Катни гаражи во Чаир

ВО ЧАИР ПОЗАДИ ПОЛИКЛИНИКА БИТ ПАЗАР ЌЕ НИКНЕ КАТНА ГАРАЖА - веста од Владата прв ја сподели Груби

Владата дала зелено светло да се гради катна гаража во општина Чаир, во просторот зад поликлиниката Бит Пазар.
Оваа информација уште пред да ја објави официјално Владата преку соопштение, преку својот фејсбук профил ја соопшти првиот вицепремиер на земјава, Артан Груби.
Тој напиша дека во општина Чаир ќе се гради катна гаража.
„Во соработка со градоначалникот на Чаир, Висар Ганиу, Владата на Република Северна Македонија денеска даде зелено светло за изградба на катна гаража во општина Чаир, односно во просторот зад поликлиниката Бит Пазар.
Со овој чекор на Владата и општина Чаир, нашите граѓани ќе можат да ги паркираат своите автомобили во овој многу фреквентен дел од Скопје, без да ги попречуваат или блокираат јавните простори.
Оваа одлука на владата, општина Чаир треба да ја спроведе согласно Одлуката за вршење на работите за располагање со градежно земјиште сопственост на Република Северна Македонија за oпштина Чаир, донесена од страна на Владата“, пишува првиот вицепремиер Груби на својот фејсбук профил.

https://faktor.mk/vo-chair-pozadi-poliklinika-bit-pazar-kje-nikne-katna-garaza---vesta-od-vladata-prv-ja-spodeli-grubi

3Д презентации, а пари од каде…?! – Кој го зема „бајракот“ за катната гаража во Чаир!?



https://mk.tv21.tv/3d-prezentatsii-a-pari-od-kade-koj-go-zema-bajrakot-za-katnata-garazha-vo-chair/

Владата во јануари одлучи да се отуѓат три помали парцели државно земјиште зад Поликлиниката Бит Пазар и да ѝ се дадат на Општина Чаир која треба да ги продаде на јавна аукција. Целта е на местото да се изгради катна гаража.



https://www.facebook.com/prizma.mk

Излгед и локации на планирани катни гаражи









https://visarganiu.mk/etc/bdi-brochure-digital-mk.pdf

ОПШТИНАТА ЧАИР ОБЈАВИ ШТО ПОТПИШАЛА СО ПАЦОЛИ Еве како ќе се потрошат 80 милиони евра ФОТО

Пред еден месец, првиот човек на Општина Чаир, Висар Ганиу потпиша договор за стратешка инвестиција во Чаир со сопственикот на глобалната компанија МАБЕТЕКС, Беџет Пацоли. Овој договор и Ганиу и Пацоли го сметаа за историско поглавје за Општина Чаир, бидејќи се отвори патот за стратешка и многу важна инвестиција, изградба на катни гаражи и подземни гаражи на неколку локации на Општина Чаир, но не само тоа, велат од Општината Чаир.

„Оваа инвестиција со вредност од 80 милиони евра се нарекува стратешка инвестиција бидејќи ќе го спроведе концептот на зелена општина, ќе отвори нови работни места, ќе ја ревитализира Чаршијата и ќе ги олесни главните артерии на движење на Чаир. Ова е еден од нај гигантските проекти потпишан од Општина Чаир. Од овој проект за стратешка инвестиција, буџетот на Општина Чаир исто така ќе има директни придобивки со наплата на над 4.000.000 евра општински даноци, кои ќе бидат наменети за нови капитални инвестиции во Општина Чаир“, информира актуелната локална власт која денеска во детали го објави договореното со Пацоли.

Така предвидена е изградба на подземен паркинг на плоштадот Скендербег кој ќе има 369 паркинг места на површина од 14.000 м2 и во вредност од 23.370.000 евра, катни гаражи, изградба на голем базен кај поранешниот базен во Општина Чаир, нов спортски комплекс на улицата „Џон Кенеди“ кај салата Партизан.

Исто така, ќе се изгради читална кај ООУ Исмаил Ќемали, инвестиција која ќе достигне вредност од 2.000.000 евра.

Гаранцијата за овие гаражи и рекреативно-едукативни комплекси е во рацете на глобалната компанија Мабетекс, која досега го реализирала секој договор со голема сериозност, на време, без никакво одлагање и на високо ниво на квалитет, велат од општината Чаир.

https://plusinfo.mk/opshtinata-chair-ob-avi-shto-potpishala-so-pacoli-eve-kako-e-se-potroshat-80-milioni-evra-foto/

Со монтажни паркиралишта ќе се ослободуваат улиците во Чаир



НА ПОВИДОК РЕШЕНИЕ ЗА ПРОБЛЕМОТ СО ПАРКИНГ-ПРОСТОР ЗА ЧАИРЧАНИ

Една од општините каде што има најголем проблем со паркинг-простор за жителите е општината Чаир, каде што жителите, од немај-каде, паркираат каде што ќе стигнат. Како последица на тоа, пешаците го изгубија својот простор како учесници во сообраќајот каде што ќе се движат, поради тоа што тротоарите се преполни со возила, а автомобилите се паркираат дури и по должината на самите улици, па возењето и по коловозите во оваа општина станува „слалом-вештина“. Таква е ситуацијата на повеќе места во Чаир, независно дали станува збор за делот околу паркот, во делот на „Чаирчанка“, „Чаирче“ и Топанско Поле.

ХАОТИЧНО ПАРКИРАНИ ВОЗИЛА ПРАВАТ НЕРЕД ВО СООБРАЌАЈОТ

Чаирчани мака мачат со паркинг-простор. Ова е најпростата реченица што може да се употреби за оваа скопска општина.
Жителите велат дека решение за ова мора да се најде, бидејќи на големо се урбанизира општината, а капацитетите за паркирање се исти и повеќе од дваесетина години.
– Јас сум жител на улицата Серава во близината на Поштата во Чаир. Порано тука имаше само куќи, но сега на големо се изградени згради со повеќе од 50 стана. Капацитет за паркирање нема. Не можам да ви опишам кој хаос е од возила. Улицата е мала и тесна, постојните згради се доградени, а поголемиот дел од куќите се срушени и на нивно место има згради. Пресметајте сега, ако целата улица ни била со неколку згради од по шест стана, сега на тие места има огромни објекти со повеќе од 50 фамилии. Ако во секоја фамилија има по две возила, тоа е вистински хаос. Ниту има пешаци каде да поминат, ниту возила да се разминат, за велосипедисти и мали деца не може ни да стане збор. Заглавени сме во ќор-сокак. И да сакаме да се направи паркинг, тоа е невозможно бидејќи нема каде да се паркира – вели Зоран Богоевски, жител на оваа општина.
Ништо подобро не е ниту во „Чаирчанка“, каде што се лоцирани многу дуќанчиња и продавници. И тука секој паркира каде што ќе стигне, а токму тоа е и најголемиот проблем.
– Нема шанси со велосипед да сте безбедни тука. Нема теорија. Не сте безбедни ниту како пешак ниту како велосипедист. На главните улици нема велосипедски патеки, а и да има се корнат заштитните столпчиња за возилата да имаат место да паркираат. Нема велосипедска патека, а и покрај тоа што тротоарите ни се големи и поделени за велосипеди и пешаци, на нив има само паркирани возила. За тоа мора да се изнајде решение, не знам на кој начин надлежните ќе го решат проблемот, но веќе решение мора да се најде – вели Суат Адеми.

ВЕРОДОСТОЈНИ ИНФОРМАЦИИ ОД УВИДОТ НА ТЕРЕН, А ПОТОА ИНСТАНТ РЕАКЦИЈА ОД НАДЛЕЖНИТЕ

Со цел да се изнајде решение за овој проблем, кој многу години ги мачи чаирчани, градоначалничката на Град Скопје изврши увид на терен.
Таа заедно со директорот на јавното претпријатие „Градски паркинг“, Бојан Христовски, изврши увид на терен за започнување изградба на нови монтажни паркиралишта на неколку локации во општината.
– Се изврши увид на терен за започнување изградба на нови монтажни катни паркиралишта на неколку локации, од кои една до ТЦ „Чаирчанка“, на улицата Цветан Димов, во општината Чаир. Планирани се нови монтажни катни паркиралишта на неколку локации во Скопје, меѓу кои е и паркингот до трговскиот центар „Чаирчанка“. Станува збор за простор на кој се планира да се изгради монтажно паркиралиште за да се зголеми бројот на паркинг-места во овој дел на градот. Со изградбата и дополнителното овозможување простор за нови паркинг-места ќе се решат долгогодишните проблеми со паркирањето во овој дел од градот – информираа градските власти.

https://www.novamakedonija.com.mk/makedonija/skopje/so-montazhni-parkiralishta-kje-se-osloboduvaat-ulicite-vo-chair/

Edited by stef4o - 23-Feb-2022 at 10:12