Електроника

Солени Батерии

Натриумот не само што го има во изобилство, што го прави поевтин од сега користениот литиум, но и батериите направени од натриум ќе акумулираат повеќе енергија, ќе се вчитуваат побрзо и ќе имаат подолг живот. Таква е визијата на француските истражувачи, кои го претставија првиот прототип на батерија означена како Na-ion (натриум-јон). Научниците веруваат дека технологијата може да се адаптира за складирање на енергија од обновливи извори како ветер и сонцето што ќе помогне да се надминат ограничувањата на овие ресурси.

Прототипот е во формат на 18650 – ќелија, слична на голема AA батерија каква што обично се користи во преносните компјутери, како и во електричните автомобили Tesla. За време на циклусите на полнење и празнење, натриумовите јони се движат низ течноста од една кон друга електрода. Енергетската густина на новите ќелии е приближно 90 ват-часови по килограм. Оваа вредност е околу половина од енергетската густина на современаta батерија, но е споредлива со првите произведени литиум-јонски ќелии.

Тестовите покажуваат дека новите ќелии се во состојба да издржат најмалку 2.000 циклуси на полнење и празнење, без да загубат од својот квалитет. За споредба, литиум-јонските батерии издржуваат помеѓу 400 и 1200 циклуси. Најголемиот поттик, па и гаранција за комерцијализација на технологијата е економската корист – натриумот се среќава 1000 пати почесто отколку литиумот.

Батеријата Na-ion веќе помина од лабораториска кон предпроизводствена фаза, што е важен чекор кон зголемување на енергетскиот капацитет и понатамошниот развој на мобилните уреди.

http://kanalplus.mk/na-ion-натриум-јонска-е-новата-и-двојно-пои/