Пешачки зони и помали плоштади (општо)

Кејот во Струга не издржа ни 7 години, а изеде четврт милион евра



Искршен и оштетен е кејот на реката Црни Дрим во Струга за чија реконструкција во 2015 година беа потрошени околу 250.000 евра. Општината не презема никакви мерки за санација, па граѓаните со кои зборувавме велат дека ова срам за градот бидејќи станува збор за неговиот најатрактивен туристички дел.

Што се однесува до кејот, треба да биде поуреден, почист, за туристите. Ова не личи на тоа што треба да личи. Сите средства кои се дадени досега, кој ги користи и каде се наменети, Господ знае“, рече еден граѓанин.

„Плочките да се поправат. Плочките не се во ред, откорнати се. Долго време е така“, нагласи друг граѓанин.

„…Властите треба да преземат овде нешто. Има г-дин Рамиз Мерко. Тој со неговата екипа, треба да кажи зошто е ова вака“, рече еден граѓанин.

„Ова е срамота. Сакаме туристи, а види ова што е. Луѓе паѓаат, градоначалникот не се интересира. Вели – Струга е како Швајцарија. Тоа е срамота. Ова ли е Швајцарија? Швајцарија го нема ова“, додаде друг граѓанин.

Шеталиштето беше реконструирано во времето на поранешниот градоначалник Зијадин Села, па од Алијанса на Албанците сега го обвинуваат Мерко дека не сака да одржува проекти кои биле изградени во нечиј друг мандат. Алсат праша во општина Струга дали и кога се планира реконструкција на овој дел од кејот? Одговор не добивме. Во меѓувреме, несовесни возачи на автомобили и камиони, а многу често и тешка градежна механизација се движат по кејот и дополнително го руинираат./Alsat.mk

https://alsat.mk/mk/kejot-vo-struga-ne-izdrzha-ni-7-godini-a-izede-chetvrt-milion-evra/

А и дел од плочките се веќе искршени, се гледа на последнава фотка.

Општина Бутел

Во дворот на основното училиште „Живко Брајковски“ на местото на разрушениот и пропаднат објект ќе никне нов рекреативен центар со нов плоштад, нов парк и детски содржини. Градоначалникот Дарко Костовски објави видео на Фејсбук и кажа дека на 2.000 м2 ќе се протега новиот парк, а новиот плоштад на 500 м2.

видео на линкот

https://www.facebook.com/watch/?v=194625030007314

Edited by Џоле - 11-Apr-2023 at 17:28

ШТИП ПОЧНА ДА ЈА ГРАДИ ТРЕТАТА ФОНТАНА НА ПЛОШТАДОТ ОТКАКО ПРВИТЕ ДВЕ НЕ НИ ПРОРАБОТЕА



Дел од плоштадот во Штип почна да се руши. Се вадат мермерните плочи, се копа означената и заградена локација, каде што, според најавата од Општината, ќе се гради фонтана.

„Новата фонтана ќе чини три милиони денари. Не личи плоштад без фонтана. Бараме од изведувачите да направат функционална фонтана и да внимаваме и оваа фонтана да не ја доживее судбината на претходните две“, вели градоначалникот на Штип, Иван Јорданов.

Десетина метри од сегашната локација на градење, пред повеќе од 40 години постоеше фонтана, која многу често не беше во функција, па се претвораше во депонија. Во новото време таа фонтана се сруши, меѓу другото, и поради потребата да има повеќе простор, затоа што на плоштадот почнаа да се одржуваат партиски митинзи и разни политички и други собири.

Пред 15-ина години, тогашната локална власт подигна нова фонтана на самиот влез на плоштадот Слобода. Но, и таа фонтана поради грешки во водоводниот систем не проработи и речиси една деценија беше нефукционална, па комуналците је претворија во жардиниера со цвеќиња и украсни растенија.

Штипјани се прашуваат дали истата судбина ја чека и новата фонтана, чија изградба веќе е почната.

„Речиси секој градоначалник кога ќе дојде на функција на ум има изградба на фонтана. Досега фонтаните на плоштадот не профункционираа, па за неколку години беа срушени. Единствено работат фонтаните кај зградата на пензионерите изградена пред пет години и онаа кај гимназијата, која на двапати се правеше“, коментираат пензионери на плоштадот во Штип.

https://sdk.mk/index.php/dopisna-mrezha/shtip-pochna-da-ja-gradi-tretata-fontana-na-ploshtadot-otkako-prvite-dve-ne-ni-prorabotea/

ФОТО: Хаос и крш околу Триумфална капија

Екстремно неуреден е просторот околу Триумфалната капија во строгиот центар на Скопје.







https://24info.mk/2023/06/19/фото-хаос-и-крш-околу-триумфална-капиј/

И згора на се глутница џукели тука шо се мотат.

ВИДЕО: Од едната страна ред, од другата неред: Просторот пред Порта Македонија стана паркинг за доставувачи и таксисти



ште пред пет години, на седницата на Советот на Град Скопје одржана во март 2018 година, донесени се измени на Одлуката за организирање и дефинирање на условите за доставување стока на подрачјето на град Скопје, според која во централното подрачје забрането е да се врши достава во периодот од 7.30 до 18 часот.

На просторот кај Порта Македонија, поточно по уличката што минува под Портата и води кон градскиот плоштад, до пред шест месеци влегуваше кој како ќе стигне со автомобил – доставувачи, гости по рестораните, граѓани што одеа по пазарување во Градски трговски центар. Дивото паркирање никој не го казнуваше, а резултат на сето тоа беа уништените и искршени плочки на плочникот што беше уреден само пред две-три години.

За ваквата состојба никој не се чувствуваше одговорен, ниту полицијата ниту градските и општински инспектори, иако паркирањето на недозволено место е казниво, сѐ додека проблемот не го актуализираше „Слободен печат“. Потоа, експресно реагираа од Град Скопје, го затворија приодот кон плоштадот под Портата, ставија куќичка со чувар, кој ги пушта тука да поминат само автомобилите на станарите што живеат во зградата на плоштад. И така, се стави ред во навиките на граѓаните, кои максимално ја злоупотребуваа постојната состојба, па во отсуство на казни, рампи, хидраулични столпчиња или какви било други направи што можат да го сопрат движењето со возила, слободно се паркираа на овој простор во најстрогиот центар на градот.

Но, редот што се воспостави на потегот кон плоштадот, се претвори во сериозен неред на просторот пред влезот на Портата. Во текот на целиот ден таму се паркираат камиони и комбиња на доставувачи, таксисти, агенции за обезбедувања. Доставувачите си ги оставаат возилата и со рачни транспортери ја носат стоката до угостителските објекти околу плоштадот. Задржувањето е и по 20-ина минути, а бројот на возила на импровизираниот паркинг од ден на ден е сѐ поголем, па во утринските часови е проширен и на триаголникот кај блиските семафори.

И повторно никој од надлежните не реагира и не презема ништо за да го реши овој проблем, пред сѐ полицијата, на која и е обврска да казнува за непрописно паркирање, но и за вршење дотур на стока вон определеното време.

Уште пред пет години, на седницата на Советот на Град Скопје одржана во март 2018 година, донесени се измени на Одлуката за организирање и дефинирање на условите за доставување стока на подрачјето на град Скопје, според која во централното подрачје забрането е да се врши достава на стока во периодот од 7.30 до 18 часот. Притоа, возилата за дотур можат да запираат и паркираат додека трае истоварот и товарањето, но најмногу 15 минути. Покрај тоа, во членот 8 се вели дека доставувањето на стока може да се реализира доколку со тоа не се загрози безбедноста на сообраќајот на пешаците и возилата.

Одобрението за движење, запирање и паркирање возила поради достава на стока го издава Град Скопје. Оттаму не одговараат дали одлуката од 2018 година се почитува при издавањето одобренија, во кои, меѓу другото, се определени и зоните и временски период во кој е дозволена доставата на стоки.

Забраната за дотур на стоки од 7.30 до 18 часот важи за потесното централно подрачје, односно за потегот од улицата Френклин Рузвелт до Транспортниот центар, од булеварот Илинден до крстосницата кај ТЦ „Мавровка“, односно од булеварот Митрополит Теодосиј Гологанов до Јужен булевар и за сите сервисни улици на тој простор. Што значи, важи и за просторот кај Порта Македонија.

Првата година по донесувањето на одлуката, полицијата контролираше и казнуваше за нејзиното прекршување, па за неполна година беа изречени 227 казни. Сега го толерира она што се случува близу ГТЦ. Од МВР на прашањето дали доставувачите и таксистите имаат право да се паркираат пред Порта Македонија и зошто не казнуваат за непрописно казнување и за непочитувањето на одлуката за забрана на дотур во текот на денот велат дека камионите кои вршат дотур на стока на места каде што е забрането запирање, паркирање и пешачки зони, може да вршат само со одобрение од град Скопје, додека за такси возилата постојат обележани такси стојалишта. За забранетиот дотур на стоки во текот на денот не одговараат ништо.

https://www.slobodenpecat.mk/video-od-ednata-strana-red-od-drugata-nered-prostorot-pred-porta-makedonija-stana-parking-za-dostavuvachi-i-taksisti/?

ИСКРШЕНИ СТОЛПЧИЊАТА НА КЕЈОТ ВО СКОПЈЕ, ВОЗИЛА ПАК ВЛЕГУВААТ НА ШЕТАЛИШТЕТО



Искршени се дел од столпчињата на Кејот 13 Ноември во Скопје. Бидејќи се скршени столпчињата, сега возила пак влегуваат на шеталиштето. Слободно се движат и комбиња за дотур на роба.



Шеталиштето на Кејот беше реновирано во мандатот на ексградоначалникот Петре Шилегов и беше затворено за возила. Тогаш комплетно беше заменет плочникот а беа отстранети и летните тераси сред шеталиштето, со што кејот беше ослободен.

https://sdk.mk/index.php/dopisna-mrezha/iskrsheni-stolpchinata-na-kejot-vo-skopje-vozila-pak-vleguvaat-na-shetalishteto/

Originally posted by kiriOK Плочкиве делуваат како дасе редени пред 20 години,а не пред 2....

Не знам дали ќе ми веруваш, ама дали еден месец откако беа поставени изгледаа вака.

ЕДНОНАСОЧНА УЛИЦА СЕ ГРАДИ НА КЕЈОТ НА ЦРН ДРИМ ВО СТРУГА, ОТИ ДУЌАНИТЕ И КАФУЛИЊАТА НЕМАТ МЕСТО ЗА ДОТУР НА СТОКА



Кејот на Црн Дрим во Струга, кој од едната страна се поплочи со природен мозаичен камен, ќе добие и еднонасочна сообраќајница која ќе служи за дотур на стока на дуќанџиите и угостителите кои се на самиот кеј. Стружани стравуваат дека со асфалтирање на дел од кејот, бројни возила ќе поминуваат тука особено во текот на летните месеци.

САКАМДАКАЖАМ испрати прашање до Општината, но до објавата на текстот не добивме одговор за тоа дали ваквото уредување е во согласно проектната документација, како ќе функционира, во кој временски период ќе биде дозволено поминување со моторни возила и колку чини целиот зафат?

Како што неофицијално дознаваме, еден од кејовите по течението на реката Црн Дрим во Струга со реконструкцијата бил пренаменет во пешачка зона, но претходниот градоначалник Зијадин Села не успеал да направи промена на Деталниот урбанистички план со што до ден денес тој потег се води како сообраќајница. Врз основа на таквата документација, велат нашите извори, сегашниот градоначалник Рамиз Мерко увидел дека има потреба да биде повторно вратен еден дел од овој кеј како сообраќајница за потребите на стопанствениците и граѓаните кои живеат на овој потег.



„Ќе има нарушување на јавниот ред и мир во поглед на возење на велосипеди со мотор, па и автомобили, оти такви нешта сме гледале и во изминатиов период. Со тоа е направена една мечкина услуга затоа што реално граѓаните нема да добијат нешто многу, а ќе биде сериозно нарушена безбедноста на пешаците и нивното слободно движење“, вели Никола Кукунеш, граѓански активист.

Дел од граѓаните, пак, го поздравуваат ваквото решение оти според нив, так ќе се заштити новопоставениот камен од тешката механизација.

Кукунеш вели дека реконструкција на кеј преставува тековно одржување, а плочките имаат свој рок на траење и план кога и како да бидат поставени и тоа не смее да биде изговор дека нешто ќе се заштити.

„Струшката чаршија која беше една од најубавите во државата во моментот се наоѓа во една сериозно руинирана состојба. Тоа значи дека и струшката чаршија под итно треба да биде реконструирана. Не е ни безбедна, има големи оштетувања. Кејот во изминативе 15 години е веќе трипати реконструиран“, кажува Кукунеш.

Реконструкцијата на кејот требаше да биде завршена до средината на јуни кога се одржа и Самитот на Преспа, но неофицијално поради проблеми со плаќањата, градежната фирма која била ангажирана се откажала.

На овој потег има голем број објекти кои се новоизградени, но без да се води грижа за соодветно паркинг место и начин на снабдување. Кукунеш вели дека треба да се најдат алтернативни начини без враќање на сообраќајницата на овој потег од кејот.

С. ВРЕНЦОВСКА

https://sdk.mk/index.php/dopisna-mrezha/ednonasochna-ulitsa-ulitsa-se-gradi-na-kejot-na-tsrn-drim-vo-struga-oti-dukanite-i-kafulinata-nemat-mesto-za-dotur-na-stoka/?fbclid=IwAR035Zar0Yht_UgLj-8uUQAtPi1K5gEs_M_homEptcicNGaUjAnNMzWcigE