Индустриски објекти и зони (општо)

Би требало да е ова:
https://izvoz.mk/%D0%BA%D0%BE%D0%BC%D0%BF%D0%B0%D0%BD%D0%B8%D1%98%D0%B0%D1%82%D0%B0-%D0%B4%D0%B5%D0%BD%D0%B8-%D0%B8%D0%BD%D1%82%D0%B5%D1%80%D0%BD%D0%B0%D1%86%D0%B8%D0%BE%D0%BD%D0%B0%D0%BB-%D0%B3/

ОПШТИНА ВЕЛЕС НЕ СЕ СОГЛАСУВА СО ИЗГРАДБА НА ЦЕМЕНТАРНИЦА ВО КРУГОТ НА ФАБРИКА ЗА ВАР СРЕДЕ ГРАД

Општина Велес е против продолжување на постапката за изградба на цементарница во приградската населба Превалец, со барање да се предложи друга локација која ќе биде соодветна и безбедна за животната средина и здравјето на луѓето. Ова е одговорот од локалната власт до Министерството за животна средина, а по најавата за изградба на цементарница во кругот на каменоломот и фабриката за вар во населбата Превалец.

„Сметаме дека локацијата на инсталацијата не ги дозволува предложените активности затоа што цементарниците припаѓаат на класа на намена Тешка градежна индустрија и производство на неметали. Населбата Превалец не е дел од Генералниот урбанистички план (ГУП) на град Велес и моментално населбата не е покриена со важечка урбанистичка планска документација. Во отсуство на планска документација за предметната локација, добивањето на Одобрение за градење е невозможно. Инвеститорот пред да ја купи инсталацијата требало да се консултира со Општина Велес, но тој побара средба откако ја купил фабриката“ изјави градоначалникот Аце Коцевски.

Тој одржал средба со новиот сопственик на инсталацијата, кој изјавил дека во моментот се води постапка на пренесување на сопственоста. На средбата била претставена намерата за нова инвестиција – цементарница која треба да се изгради во кругот на каменолом во населба Превалец, инвестиција од 300 илјади долари и вработување на 300 лица.

„Во известувањето за намера треба задолжително да биде наведен и предложениот капацитет или големина на проектот, кој отсуствува, а е клучен при определување на обемот на оцена на влијанието врз животната средина. Во известувањето не е наведено дали се предвидени алтернативни локации кои би биле земени во предвид, доколку оваа локација се покаже како несоодветна за изградба на цементарница“, пишува во мислењето на Општина Велес испратено до Министерството за животна средина.

Од локалната власт предупредуваат дека во производниот процес на цементарницата ќе се создаваат емисии на прашина, јаглероден диоксид и гасови при согорување на фосилните горива. Посочуваат дека индустријата за цемент е втор по големина емитер на јаглерод диоксид, а емисијата на азотен оксид е значајна во ова производство.

„Понудената локација заради кумулативниот ефект на загадувачки материи од постоечкиот каменолом, не може да издржи дополнително оптоварување на животната средина. Особено загрижува податокот дека процесот ослободува диоксини и фурани кои во нашата држава не се мерат, па цементарниците од овој вид мораат да ангажираат акредитирани лаборатории од странство, а кои СЗО ги класифицира како можен карценоген за луѓето, кои предизвикуваат имунолошки и ендокрини проблеми и влијаат врз здравјето на луѓето“, кажа Коцевски.

Од Општина Велес стравуваат дека оваа инвестиција може да предизвика и обратен ефект на иселување на младите и родителите со мали деца, на кои им е премногу тешко да живеат во близина на постојната инсталација – каменоломот.

„Добро за сите нас да се инвестира во Велес, но на безбедна локација, со современи технологии што нема да го загрозуваат здравјето на луѓето, животната средина и природата. Затоа што, поучени од лошите искуства од тридецениското опасно загадување од поранешна Топилница, никаков профит, никаков економски интерес не може и не смее да биде поважен од здравјето на луѓето“, кажа Коцевски.

Против намерата да се гради цементарница во Превалеци се и еколошките здруженија од Велес. Со ова негативно мислење на Општина Велес, не завршува постапката за изградба на цементарница. Министерството за животна средина продолжува со следните чекори, предвидени согласно Законот.

https://sdk.mk/index.php/dopisna-mrezha/opshtina-veles-ne-se-soglasuva-so-izgradba-na-tsementarnitsa-na-mestoto-od-kamenolomot-i-varnitsata-vo-prevalets/

СИТЕ 13 СЛОБОДНИ ЗОНИ ВО ЗЕМЈАВА СЕ ИСКОРИСТЕНИ САМО 29 ОТСТО - државата нема да отвора нови, прво да се „наполнат“ постојните

Технолошко индустриската развојна зона Скопје 1, односно онаа во Бунарџик, има површина од 140 хектари, од кои корисна површина е 71 отсто. Површина издадена под закуп е 49 процентио, а процентот на искористеност е само 20 отсто.

Додека, пак, слободната зона Скопје 2, има површина од 97 хектари, од кои корисна површина е 63 отсто, додека, пакл, од неа, издадени под закуп се 67 проценти. Процентот на искористенот е 34 отсто.

Ова го покажува, мнеѓу другото, студијата што ја изработи Дирекцијата за ТИРЗ, за ефектите на дел од мерките за поттикнување на странски инвестиции.

Зоната во Штип има 205 хектари, и корисна површина од 66 отсто, а издадена под закуп е само 11 проценти. Од нив, пак, процентот на искористеност е само 28 отсто.

Всушност, оваа студија покажа дека во 13 те зони кои постојат на територијата на државава, многу од просторот внатре е неискористен.

Активни се само седум зони, и тоа Скопје 1 и 2, Штип, Тетово, каде концесионер е Нормак, потоа Прилеп, Кичево, Струга и Струмица, додека неактивни се шест зонио, и тоа Гевгелија, Виница, Берово, Делчево, Ранковце и Радовиш.

Вкупната површина на сите овие 13 зони е 826 хектари, од кои корисна површина е 66 отсто. Издадена површина под закуп е 31 отсто, а процентот на искористеност е 29 отсто.

Тоа на државата и дава за право се повеќе да биде склона кон опцијата да не брза со отворање на нови зони, туку да се труди како да се искористи потенцијалот што постои внатре во зоните, а кој сега буквално зјае празен и неискористен.

Ова го потврдува и првиот човек на Дирекцијата за ТИРЗ, Јово Деспотовски.

„Од она што ни го покажа анализата, имаме доста голем потенцијал неискористен. Тоа значи дека и во оние зони, каде што на хартија имаме закупено голем процент од слободните парцели, а во рамки на самите парцели, искористеноста на парцелите е мала. Секој оној кој што има било каква допирна точчка со бизнисот во градежништвото, знае дека тоа е трошок. Значи, во нашава ситуација очигледно имаме доста голем број на парцели кои што се веќе дадени на користење, но не се доволно искористени. Наша цел ќе биде, согласно деловните планови кои компаниите ги имаат доставено, да следиме како тој капацитет ќе се реализира до крај. Доколку не се искористи целиот потенција, на крајот на денот тоа е ресурс со кој располага државата. Репарцијализирањето е секогаш опција. Тоа значи дека нема да влегуваме постојано во отворање на нови и нови зони, туку, ајде да видиме, тоа што веќе постои, каде што веќе имаме фрлено пари за вложување во инфраструктура, да можеме диополнително да го искористиме, плус да го извадиме максималниот приход од тоа што е веќе напаравено“, рече Јово Деспотовски, директор на Дирекцијата за ТИРЗ.

Оваа студија, и даде неколку насоки на Дирекцијата за ТИРЗ, меѓу кои и таа дека треба да се искористи потенцијалот на постоечките зони. Односно, пристапот за привлекување на нови ДСИ треба да се осврне на вистинската потреба на корисникот и потенцијалот за разој, и на тој начин ТИРЗ да обезбеди адекватна распределба во согласност со планираниот развој на зоните, како и самата локација во зоната. Со ваков пристап, зоните може да обезбедат површина за поголем број на корисници на веќе изградената инфраструктура.

Втора насока е развојот на ТИРЗ на целата територија на земјава да се реализира во фази кои треба да бидат организирани во согласност со постоечка патна инфраструктура, за да се обезбеди брз транспорт на луѓе и стоки. Со ваков пристап, ТИРЗ ќе има системски пристап за издавање земја под закуп, мал процент на слободна земја, како и котролирани вложувања во инфраструктура.

Врз основа на искуствата во ТИРЗ и останатите слободни економски зони во регионот и пошироко, политиката на привлекување нови корисници треба да се надополни во корист на поголема јавна корист и тоа развој на дел од работната сила која се соочува со стагнација во личниот и професионален напредок во преработувачката индустрија и компатибилни со неа, паради неконкурентност на пазарот на труд; како и политика за развој на трговија во ТИРЗ помеѓу корисниците преку принципот за намалување на транспортни трошоци, конзистентност и навремена достава на стоки и услуги.

Исто така, како една од насоките што е наведена во студијата, е механизам за елиминација, односно предвремено раскинување на договорите за закуп и останатите субвенции во случај на неисполнување на целите предвидени со државната стратегијата за економски развој и раст.

А, како следни чекори, за кои веќе објави Фактор, се наведуваат креирање механизам за поттикнување на поголем искористеност на зоните надвор од Скопје; паметно вложување во инфраструктурата; како и поттикнување рамномерен развој, односно бенефит за сите граѓани.

https://faktor.mk/site-13-slobodni-zoni-vo-zemjava-se-iskoristeni-samo-29-otsto---drzavata-nema-da-otvora-novi-prvo-da-se-napolnat-postojnite-

INDUSTRIAL HALL
Location: Skopje, North Macedonia
Architects:Pro-Engineering, Tetovo
Year: 2021







https://www.facebook.com/proengineering.mk/

Originally posted by stef4o ... Иако парцелите во скопскиот регион се 10 пати поскапи од тие во внатрешноста, а се добиваат и дополнителни поволности, странските инвеститори се одлучуваат за нив, поради близината на главниот град, аеродромот и автопатот....

Еве го одговорот, уште во третата реченица. Значи треба да направиме инфраструктура, јер без инфраструктура ништо од инвестиции. Влечкањето ништо не ни носи. По кој пат треба истото да го констатираме!?

Jovan Despotovski e eden od retkite kadri na ovaa vlada sto vredi,samo ne mi e jasno kako Mizo ke go uci koga tokmu toj mizo privlekuvase investitori so dojdete vo Makedonija ima evtina rabotna sila skoro pa dzabe..

https://www.facebook.com/MinisterKreshnikBekteshi

Veles Municipality
Coming Soon…
GAN LOGISTIC









https://www.facebook.com/nbcompany.mk/videos/1139191476840613

Dali nekoj ima info za aktivnostite vo industriskata zona ili dry dock najaven kako strateska investicija vo blizina na Negotino?