Квалитет на воздухот во Скопје |
Post Reply | Page <1 1112131415 41> |
Author | ||
redsonja
Newbiе Joined: 24-Nov-2009 Location: tuka nekade Online Status: Offline Posts: 0 |
Quote Reply #241 Posted: 27-Dec-2012 at 11:05 | |
Денеска има марш против аерозагадувањето. Дојдете во што поголем број. Овој пат, за животот се работи.
НОВА ТУРА ПРЕKУМЕРНО АЕРОЗАГАДУВАЊЕ Градовите дишат на жабри Соња Христовска Чад, прав, мирис на изгорено, магла, слаба видливост, загриженост. Печат очите, гребе грлото, срцето стега. Надвор е кисело, горчливо и тажно. - Тешко дишам. Штом ќе излезам надвор миризбата на чадот ме заплиснува и почнува да ми се лоши. Воздухот е толку загаден што и очите ме печат. Дома не сме проветриле со денови зашто ако отвориме прозорец, и внатре ќе засмрди. Ужасно е - вели скопјанката Стефанија Миовска, која деновиве ја дели судбината на половина милион скопјани и стотици илјади жители на другите градови. Граѓаните коментираат дека здравјето им се влошува, дека тераат едноподруго настинки и не можат да оздрават. Kонцентрацијата и расположението им се намалени, ги мачат главоболки. Животот им го нема вообичаениот тек зашто многумина си го ограничуваат движењето надвор. Децата ги нема на игралиштата, рекреативците ги напуштија патеките. Прашање е кога ќе почнеме да се гледаме низ маски преку носевите зашто Македонија се задушува. Илјадарката како добро утро Во актуелново опасно аерозагадување дишеме воздух кој во себе има количество на ситни лебдечки честички во количина 200 пати повисока од максимално дозволената. Во Тетово, Битола, Kочани и во Скопје во последните 48 часа концентрацијата на ПМ10 повторно достигна 1.000 микрограми на кубен метар воздух, а дозволено е 50. Сто пати позагаден воздух дишат во Kичево и во Велес, а станиците во Kавадарци и во Kуманово сè уште не се во функција. - Kонцентрациите се многу високи. Не е добро - велат лекарите. Надминувања на дневната концентрација не смее да има повеќе од 35 дена во годината за да се заштити здравјето на луѓето, но лимитот е одамна надминат. Во Лисиче практично цела година повеќе дишат прав отколку кислород, зашто 24-часовната граница таму е пречекорена фантастични 270 дена во оваа година. Така било и 200 дена во Центар. Притоа, среднодневните концентрации се далеку од наивни - достигаат вредности и над 800 микрограми на кубик воздух, што практично значи дека таму буквално постојано, без ни еден час олеснување, воздухот бил алармантно загаден. - Добро е што уште сме живи. Попладне, низ улиците во Лисиче ужасно смрди. Сите се загреваат на ќумбиња, а во нив покрај дрва, горат и недозволени состојки, пластики, ѓубре, па и отпадни масла. Ситуацијата е страшна, имам две мали деца и размислувам да се отселам од Лисиче. Втора опција ми е да купам филтер за прочистување на воздухот внатре во домот, но тоа ќе чини многу пари, а сепак нема да нè заштити од она што мора да го дишеме надвор. Шах-мат - вели Валентина Христова од населбата која го држи неславниот рекорд во аерозагаденост и по број на денови и по количината на ситни честички. Така му е судено на Лисиче, на цело Скопје и на другите градови што имаат слична местоположба - котлинска. - Ако нема ветер со денови, аерозагадувањето во котлините само се трупа и постојано, од ден на ден, се надополнува со новите испуштени количества. Ако задува ветер, атмосферата се расчистува за брзо време, што сите можевме да го почувствуваме минатата недела кога по девет дена загадување, ветерот донесе моментно олеснување. Во Лисиче е најголема концентрацијата зашто тоа е најниското место во котлината, па таму како во дно на инка слегнува најголем дел од загадувањето - вели проф. д-р Драган Ѓорѓев од Институтот за јавно здравје, кој е член на владината интерсекторска работна група за следење на квалитетот на воздухот. Го чекаат десеттиот ден Не е сè оставено на случајот и ветерот. Интерсекторската работна група, составена од претставници од повеќе министерства, градот Скопје и лекари, неодамна одлучи да го утврди моментот кога мора да се реагира затоа што тоа претходно не беше утврдено во ниту еден акт. Се договорија акциските планови низ градовите да се активираат откако десет дена едноподруго 24-часовната концентрација на ситен прав ќе надмине 100 мцг/м3. Денеска е шестиот ден, и ако ветерот не ги спаси повторно во последен момент, ќе мора да ги преземат мерките за предупредувања и ограничувања. - Никој не ги спречува скопските власти и оние во другите градови и пред десеттиот ден да преземаат мерки. Треба да се подготвени однапред и веќе да размислуваат за втор сет мерки - вели проф. Ѓорѓев. Според Акцискиот план за Скопје, Градот може да препорача упатства за движење на отворен простор, препораки за децата, старите и хроничните болни да не излегуваат надвор, да не се користат автомобили, туку јавен превоз итн. Мерките за ограничувања настапуваат при стабилни временски состојби и надминувања на праговите на алармирање на одредени загадувачи, а подразбираат одлагање на масовни собири, забрана или ограничување на сообраќајот во одредени реони, по потреба забрана на ложење во котларниците и индустриските објекти или запирање на одредени погони, одлагање на сите операции што можат да го загадат воздухот, а не се итни итн. Сообраќајот во центарот може да биде забранет за автомобили и камиони и да се користат само новите автобуси итн. Од Градот велат дека се подготвуваат за спроведување на акцискиот план, а од Министерството за животна средина велат дека овие мерки во текот на 2013 година ќе бидат преточени во правилник. Марш за почист воздух Здружението на граѓани за одржлив развој и заштита на животната средина „Гоу грин“, денеска во 12 часот, организира марш за намалување на загадувањето на воздухот. Поворката ќе тргне од пред Скопските клиники, конкретно кај нивната топлана, а ќе заврши на плоштадот Македонија. - Маршот е апел за намалување на загаденоста на воздухот и испраќање порака до сите одговорни фактори да ги преземат потребните мерки. Топланата во скопските клиники е најголем загадувач во Општина Центар и затоа е избрана како почетна точка на маршот. Со маршот ќе испратиме пораки до надлежните власти, индустријата и до граѓаните - велат организаторите. http://www.dnevnik.com.mk/?ItemID=8666EC08DC83B64F9A7B3D70CD8A1745 |
||
Dexter26
Senior Member Joined: 19-Nov-2010 Online Status: Offline Posts: 2035 |
Quote Reply #242 Posted: 27-Dec-2012 at 18:11 | |
Дали поради маршот против аерозагадувањето или поради некоја друга
причина, еден македонски национален и сателитски медиум, кој во последно
време не е баш познат по независно и објективно наспроти партиско и
субјективно известување, ја објави вистината за аерозагадувањето во
Скопје.
http://www.sitel.com.mk/20-pati-povekje-od-dozvolenoto-e-zagaden-vozduhot-vo-skopje 20 пати повеќе од дозволеното е загаден воздухот во Скопје
|
||
ehrlich
Senior Member Joined: 31-May-2012 Location: Скопје Online Status: Offline Posts: 1365 |
Quote Reply #243 Posted: 27-Dec-2012 at 18:50 | |
Пак сме се вратиле на истите бројки од пред некоја недела. Епа, нека ни е наздравје чистиот воздух. Инаку, како што гледам од картата на министерството не е проблемот само во Скопје, туку и во другите градови. Бидејќи во министерството очигледно ништо не работат против загадувањето, единствено барем се за пофалба дека излегоа со оваа страница, а во изминатиов период гледам дека вклучуваат се поголем станици и во другите градови, како Кичево, Битола, Тетово, Кочани и Велес, барем знаеме колку се труеме, ако ништо друго.
Edited by ehrlich - 27-Dec-2012 at 18:51 |
||
martind
Senior Member Joined: 29-Jun-2011 Online Status: Offline Posts: 332 |
Quote Reply #244 Posted: 27-Dec-2012 at 19:29 | |
Па добро, ништо ново, години наназад Скопје, не само што е најзагаден град во Македонија, туку се вбројува во еден од најзагадените во Европа.
Има голем број на причини меѓу кои: - Урбанистичките планови на општините и Градот Скопје секојдневно се променуваат, и на површините со зеленило, се предвидуваат станбени и комерцијални објекти - Врз фабриките ( пред се тука мислам на УСЈЕ, ОКТА, Железара како и на неколку погони од МЗТ ) не врши никој контрола врз гасовите кои ги исшуштаат ( доколку живеете во Сопиште, Кисела Вода, Бунарџик, Миладиновци и околните населби и села најдобро може да видите колку штетни гасови се испуштаат ) - Со проектот Увоз на половни автомобили од странство, се увезоа толку голем број на автомобили и автобуси кои едвај ги исполнуваат ЕУРО 2 стандардите - Поради скапите енергенси ( тука пред се мислам на струјата )голем дел од граѓаните се греат со дрва - И уште многу други причини ( како на пример често шутот во континјерите и во нивите како и во дивите депонии се палат ). Како чекори кои треба да се превземат за намалување на ваквите појави според мене се: - Да се зголеамт зелените површини ( имаше еден стандард кои се пименува во ЕУ , на одреден број жители во една општина треба да има миниум (не ми текнува колку ) квадрати под зелена површина - Да се забрани жителите во централното градско подрачје, да го користат дрвото, ќумурот и сл. како енергенс. - Да се забранат сите автомобили кои не исполнуваат миниум ЕУРО 3 стандар - Да се забрани користење на дрва за греење во периодот од 01 април до 15 октомври - како и поголем број на закони кои се применуваат т.е. практикуваат во останатите земји од регионот и Европа, а кои се наменети односно насочени кон намалување на штетните честички во воздухот |
||
+Protagorist
Senior Member Joined: 01-Nov-2012 Online Status: Offline Posts: 3588 |
Quote Reply #245 Posted: 27-Dec-2012 at 20:58 | |
честито маршот и написот Соња,како поминавте имаше ли одѕив или слабо сте се организирале? инаку добра поента по тексот има во коментаро на токму така
можеби ќе куртулат скопјани доколку јурне струење од кањонот Матка доколку матка1 ја спуштат но и ова е под знак прашање со оглед дека појако би било струњето доколку ја нема и матка2 во секој случај вреди да се проба и така станува збор за слаба и стара градба! |
||
HaјсилнoтoOpужјe е вo caмитeHac cинaпoвo3pнo co НaдeжВepaЉубoв
|
||
Dexter26
Senior Member Joined: 19-Nov-2010 Online Status: Offline Posts: 2035 |
Quote Reply #246 Posted: 28-Dec-2012 at 14:19 | |
http://www.24vesti.com.mk/vonredni-preporaki-na-gradot-skopje-poradi-zagadenosta-na-vozduhot
Вонредни препораки на Градот Скопје поради загаденоста на воздухот
|
||
Andrej_LJ
Senior Member Joined: 20-Oct-2008 Location: Ljubljana Online Status: Offline Posts: 2954 |
Quote Reply #247 Posted: 28-Dec-2012 at 17:17 | |
Да бе да не се излегува доколку не е неопходно! Исто и да не се дише по можност! Згадено ми е од некомпетентноста на кретениве, како може да си дозволат да побараат да не се излегува во главниот град и тоа баш пред големи празници!? Како воопшто им паѓаат на памет вакви глупости наместо да се земат во раце и превземат мерки под итно?
|
||
"Тaм, където глупостта е образец, разумът е безумие." Гьоте
|
||
redsonja
Newbiе Joined: 24-Nov-2009 Location: tuka nekade Online Status: Offline Posts: 0 |
Quote Reply #248 Posted: 29-Dec-2012 at 13:03 | |
ПРОФ. Д-Р ДРАГАН ЃОРЃЕВ, ИНСТИТУТ ЗА ЈАВНО ЗДРАВЈЕ Умираме чекајќи чист воздух Соња Христовска http://dnevnik.com.mk/?ItemID=C0F6705A958D0F478772F5BF7132E935 |
||
gjoko
Senior Member Joined: 18-Jun-2011 Location: kicevo Online Status: Offline Posts: 6554 |
Quote Reply #249 Posted: 29-Dec-2012 at 13:39 | |
вицовите што се кажуваа за велешани сега стануваат реалност за Скопје:како зема вештачко дишење скопјанец?ја става устата на ауспух од автомобил
мора нешто да се превземи,можеби најпрво во најзагадено денови да се воведе пар-непар возење на колите |
||
HugoGoulding
Senior Member Joined: 05-Feb-2011 Location: Skopje Online Status: Offline Posts: 1304 |
Quote Reply #250 Posted: 31-Dec-2012 at 12:28 | |
Значи не поминаа ни два цели дена од како квалитет на воздухот во Скопје беше во границите на нормалата и еве сеа пак се качува на Многу висока загаденост. Буквално дишеме 5 до 6 дена во неделата отров и еден до два дена нормален воздух и тоа единствено ако имаме среќа да падне дожд па поради тоа. Катастрофа.
|
||
OCB
Senior Member Joined: 03-Feb-2011 Location: 54 Online Status: Offline Posts: 921 |
Quote Reply #251 Posted: 04-Jan-2013 at 17:58 | |
Немам многу знаења во оваа област, но ваквиот одговор на д-р Ѓорѓев ми звучи претерано паушално. Впрочем главниот прoблем лежи во непостоење на опсежна научна студија во оваа област. Информациите се спорадични, а резултатите преточени во месечни и годишни извештаи на Министерството за животна средина не се конклузивни од проста причина што се базираат на непотполни мерења како производ на честите дефекти на мерните станици и непостоење на научен пристап. На 28.12.2012 беше објавен Националниот план за заштита на амбиентниот воздух во Република Македонија за пеpиод од 2013 до 2018 година (превземи) во кој се наоѓа следниов статистички податок: „Процентуален удел на вкупни сусpenдирани честички по сектори 2010 година Најголем процент на емисија на суспендираните честички произлегува од производствените процеси (Макстил, Скопски Легури, Фени Индустри, Фероалоис) и иснесува 60%. Исто така значаен процент во емисијата на вкупните суспендирани честички имаат и производството на електрична и топлинкска енергија со 23% и согорувачки постројки во производствена индустрија со 15%.“ Доколку ова е точно, решението е едноставно но скапо - модернизирана индустриска инфраструктура и еколошки филтри. Иако дел од ова решение беше предвидено со закон кој предвидуваше имплементирање на нови еколошки стандарди најдоцна до 2014, поради економската криза, овој рок е пролонигран до 2019. Во обид да го зачува социјалниот мир преку спречување на отпуштања од работа во металната индустрија, Владата отворено ни порача дека ќе дишеме отровен воздух уште 6 години. Ова и покрај тоа што се свесни дека годишно 1.350 луѓе умираат поради аерозагадување, а финансиски средства се губат и преку државниот здравствен сектор надлежен за бесплатно лекување на болни поради аерозагадувањето. Ваквата состојба не само што резултира во загуба на човечки животи, болести и финансиски средства, туку сериозно ќе го забави процесот на пристапување кон ЕУ кое подразбира имплементирање на строги еколошки стандарди како предуслов за зачленување во Унијата. Edited by OCB - 04-Jan-2013 at 18:02 |
||
Portal
Senior Member Joined: 13-Nov-2010 Online Status: Offline Posts: 452 |
Quote Reply #252 Posted: 11-Jan-2013 at 09:27 | |
Saraevo isto kako Skopje se naoga vo dupka opkoleno so planini, i se gusi vo smogot...Tamu ke se gradele/busele tuneli vo planina za provetruvanje na gradot, kolku e toa izdrzano neznam...
|
||
FoSsiL
Senior Member Joined: 01-Mar-2009 Location: Аеродром Online Status: Offline Posts: 4699 |
Quote Reply #253 Posted: 11-Jan-2013 at 15:00 | |
OMG... Што е ова... црниов чад од топлана запад... па нормални ли се... |
||
Македонија - Земја на чудата!
|
||
FoSsiL
Senior Member Joined: 01-Mar-2009 Location: Аеродром Online Status: Offline Posts: 4699 |
Quote Reply #254 Posted: 11-Jan-2013 at 15:01 | |
плус... Edited by FoSsiL - 11-Jan-2013 at 15:02 |
||
Македонија - Земја на чудата!
|
||
Dexter26
Senior Member Joined: 19-Nov-2010 Online Status: Offline Posts: 2035 |
Quote Reply #255 Posted: 14-Jan-2013 at 14:41 | |
Иако не е поврзано со темава,
сепак мислам дека тука му е местото, доколку
администраторите/модераторите мислат поинаку, нека го преместат овој
пост, но сепак јас мислам дека местото на овој пост е на оваа тема.
Дури и да го прочитаат нашинците, сепак не верувам дека сериозно би разгледале нешто вакво и дека воопшто би го зеле во предвид со цел решавање на проблемот со секојдневното се поголемо загадување во Скопје. http://off.net.mk/zhivot-i-zabava/urban/mozhelo-znachi Можело значи
|
||
gjoko
Senior Member Joined: 18-Jun-2011 Location: kicevo Online Status: Offline Posts: 6554 |
Quote Reply #256 Posted: 14-Jan-2013 at 16:47 | |
да ама кај нас во Скопје е шема да се излегува на кафе со Q7 i X6 џипови,ќе ти се смеат со точак
|
||
гитардемон
Senior Member Joined: 19-Feb-2008 Online Status: Online Posts: 5422 |
Quote Reply #257 Posted: 14-Jan-2013 at 16:58 | |
Таквите комплекси на малокуритис ќе почнат да се губат кога средната и високата класа ќе брои многу повеќе членови, а со тоа секој трет ќе може да си дозволи X6, Q7 и Cayenne, па ќе мора да се бара друг начин за да се разликуваат од мноштвото. Во САД тоа го прават со возење на еколошки возила, и со други слични „хипи“ методи.
|
||
FoSsiL
Senior Member Joined: 01-Mar-2009 Location: Аеродром Online Status: Offline Posts: 4699 |
Quote Reply #258 Posted: 17-Jan-2013 at 17:04 | |
Усје...
|
||
Македонија - Земја на чудата!
|
||
FoSsiL
Senior Member Joined: 01-Mar-2009 Location: Аеродром Online Status: Offline Posts: 4699 |
Quote Reply #259 Posted: 17-Jan-2013 at 17:07 | |
Македонија - Земја на чудата!
|
||
Dexter26
Senior Member Joined: 19-Nov-2010 Online Status: Offline Posts: 2035 |
Quote Reply #260 Posted: 17-Jan-2013 at 19:35 | |
Фотографирано денес, четврток, 17 јануари 2013, 11:15 часот.
Подоцна почна да паѓа снег кај Милениумскиот Крст, а едно 30 минути подоцна ми се јавија за да ми кажат дека доле во Скопјето врнел дожд. На симнување од кај крстот, некаде околу 13:00 часот, од истата локација на Водно, го немаше облакот издувни гасови над Скопјето, очигледно поради дождот. |
||
Post Reply | Page <1 1112131415 41> |
Forum Jump | Forum Permissions You cannot post new topics in this forum You cannot reply to topics in this forum You cannot delete your posts in this forum You cannot edit your posts in this forum You cannot create polls in this forum You cannot vote in polls in this forum |