со Град Скопје ќе биде готова догодина, но нема да се користи оти не е почната никаква постапка за изградба на влезовите и излезите од сообраќајницата. За да може таа да се користи потребно е Град Скопје да изгради три приклучоци, односно кружен тек кај поранешна „Нова Македонија“, како и кружни текови на крстосницата на Железничка со Бихаќка и кај подвозникот кај крстосницаата на булеварите Свети Кирил и Методиј и Кочо Рацин.

После две години мандат на градоначалничката Данела Арсовска, нема никакви активности за овој проект кој е многу значаен за растоварување на сообраќајот во овој дел од градот. Со изградбата на трговскиот центар „Дајмонд мол“ и четирите 20-катници кои имаат 772 станови, во овој дел ќе се населат нови 3.000 жители и ќе има најмалку плус 1.000 возила секој ден.

Од кабинетот на градоначалничката Данела Арсовска, како и цел двегодишен мандат, САКАМДАКАЖАМ.МК не доби одговор на прашањата испратени за овој важен проект за Скопје.

Од турската компанија „Лимак“ ни одговорија дека тунелот за подземната улица е целосно пробиен и дека догодина ќе биде готова.

„Во моментов, бетонските работи на подземниот тунел се комплетно завршени, односно вкупната должина од 746 метри е целосно ископана, со поставени потпорни ѕидови и фундамент. За нејзината изградба се врши 14 метри длабок ископ, по што се градат потпорни ѕидови, кои се веројатно меѓу највисоките во земјава и се поставува фундамент. Се работи за важен инфраструктурен проект чие ставање во функција ќе овозможи брзо движење низ центарот на градот, што е клучен предизвик во централните градски подрачја. Изградбата на подземната сообраќајница, како и изградбата на останатите две станбени згради, e планирано да се заврши во текот на следната година“, велат од „Лимак“.

Во комплексот „Дајмонд“ се предвидени четири кули со 20 ката. Две од нив, кои се наоѓаат кај зградата на „Тутунска банка“, се веќе готови и становите се продадени, а другите две кои се градат кај Урбан паркот ќе бидат готови догодина. Пред еден месец беше отворен трговскиот центар кој е дел од комплексот.

Договорот за Јужен булевар под земја со турскиот инвеститор „Лимак“ беше потпишан во 12 март 2012 од тогашниот градоначалникот Коце Трајановски, и на тогашната прес-конференција беше најавено дека ќе се почне со градба за една година и прво инвеститорот треба да ја изгради улицата, а потоа објектите над неа. Но, повеќе од 6 години на терен ништо не се работеше, ниту пак од Град Скопје кажуваа зошто проектот не се реализира.

Со доаѓањето на градоначалничката функција на Петре Шилегов во 2017, од „Лимак“ рекоа дека ги надминале проблемите со добивањето на потребните дозволи и во септември 2018 почнаа градежните работи. Во кампањата за локалните избори 2021 Шилегов ги промовираше проектите за кружните текови и тогаш рече дека по завршување на изборите ќе почнат постапките за нивна изградба.

https://sdk.mk/index.php/naslovna/podzemnata-ulitsa-na-juzhen-bulevar-nema-da-se-koristi-oti-grad-skopje-ne-gi-gradi-prikluchotsite/

09.12.2023

Кула 3-се вадат скелиња од северната страна









кула 4-се оформува карабината

Кој купува станови ако има 70,000 празни станови во Скопје со над 10,000 такви само во Центар?
Тоа е прашање на прашањата.