Експресен пат Градско - Прилеп

Аха, во ред. Благодарам за појаснувањето.

Викендов поминав оттука, забележливи беа знаци на работа, меѓутоа, немав впечаток дека се работи со големи размери.

Две-три фотки во возење:

Почнува втората фаза од изградбата на експресниот пат Градско – Прилеп

Втората фаза на експресниот пат Градско – Прилеп почнува денеска со изградба на делницата Градско – Дреново во должина од 16 километри.

Станува збор за проект вреден 23 милиони евра што ќе трае две години.

Изведувач е италијанската компанија Тирена Скави.

Почетокот на втората фаза ќе го означат премиерот Зоран Заев и министерот за транспорт и врски Горан Сугарески.

https://civilmedia.mk/potchnuva-vtorata-faza-od-izgradbata-na-ksprsniot-pat-gradsko-prilp/

Реално со завршувањето на добата на вмровците, Штип повторно ќе се врати на старото место што го заслужува. Регионален центар во Источна Македонија, а не втор најважен град во државата. Не дека Битола е нешто посебна, но за време на претходната власт буквално сите факултети и инвестиции од други сфери беа пренасочени кон Штип, Штип и Штип. Денес Битола не ни има студенти, особено не од други градови.

Јасна ни е причината зошто се изгради автопат до Штип, иако нема никаква смисла.

не знам зошто таа негативна енергија према Миладиновци Штип... веројатно политички причини, се друго нема смисла

Originally posted by daci92 Миладиновци - Штип јас го гледам како одлично решение

daci, не спорам дека Штип требаше автопатски да се поврзе со коридорот 10. Но тоа можеше многу поевтино, и од многу аспекти подобро да се направи кај Отовица, односно Велес. Растојанието Скопје - Штип ќе беше само маргинално поголемо од ова што се реализираше преку Миладиновци (околу 5 километри), а единствено посериозно во километража ќе загубеше Св. Николе, релативно мало место кое сепак ќе имаше одлична врска со остатокот од државата преку автопатот Велес - Штип. Но од друга страна, со Велес како логична сообраќајна крстосница, многу други поврзувања ќе станеа поповолни.

Исто така многу важно е што заштедата ќе беше голема, затоа што ќе беше потребно да се изградат помалку километри автопат и немаше да има ридско-планински делници како што има на значителен дел од автопатот Миладиновци - Штип. Со 206 милиони евра за трасата преку Миладиновци, која поскапе за дополнителни 20 милиони, стигнуваме до замашна сума. Автопат од Отовица до Три Чешми би можел да заштеди сигурно над 100 милиони евра. Додај ги тука и оние 15 милиони евра со кои се надгради стариот пат Велес - Кадрифаково, проект кој во овој случај ќе беше непотребен, доаѓаме до заштедена сума од отприлика 130-140 милиони евра кои ќе можеа да се насочат кон изградба на автопат Велес - Прилеп преку Бабуна.



Мојата поента се сведува на тоа дека пакетот:

- автопат Велес - Штип
- автопат Велес - Прилеп

е далеку подобар и пологичен од пакетот:

- автопат Миладиновци - Штип
- квази-експресен пат Велес - Кадрифаково
- квази-експресен пат Градско - Прилеп




Вториот пакет е поинфериорен дури и ако првиот пакет среднорочно наместо автопат имаше „полуавтопат“ Велес - Прилеп. Затоа што дури и полувтопат преку Бабуна со лента за искачување/претркување е неспоредливо подобро отколку неартикулиран, наводно експресен пат преку Плетвар:

- Со последната усвоена траса преку Присад, патот Велес - Прилеп се крати за 25 километри во однос на опцијата преку Плетвар!
- Полуавтопат би имал далеку подобри технички карактеристики отколку патот преку Плетвар, благи кривини по автопатски стандарди, и слично. Резултатот би бил дополнително кратење на времето за патување и поголема безбедност.
- Патот преку Плетвар, со исклучок на две клучки кои треба да се изградат допрва, има безброј вкрстувања на ниво.
- Полуавтопат може да се надгради во автопат со изградба на втор коловоз, за разлика од патот преку Плетвар.

Originally posted by daci92 Градско - Прилеп е солидно привремено решение

За жал не е привремено решение, ние веќе 15 години се занимаваме со фазна надградба на патот преку Плетвар и сеуште не се гледа крајот, за 2 делници допрва ќе следат тендери, којзнае кога ќе се објават, којзнае кога ќе заврши изградбата. А еве го цехот:

Градско - Дреново (во тек)
23 милиони евра

Дреново - Фариш (во тек)
31,8 милиони евра

Прилеп - Ленишка река + Беловодица - Каменолом (допрва)
5 милиони евра

Изградба на 3-та лента на околу 20 километри во изминативе речиси 15 години
веројатно 10-тина милиони евра


Вкупно околу 70 милиони евра!

Дали пат со такви технички карактеристики оправдува толкава инвестиција, или ќе беше попаметно овие средства да се насочат кон изградба на автопат преку Бабуна? Ако овие 70 милиони се додадат на оние 130-140 милиони заштеда со врзување на Штип преку Велес, веројатно доаѓаме блиску до заокружување на финансиска конструкција за автопат преку Бабуна, а камо ли за полуавтопат.

Originally posted by daci92 иако патот преку Бабуна требаше прв да се прави а подоцна овој да се среди ,но на долг рок за оние кој би патувале од Охрид, Ресен, Битола, Прилеп и останатите кон Источна Македонија , Западно-Јужна Бугарија е солидно решение да стане експресен, само ако се реши и делот околу Плетвар кој гледам дека немаат некој големи идеи за инвестиции. Токму денес го возев овој пат два пати и напорен е со кривините и брзините, а особено со окупираноста од камиони кој нема како да ги преминеш, а често возат прилично споро.

Се огласувам требаше приоритет да се даде на врската преку Бабуна, а потоа требаше да се средува Плетвар, но наместо од Дреново кон Градско, да се инвестира од Дреново кон А1 кај Неготино (со обиколници на Кавадарци и Неготино). Затоа што со Бабуна ќе беа решени многу подобро сите дестинации кои сега поминуваат на релација Дреново - Градско, а она што ќе преостнеше е подобро врзување со јужна и југоисточна Македонија, како и врзување со оној патот што оди од кај Криволак накај Радовиш.

Затоа сум и изиритиран од оваа директна делница Градско - Дреново што сега почна да се гради, бидејќи при изградба на пат преку Бабуна, оваа останува во тотален офсајд, практично никој нема да ја користи.

Мислам дека е направена голема утка, како во изборот на трасите и делниците, така и со изумот на овие наши квази-експресни патишта, со чуден профил и без јасна намена и цел. Овие „експресни“ патишта не се ни меѓусебно стандардизирани, на пример Штип - Кочани ќе биде полуавтопат, што е за поздравување, но Дреново - Раец и Велес - Кадрифаково не се. Вториот е барем денивелиран, а третиот не е, па дури поминува и низ населени места. Оди најди им НЗС...




Edited by Cloverstack - 16-May-2018 at 04:31

Originally posted by A1ON https://a1on.mk/archives/895595

Originally posted by Cloverstack Ја разгледав стратегијата, (авто)патот Велес - Прилеп преку Бабуна никаде не се спомнува.

Влегувам тотално без конкретни податоци за овој проект, но ме интересира поволноста што би ја донел овој автопат во иднина. Знам дека се работи за траса на Коридорот 10д, но не ми е јасно до кој степен Грција го има изградено својот дел од Меџитлија до јонското крајбрежје. Исто така, не ми е јасно дали постои некое поголемо пристаниште што би генерирало поголема бројка на сообраќај кон него.

Ќе се ревидира проектот за патот Велес-Прилеп, преку Бабуна

Министерот за транспорт и врски Горан Сугарески, денеска во Велес, одговарајќи на новинарски прашање за патот од Велес за Прилеп, преку Бабуна, рече дека Владата сериозно размислува за тој проект.

– Меѓутоа, пред да ја донесеме конечната одлука овој проект мора целосно да се ревидира за да можеме да аплицираме за средства, бидејќи станува збор за исклучително скап проект, а тоа мора да се каже јавно. Ние ги разгледуваме сите програми што ЈП за Државни патишта ги прави и во програма ги внесуваме дополнително оние патишта што треба да ги прават, за што сметаме дека треба да бидат рехабилитирани и реконструирани или да се прават нови. Во делот на субвенционирањето на ова, претходно треба да се направат анализи се’ со цел да не даваме паушални анализи, дали тоа може или не може – појасни министерот Сугарески.

https://plusinfo.mk/%D1%9C%D0%B5-%D1%81%D0%B5-%D1%80%D0%B5%D0%B2%D0%B8%D0%B4%D0%B8%D1%80%D0%B0-%D0%BF%D1%80%D0%BE%D0%B5%D0%BA%D1%82%D0%BE%D1%82-%D0%B7%D0%B0-%D0%BF%D0%B0%D1%82%D0%BE%D1%82-%D0%B2%D0%B5%D0%BB%D0%B5/

Originally posted by BOJAN Влегувам тотално без конкретни податоци за овој проект, но ме интересира поволноста што би ја донел овој автопат во иднина. Знам дека се работи за траса на Коридорот 10д, но не ми е јасно до кој степен Грција го има изградено својот дел од Меџитлија до јонското крајбрежје. Исто така, не ми е јасно дали постои некое поголемо пристаниште што би генерирало поголема бројка на сообраќај кон него.