Прилеп и Битола

На продажба нови парцели во прилепската типска населба ,,Градина,,

Општина Прилеп со најновата објава нуди на продажба нови парцели во новопроектираната типска населба ,,Градина,, која ќе се гради во Прилеп на просторот на поранешните оранжерии. Станува збор за населба која се планира да има околу 13.000 жители и во која предвидени се 364 парцели за индивидуални куќи и 24 за станбени згради, градинка, училиште, спортски комплекс, трговски комплекси.

Парцелите се со големина од 300 до 600 м2 а куќите ќе имаат приземје, два ката и поткровје, вели Градоначалникот Марјан Ристески:
-Имаме направено една математика дека доколку платат комуналии, со купената локација и цената за изградба на куќата таа ќе ги чини меѓу 30.000 и 35.000 евра колку чини еден половен двособен стан во центарот на градот. Тоа значи дека многу евтини куќи кои нногу ќе значат во решавањето на прашањето за простор за живеење за младите брачни парови и многудетните семејства.

Продажбата на парцелите ќе оди по модули, а очекувањата се до крајот на годинава да бидат продадени третина од сите парцели , вели раководителот на комисијата за електронско наддавање Менде Зајкоски:
- На продажба се 5 парцели. Пријавувањето трае до 28-ми, а јавното наддавање ќе се одржи на 31-ви јануари. Почетната цена е 60 денари за м2 со чекор од 10 денари за секое наддавање.

Минатата година за првите 14 парцели, за кои почетната цена на елетронската аукција беше 1-о евро за м2, Општината инкасира 7,2 милиони денари или 117.591 евро, а од продажбата на 21 парецела во индустриската зона Прилеп 1 во касата на Општината се слеаа над 300.000 илјади евра, и 177.000 евра од продажба на една голема и една помала парцела во населбата Ѓогдере на кои ќе се градат мал деловен објект и станбено деловен објект на 9 ката во рамки на владиниот проект ,,Купи куќа купи-стан,,.

http://www.kanal77.com.mk/mk/vesti/ekonomija/item/1690-na-proda%D0%B7ba-novi-parceli-vo-prilepskata-tipska-naselba-,,gradina,,