Македонски православен крст - Аеродром

ШТЕДЛИВИ СВЕТИЛКИ ЗА КРСТОТ ВО НОВО ЛИСИЧЕ

Повеќе од две недели крстот во Ново Лисиче, сместен на крстосницата на булеварите "Трета македонска бригада" и "Србија" е без осветлување.
Жителите од околината велат дека одвреме-навреме свети по некоја светилка, а дека во вторникот вечер биле вклучени сите светилки, но со многу слаба светлина.
"Во моментов се работи на осветлувањето на крстот, што значи следната недела ќе биде целосно осветлен. Станува збор за поставување штедливи светилки, кои значително ќе ги намалат трошоците за енергија за осветлување", објаснуваат од Општина Аеродром. Според нив, осветлувањето на крстот ќе чини околу 6,5 милиони денари. Инаку, крстот и претходно беше осветлен, но и покрај рефлекторите, големи делови од конструкцијата беа во темница. Затоа Општината, која е задолжена за одржување на крстот, летово на оглас бараше фирма која за 5.080.000 денари ќе изведе осветлување на крстот.
Крстот е висок 56,5 метри, со распон на краците од 34 метри, а на постаментот има 12 икони од дванаесетте апостоли. Целата конструкција е премачкана со златна боја, а местото околу крстот е уредено со зеленило, пешачки патеки, клупи и фонтана. Во внатрешноста на постаментот на крстот беше предвидено да се изградат две галерии, но поради тоа што просторот е тесен, пренаменет е за сместување на техничката опрема за крстот.
(Ан.С.)

http://www.vesti.mk/read/news/11560309/4051640/shtedlivi-svetilki-za-krstot-vo-novo-lisiche

на буквално стотина метри од крстов пред недела дена имаше огромно езеро

СО 5 МИЛИОНИ ДЕНАРИ ЌЕ СЕ ДООСВЕТЛУВА КРСТОТ ВО АЕРОДРОМ

Крстот кај четириесеткатниците во Аеродорм ќе се доосветлува. Општината на оглас бара фирма која за 5.080.000 денари ќе изведе осветлување на крстот.

Заинтересираните треба најдоцна до 31 август да ги достават понудите чие отворање е закажано за истиот ден во 10 часот.
Крстот е веќе осветлен, но и покрај рефлекторите, големи делови од конструкцијата се во мрак.
Од Светскиот македонски конгрес (СМК), кои го поставија крстот, најавија дека тој ќе се доосветлуваше уште во летото 2014 година, неколку месеци откако тој беше поставен. Тодор Петров, претседател на СМК, тогаш објасни дека на крстот има темни делови оти осветлувањето не е довршено, а недовршена е и малата црква која ќе го носи името "Црква на Светиот крст".
Откако официјално беше пуштен во употреба, крстот беше предаден за одржување на Општина Аеродром.
Во внатрешноста на постаментот на крстот беше предвидено да се изградат две галерии, но поради тоа што просторот е тесен, пренаменет е за сместување на техничката опрема за крстот.
Изградбата на крстот во Аеродром претставува дел од одбележувањето на 2000 години христијанство. Крстот е висок 56,5 метри, со распон на краците од 34 метри, а на постаментот има 12 икони од дванаесетте апостоли. Целата конструкција е премачкана со златна боја, а местото околу крстот е уредено со зеленило, пешачки патеки, клупи и фонтана. (М.И.П.)
http://vesti.mk/read/news/10054909/3534177/so-5-milioni-denari-ke-se-doosvetluva-krstot-vo-aerodrom

Православен крст во Аеродром...

Постољето не ми се допаѓа особено во подножјето каде што се гледа исклучително евтина изработка. Инаку незнам зошто не го зиработиле постољето од камен , цигла комбинација како повеќето православни цркви. Ваков вид на ѕид ми делува многу евтино и застарено.
Убаво е што колку толку го средија тој дел кој беше секогаш зараснат со диви треви.Само да не застанат сега туку да ја средат тревата и обавезно да се засади некое дрвце а јас би ставил и ограда од чембери или некој други зимзелени растенија кои би го редуцирале звукот и прашината.

Edited by kultuzin - 28-May-2014 at 17:58

Една малку постара...


...и една од денес, ја средуваа околината

Ама ти очигледно не читаш баш темелно

Да, грешка... сега увидов   

Originally posted by kultuzin Благодарам Даци, убав кадар , незнаев дека од спротивната страна има паркче.

Ова е паркчето:
http://www.build.mk/forum/forum_posts.asp?TID=2918

Благодарам Даци, убав кадар , незнаев дека од спротивната страна има паркче.