Лидл маркети

Ако Лидл дојде кај нас тоа ќе значи изчезнување на Гранапи,Тинекси,Жита,Стокомаки,Рептили...Рамстор,Веро и КАМ може ќе опстојат...

Т.е повеќе губиток на работни места, башка локална производња.

Граѓаните не мора повеќе да одат во Врање – ЛИДЛ ДОАЃА ВО МАКЕДОНИЈА

Според описот на нивните надлежности и ограничувања, „Лидл“ планира да вложи над 10 милиони евра во продавница и да купи земјиште поголемо од 10.000 квадратни метри.

https://vecer.mk/makedonija/lidl-makedonija/

Држава ХОТЕЛСКА СОБА! Спиење, и по нешто во мини-бар да се касне, и да се иде во тоалет, и за гледање тв за краток одмор. Толку! Се останато, важно, интересно, паметно, доходовно, се случува тамо некаде во некоја друга голема сала, во некое лоби, во Германија, во Франција и околината. И тоа не сме ние единствени овакви, многу држави во спални соби се претворија.

Секако дека домашните компании, а индиректно и државата нема да имаат некоја корист од оваа продавница, бидејќи македонски производи ќе има доста помалку, отколку во другите маркети, па профитот ќе оди кај Германците и дел кај бугарската филијала. Но од друга страна, ќе има промена и тоа позитивна, разнобразие од производи и квалитет, новитети што ги немало до сега. Освен тоа, овие имаат стандарди, верувам дека ќе обезбедат простран и пристапен паркинг, да може човек на раат да пазарува. Од друга страна нашиве транзициски деспоти и милијарда профит да имаат, душата нема да им даде да направат нешто повеќе, нешто од кое немаат директна корист, а општествено одговорни се само кога им треба евтина реклама.

Дали по осум години „McDonald’s“ се враќа во Македонија?

Промените не стивнуваат и во периоди на пандемија, а македонскиот пазар станува атрактивна локација за нови инвестиции. По цели 8 години, интернационалиот гигант за брза храна „McDonald’s“, кој без престан работи на експанзија во речиси сите држави, доаѓа и кај нас, дознава Фактор.

Иако постојано се отвораат нови оператори за брза храна, сепак за многумина уживатели на брза храна „McDonald’s“ е омилено место.

Цените и куповната моќ се едни од главните индикатори за одредена експанзија и влез на одредени брендови. Имајќи предвид дека 2021 година навестува динамични промени, како отворање на најголемиот трговски центар, се чини дека за американскиот гигант нашата држава претставува соодветно место за експанзија.

https://faktor.mk/dali-po-osum-godini-mcdonalds-se-vrakja-vo-makedonija

Лидл“ ќе инвестира 300 милиони евра и ќе отвори маркети во осум градови во земјава

Германскиот ланец маркети „Лидл“ во земјава ќе инвестира 300 милиони евра , информирa премиерот Зоран Заев, претставувајќи го Интервентниот план за инвестиции.

-„Лидл“ ќе вложи 300 милиони евра во Скопје и ќе отвори и неколку маркети во Скопје и уште во седум други градови. „Лидл“ ќе има обврска да откупува земјоделски и кондиторски производи, и да ги продава во своите ланци низ Југоисточна Европа – рече Заев.

Вкупната вредност на Интервентниот план за инвестиции ИПИ 2021-2027 изнесува повеќе од осум милијарди евра, порача премиерот Зоран Заев при денешната презентација во Владата.

Најголем дел од нив, како што кажа, се приватни инвестиции или грант донации од ЕУ, концесии, јавни приватни партнерства, или се заедно вкупно 4,2 милијарди евра. За следните пет години најави голем број на инвестиции во ски-центри, енергетиката, патната, железничката и гасната инфраструктура, капацитети за преработка на отпад, како и најмалку 30 странски инвестиции во вредност од 654 милиони евра во блиска иднина на повеќе локации во земјава со голем број нови работни места.

Наши државни пари од сопствен буџет, а дел од кредитните линии коишто се потпишани се повеќе од 3,8 милијарди евра, што значи заедно надминуваме осум милијарди евра инвестиции – прецизира Заев.

За ефикасна реализација на ИПИ 2021-2027, како што кажа, ќе биде формирана и единица за следење на инвестициите која ќе претставува координативна група од јавниот и приватниот сектор и ќе биде одговорна за раководење со процедурите за справување на Интервентниот план за јавни и приватни инвестиции.

Силно верувам, посочи премиерот, дека здравствената криза одминува и дека само со работа, искрени намери и труд, ќе има подобри услови и постојано подобрување на животниот стандард за сите македонски граѓани.

– Владата е тука да даде мотив и поддршка за економска стабилност, за раст и развој на нашата држава, за мирен и стабилен живот на нашиот народ. Сето ова е комплетно комплементарно поклопено со сите наши фискални стратегии и стратегии за економски раст и развој. Верувам дека ќе може да го смени севкупниот имиџ и да го подигне економскиот стандард на граѓаните, БДП и севкупниот извоз – потенцира Заев.

https://plusinfo.mk/lidl-e-investira-300-milioni-evra-i-e-otvori-marketi-vo-osum-gradovi-vo-zem-ava/

Овој народ уште барата низ општеството со термини како "гарантиран откуп", "државата да откупи", "плата по системазација", "имам право на ..... (you name it)". И затоа, пошто такви му се очекувањата, нормално дека и со такви методи е манипулиран.

Лидл нити ќе има обврска, нити па ќе откупува нешто по цена различна од тоа што му се исплати и е насекаде низ свет. Нека не се надеваат на никакви гаранции од Лидл него нека поработат малку на актуелните трендови у земјоделство, и во производи, во квалитет, во технологии. Може да се удараат у гради дека само у Македонија имало незнам каков-си розев патлиџан, ама додека не разберат дека светот тоа не јаде, многу времеќе помине. А да не збориме за тоа дека не се приближно до стандарди за големини, пакувања, ладен-ланец, чување и слично. И сега ќе дошол Лидл и ќе морал да откупува, какво-такво. Тоа само апасиев може да поверува и да пласира такви глупости.

Edited by user8642 - 30-May-2021 at 11:48

има ли нови информации?

Originally posted by mirakuliks Освен тоа се што ќе откупи Лидл ако знае дека нема да може да го продаде во Македонија сигурно ќе го пласира како производ во супермаркетите во соседните држави, некогаш дури и пошироко во европа. Кој пазарел по лидл и алди сигурно забележал дека има продукти од сите земји каде ланецот има маркети.

Минорно...95% од асортиманот во Лидл и Алди е германски и домашен...чат пат на одредени периоди има грчка, шпанска, американска, француска недела.
Барем колку што знам во Британија и Германија е така.

ВЕЌЕ СЕ ВРАБОТИЛЕ 80 ЛИЦА „Лидл“ наскоро ќе го отвори првиот објект во Македонија

Премиерот Димитар Ковачевски и вицепремиерот за економски прашања Фатмир Битиќи денеска се сретнаа со претставници на познатиот меѓународен малопродажен синџир „Лидл” – како од Националниот тим, така и со претставници на Меѓународниот управен одбор.

На средбата, премиерот Ковачевски изрази задоволство што „Лидл” интензивно работи на подготовките за отпочнување ефективна работа во нашата земја и веќе има вработено 80 лица, а оваа бројка дополнително ќе расте, посочувајќи дека нашата земја има поволни услови за инвестиции и ова, како што рече, е пример што треба да го следат и други странски компании.

Лидл” веќе има идентификувано потенцијална локација за својот логистички центар, на земјиште кое е околу 200.000 м2 и се наоѓа во Општина Куманово. Инвестицијата само во логистичкиот центар е околу 80 милиони евра и вклучува намера да се обезбедат повеќе од 150 вработувања.

Во оваа фаза на подготовка, „Лидл” веќе истражува различни начини за поддршка на локалните производители. Компанијата организираше извоз на македонски земјоделски производи во мрежата „Лидл” во соседните земји. И ова е само еден пример од целокупното партнерство на „Лидл” со добавувачите и производителите кое е насочено кон докажување на секојдневната поддршка и соработка како доверлив партнер во бизнисот.

https://plusinfo.mk/ve-e-se-vrabotsile-80-lica-lidl-naskoro-e-zapochne-so-efektivna-rabota-vo-makedoni-a/