ПРОБНО ЌЕ СЕ ЗАТВОРИ УЛИЦАТА 8 СЕПТЕМВРИ ВО ЦЕНТАРОТ ВО ВЕЛЕС ЗА ДА СЕ ПРОВЕРИ ДАЛИ ФУНКЦИОНИРА ПРОЕКТОТ ЗА СООБРАЌАЈНО РЕШЕНИЕ

Улиците Страшо Пинџур и Гоце Делчев во центарот на Велес ќе бидат двонасочни кога ќе заврши уредувањето на тротоарите на улицата 8 Септември. Двонасочниот сообраќај ќе биде во одреден период од годината. Откако деновиве се изврши хоризонтално обележување на овие две улици, се создаде дилема во јавноста зошто такво решение кога беше најавено дека тие ќе бидат двонасочни само преку лето, и тоа навечер.

Од локалната власт најавија дека годинава може да се случи главната улица 8 Септември да се затвори од Сармаале до Коњаникот како проба во краток период и тогаш улиците Страшо Пинџур и Гоце Делчев да бидат двонасочни, за да се увидат позитивните страни и слабостите на планираниот и предвиден сообраќаен режим.

„Прво треба да се заврши со уредувањето на тротоарите на улицата 8 Септември, зафат кој е во тек. Потоа треба да се изврши нејзино хоризонтално обележување, по што инвеститор од канцеларијата на ЕУ ќе направи увид дали може таа да се пушти во сообраќај. Поточно, да стапи на сила проектот за регулирање на сообраќајот во централното градско подрачје, донесен во 2017 година“, кажа Славче Велков, сообраќаен инженер во Општина Велес.

Предвидено е улицата 8 Септември догодина да се затвори за сообраќај во јуни, јули и август од 18 до 3 часот.

„Со проектот од 2017 година, предвидено е по улицата 8 Септември, која треба да биде затворена, да сообраќаат само возилата на градскиот јавен превоз. Во однос на компаниите кои имаат вработени и имаат сопствен автобуски превоз, ќе се разговара како тие патници да се качуваат во нивниот превоз. Возило во должина до 6 метри може да мине по улиците Страшо Пинџур и Гоце Делчев во правец од Сармаале до Коњаникот, а од Коњаникот до Сармаале може да се движи превозно средство во должина до 10 метри. И тоа само во вечерните часови, кога ќе биде затворена улицата 8 Септември. За проектот веќе се барани и направени одредени отстапки, улицата не е целосно затворена како што беше предвидено, туку само неколку месеци во ноќните часови“, вели Велков.

Реакции има и за пристапот на возилата од правец на центар, од споменикот Коњаникот кон паркингот пред Основен суд, каде што е исцртана непрекината сообраќајна линија, која покажува дека не може да се влезе на просторот.

„Доколку се дозволеше таквата можност, ќе се создаваше голема колона возила на кружниот тек. Затоа, ако некој сака да влезе на паркингот од правец на Коњаникот, треба да дојде до плоштадот Сармаале, да заврти на кружниот тек и да се врати назад“, објасни Велков.

За пешачките премини пред некогашното кино „11 Октомври“ кон НА-МА и од НА-МА кон кафеаната „903“, кои сега ги нема, реагираа незадоволни жители, но пешачкиот премин кон месноста Дворови останува.

„Пред Европската куќа, некогашното кино, нема да се црта пешачки, бидејќи ги има погоре кај пешачките острови и долу кај Стопанска банка. Пешачки кон Дворови ќе се црта кога киоскот ќе биде отстранет, а сопственикот најавил дека тоа ќе го стори набргу“, кажа Велков.

Незадоволни се и легалните таксисти, кои останаа без стојалиштата за своите возила во Центар, кај Коњаникот и на Сармаале.

„Кај Коњаникот се нацртани четири такси стојалишта, близу Европска куќа. Тие ќе бидат наскоро и во функција. Кај Сармаале нема можност за паркинг за такси возила бидејќи ако останеа досегашните локации, го отежнуваат сообраќајот кон улиците Архиепископ Михаил и Страшо Пинџур и тука нема да има такси стојалиште“, рече Велков.

Уредувањето на улиците во центарот на Велес беше дел од проектот со кој градот требаше да добие пешачка зона и да се затвори за сообраќај главната улица сите 365 дена, бидејќи Велес е единствен поголем град во Македонија кој нема пешачка зона. Но, проектот претрпе повеќе промени, за кои се бараше согласност од финансиерот ЕУ, бидејќи наместо решение, се создадоа големи колони возила и сообраќаен метеж во центарот на Велес.

https://sdk.mk/index.php/dopisna-mrezha/probno-ke-se-zatvori-ulitsata-8-septemvri-vo-tsentarot-vo-veles-za-da-se-proveri-dali-funktsionira-proektot-za-soobrakajno-reshenie/

Originally posted by SkMk Градоначалничката на Град Скопје, Данела Арсовска, со екипи од секторите во градот и јавните претпријатија, извршија увид во градежните работи за започнување со реализација на прва фаза на еден од најтешките, најголемите и најзначајните проекти во Скопје, изградбата на булеварот Македонија кој ќе го реши деценискиот проблем со сообраќајниот метеж во централното градско подрачје. Овој булевар има за цел да го растерети сообраќајот во центарот на градот особено на улицата Јордан Мијалков, улицата Павел Шатев, улицата Св. Кирил и Методиј и булеварот Кочо Рацин. Градското раководство започнува со изградба на сообраќајницата на потегот од Тутунски комбинат во Кисела Вода која завршува во централното градско подрачје, и во првата фаза опфатени се булеварот и три крстосници, првата меѓу булевар Крушевска Република и улица 11 октомври, втората меѓу булевар Борис Трајковски и булевар Македонија и третата на двата краци на булевар Македонија кон втората фаза од булеварот кои се поврзуваат со подземната сообраќајница кај Лимак. Реализацијата на ваквите сообраќајни решенија е од особено значење за граѓаните на Град Скопје, а значително ќе го намалат сообраќајниот метеж во центарот на градот и ќе го олеснат движењето на граѓаните низ централното градско подрачје. Во првата фаза која се реализира на траса предвидени се и нова велосипедска патека по целата должина како и пешачка зона, а истовремено се реконструира целосно водоводната и канализационата мрежа. https://www.facebook.com/share/p/U51KHiMtrv3mCU2m/?mibextid=K8Wfd2

Денес,сеуште нема никакви активности освен што кенот

од тука



го преместиле овде


...

Идејно решение за изградба на кружен тек на Северен Булевар каде што ќе се гради и Лидл











https://www.facebook.com/opshtinakavadarci

Гевгелија има нов булевар до граничниот премин Богородица? Од каде до каде конкретно? Никаде јас не гледам булевар со 4 ленти.

И шума се исече и пари се потрошија, но патот од Водно за Сопиште уште е неупотреблив



Од Јавното претпријатие за државни патишта во чија надлежност е патот од Водно до Сопиште нема одговор дали се санирани свлечиштата ниту кога конечно ќе биде ставен во функција.

Цели седум години откако е завршена неговата изградба, патот што води од Водно за Сопиште, не е официјално пуштен во употреба. Изговори за тоа има многу, но главната пречка е свлечиштето кое се појави откако беше завршен и за кое досега очигледно не се најде решение како да се санира. Или едноставно сите институции го заборавија иако за изградба на делницата долга 4,4 километри се потрошија 7,7 милиони евра.

Со проблемот со одрони и свлечишта, се соочуваше и изведувачот на градежните работи „Гранит“, поради што беа пробиени роковите за градба, а сепак надлежните во 2017 година се пофалија дека изградбата е целосно завршена иако свлечиштата на патот останаа.

Пробивањето на регионалниот пат Р2138, кој беше еден од условите за да започне изградбата на елитната населба Сончев Град, почна во 2013 година и 11 години подоцна сѐ уште е со пречки на двата негови влеза, затоа што никој не може да им ја гарантира безбедноста на граѓаните доколку го поминуваат со автомобил. Неговото пуштање во употреба со години го очекуваат жителите на Сопиште и на другите населени места во тој дел, затоа што наместо да кружат преку Кисела Вода, за многу побрзо време би можеле да стигнат до центарот на Скопје. Во моментов патот го минуваат само моторџии и велосипедисти на сопствен ризик.

Од Јавното претпријатие за државни патишта во чија надлежност е патот од Водно до Сопиште не одговараат дали се санираа свлечиштата ниту кога конечно ќе биде ставен во функција. Претходните две години оттаму соопштуваа дека во текот на градбата се појавила потреба за одредени измени и дополнувања на проектната документација, коишто се опфатени со изработка на нова проектна документација на ниво на инфраструктурен проект. Признаа и дека при пробивање на трасата направени биле отстапувања од градежната линија.

– Измените и дополнувањата го опфаќаа препроектирање на дел од трасата, проектирање три потпорни конструкции, како и дополнително осигурување на стабилност на косината од високиот засек. Во текот на градбата при пробивање на трасата и оформување на косините на делови во должина на трасата на терен направени се отстапувања во однос на градежната линија која е предвидена во одобрениот проект за инфраструктура. Поради сите горенаведени настанатите промени потребно беше да се изработи измена и дополнување на одобрениот проект за инфраструктура – информираа лани од претпријатието.

Новиот проект за инфраструктура уште минатата година беше одобрен од Министерството за транспорт и врски и во тек беше постапка за „измени во тек на градба“ кои исто така требаше да ги одобри Министерството, по што требаше да се изврши технички преглед и да се издаде дозвола за употреба.

Досега тоа не се случи, а од јавното претпријатие не одговараат на прашањата дали веќе се санирани проблемите на патот.

После седум години откако го прогласија за изграден ( но очигледно недограден) и делот од патот каде немаше свлечишта ќе остари и ќе почне да се уништува.

Се чувствува ли некој одговорен за лошата изведба на патот, за залудно фрлените пари и конечно затоа што за неговото пробивање и покрај жестоките противења на граѓаните и граѓанските организации, се исече шума на Водно, се уништи дел од планината?

https://www.slobodenpecat.mk/i-shuma-se-iseche-i-pari-se-potroshija-no-patot-od-vodno-za-sopishte-ushte-e-neupotrebliv/

ОД БОМБАСТИЧНАТА НАЈАВА НА АРСОВСКА ОСТАНА САМО ЛЕНТАТА Што се чека за да почне изградбата на булеварот Македонија?



Извадени две палети со бехатон плочки, еден контејнер-барака кој треба да служи како канцеларија и ништо друго нема и по еден месец откако беше најавена првата фаза на еден од најтешките, најголемите и најзначајните проекти во Скопје кај стара „Рампа“.

Точно пред еден месец градоначалничката на Скопје, Данела Арсовска, со екипи од секторите во градот и јавните претпријатија, изврши увид во градежните работи за започнување со реализација на прва фаза на изградбата на булеварот Македонија со кој ќе се реши деценискиот проблем со сообраќајниот метеж во централното градско подрачје.

Сепак, според тоа што може да се види на терен, засега нема ниту еден работник или машина која ќе ги извршува работните задачи и нејасно е зошто и покрај најавата на Арсовска, ништо не се случува.

Според сајтот за јавни набавки, Град Скопје на 5 февруари за реализацијата на овој проект има склучено договор со компанијата ЈУ-БАЈ 2 Амет ДООЕЛ село Бојане, Скопје, во износ од 48.083.564 денари со ДДВ или 781.847 евра. Во битката за оваа јавна набавка покрај ЈУ-БАЈ 2 Амет ДООЕЛ биле уште 10 градежни компании, но сепак изведувачот од Бојане ја имал најприфатливата понуда според Град Скопје.

Градоначалничката Арсовска тогаш истакна дека овој булевар има цел да го растовари сообраќајот во центарот на градот, особено на улиците: Јордан Мијалков, Павел Шатев, како и на булеварите Свети Кирил и Методиј и Кочо Рацин.

„Градското раководство започнува со изградба на сообраќајницата на потегот од Тутунски комбинат во Кисела Вода која завршува во централното градско подрачје, и во првата фаза опфатени се булеварот и три крстосници, првата меѓу булевар Крушевска Република и улица 11 Октомври, втората меѓу булевар Борис Трајковски и булевар Македонија и третата на двата крака на булевар Македонија кон втората фаза од булеварот кои се поврзуваат со подземната сообраќајница кај Лимак“, соопштија тогаш градските власти.

Како што пишуваше во соопштението од Градот, реализацијата на ваквите сообраќајни решенија е од особено значење за граѓаните на Скопје, а значително ќе го намали сообраќајниот метеж во центарот на градот и ќе го олесни движењето на граѓаните низ централното градско подрачје.

https://plusinfo.mk/od-bombastichnata-na-ava-na-arsovska-ostana-samo-lentata-shto-se-cheka-za-da-pochne-izgradbata-na-bulevarot-makedoni-a/

Градоначалничката на Град Скопје, Данела Арсовска, со екипи од секторите во градот и јавните претпријатија, извршија увид во градежните работи за започнување со реализација на прва фаза на еден од најтешките, најголемите и најзначајните проекти во Скопје, изградбата на булеварот Македонија кој ќе го реши деценискиот проблем со сообраќајниот метеж во централното градско подрачје.

Овој булевар има за цел да го растерети сообраќајот во центарот на градот особено на улицата Јордан Мијалков, улицата Павел Шатев, улицата Св. Кирил и Методиј и булеварот Кочо Рацин.

Градското раководство започнува со изградба на сообраќајницата на потегот од Тутунски комбинат во Кисела Вода која завршува во централното градско подрачје, и во првата фаза опфатени се булеварот и три крстосници, првата меѓу булевар Крушевска Република и улица 11 октомври, втората меѓу булевар Борис Трајковски и булевар Македонија и третата на двата краци на булевар Македонија кон втората фаза од булеварот кои се поврзуваат со подземната сообраќајница кај Лимак.

Реализацијата на ваквите сообраќајни решенија е од особено значење за граѓаните на Град Скопје, а значително ќе го намалат сообраќајниот метеж во центарот на градот и ќе го олеснат движењето на граѓаните низ централното градско подрачје.

Во првата фаза која се реализира на траса предвидени се и нова велосипедска патека по целата должина како и пешачка зона, а истовремено се реконструира целосно водоводната и канализационата мрежа.

https://www.facebook.com/share/p/U51KHiMtrv3mCU2m/?mibextid=K8Wfd2